Aagundjuka yoSwapo noPDM ya nyana okwaana iilonga

Aagundjuka moSwapo nomoPDM oya limbililwa nayi konkalo yokwaa- na-iilonga moNamibia tayi koko esiku nesiku. Oya popi ndhoka konima sho ehangano lyomayalulo gopashigwana lya tseyitha kutya ondjele yokwaa-na-iilonga ngashingeyi oyi li poopelesenda 37%, ashike aanawino otaye yi tengenekele poopelesenda 55%.Oshilyo mOmutumba gwoPashigwana kokatekete koPDM Maximillian Katjimune okwa ti onkalo ndjika yokwaa-na-iilonga mokati kaagundjuka otayi hweenene noyo "ekala epyu lyaa na esiku inaali tema." Okwa gwedha po wo kutya epangelo olya ndopa okuungaunga nonkalo yAanamibia oyendji yaa na iilonga.Omiyalu dhoNSA otadhi holola kutya ondjele yokwaa-na-iilonga moNamibia oya koko noopelesenda 3.5 muule woomvula ntano, okuza 2018 sigo 2023.“Omiyalu dha pitithwa kehangano lyoNSA dha pamba okwaa- na-iilonga, odha koleke kutya onkalo ndjika oya pumbwa okukatukilwa onkatu yomeendelelo,” Katjimune a ti. “ Okwa holola wo kutya omadhiladhilo getu kutya epangelo olya nyengwa thiluthilu okuungaunga noshiponga shika meukililo, ano epangelo kali na ohokwe yopapolitika nuulongelwe wa pumbiwa okukandulitha eshongo ndika.”SPYL a zi mokalunguEwawa lyaagundjuka moSwapo nalyo olya limbililwa nayi konkalo ndjika yokwaa- na-iilonga tayi hweenene noonkondo.“Ewawa lyaagundjuka moSwapo olya ndhindhilike neyemato enene ekoko mondjele yokwaa-na-iilonga moshilongo noopelesenda 3.5%, ngaashi tashi holoka molopota yomo2023 yomiyalu dhopashigwana dha pamba iilonga,” Amushanga gwomauyele mewawa lyaagundjuka moSwapo Moses Shikerete, a ti.

Aagundjuka yoSwapo noPDM ya nyana okwaana iilonga

Comments

Namibian Sun 2025-05-09

Please login to leave a comment

Aagundjuka yoSwapo noPDM ya nyana okwaana iilonga

Comments

Namibian Sun 2025-05-09

Please login to leave a comment

Login