Uittel nodig om wenpaar in Windhoek te bepaal

Die Windhoek-gholfklub het laas naweek ‘n volle veld van 68 spelers op die baan gehad wat in die gesogte uitduntoernooi meegeding het om vir die streekfinaal van die King Price Internasional Parespelreeks te kwalifiseer.

In ‘n taai kompetisie was ‘n merkwaardige telling van 45 punte nodig vir die wenpaar om op grond van ‘n uittel op die sewende putjie as wenners aangewys te word. Wisdom Moyo en Nelago Amutenya het sodoende as wenners van die baan gestap.

Op hul hakke was die naaswenners John Chadyiwa en Evelyn Paulino, terwyl Trevor Colmer en Jaco Meuwesen ewe indrukwekkend met 44 punte was.

Die energie, sportmanskap en kompeterende gees op die baan het dit ‘n gedenkwaardige geleentheid gemaak. Die klub wens al die wenners voorspoed toe in hul voorbereiding op die streekfinale. Drie van die klub se vyf kwalifiserende toernooie bly nog oor.

Drie gelukspryse is deur The Corner Butcher op die spel geplaas wat deur Inklous Suze, Sesilia Nkoshi en Charl Brits ingepalm is.

Die wenners was

1 Wisdom Moyo en Nelago Amutenya (45 punte, uittel).

2 John Chadyiwa en Evelyn Paulino (45).

3 Trevor Colmer en Jaco Meuwesen (44).

Pryse vir houe naaste aan die pen is deur Danie van Schoor (putjie 9) en Toady Gurirab (putjie 17) ingeoes.