Omeya gokopomba gaa shi omayelele gokoKatima omawanawa
Among several water-related concerns, the municipality has confirmed that it is actively working to resolve ongoing sewer issues affecting some neighbourhoods.
Ehangano lyoNamWater oli uvite uukwawo wanankali pamwe naakalimo yomoKatima Mulilo molwomeya gawo gokopomba ngoka gaa shi omayelele ngoshito nonande ongawo omeya ngaka otaga vulu okunuwa nonande ge li ngaaka.
Momukanda gwa pitithwa mEtitatu, ehangano lyokwaandjaganeka omeya olya ti olwaala lwomeya lwa yooloka olwe eta kiiyela (oiron nomanganese) oyindji tayi adhika momeya gomomulonga gwaZambezi, ngoka ogwo onzo olunene yomeya haga longithwa mondoolopa.
Omalunduluko ngaka giikakothimbo ya yooloka, opamwe neshina lyokudhinda omeya lyoKatima Mulilo hali dhindi omeya ogendji noonkondo shi vule poonkondo dhalyo, otali dhigupalitha edhindo lyomeya– unene iidhinditho yomavi mbyoka hayi longo unene, ehangano lya ti.
NamWater okwa ti nonande omeya inaga nika oshiponga sha sha kuundjolowele womuntu, oshi uvitike ko kutya olwaala lwago otalu limbilike aantu.
Ehangano lyokwaandjaganeka omeya ngashingeyi olya tula miilonga oonkambadhala dhopakathimbo, mwa kwatelwa okugwedhela elongitho lyomiti dhokwoopaleka omeya nokwoopaleka olundji iidhinditho (omashina) yomeya.
Olya kumagidha woo oonakulongitha omeya ogendji, ngaashi ehangano lyoMeatco, opo li dhinde natango omeya opo li kuthe mo iidhiyudhiyu manga ekandulopo lyomukundu tali kalele tali ya.
Onkatu ya simana mokukandula po omukundu nguka oya katukwa sho otendela yokulongulula omashina gokudhinda omeya nokukutha mo omavi momeya ya hulithwa po momasiku ga8 Mai. Okumbestela nokutalulula nawa okwi ipyakidhilwa nako, naNamWater ota ti ota lalakanene okutameka niilonga mbala ngaashi tashi vulika.
NamWater oti indile aakalimo ya tsikile nokwiidhidhimika, nokwa dhenge omuthindo kutya oonkambadhala dhopakathimbo noshowo tadhi kalele otadha tulwa miilonga, opo aakalimo ya kale nomukumo meandjaganeko lyomeya mondoolopa.
Ominino dhomeya dha thita
Pokati mpoka, Elelo lyOndoolopa yaKatima Mulilo olya taalelwa keshongo lyomeya gohanya mondoolopa, unenenene molukanda lwaNgweze.
Momukanda gwa pitithwa lwopehulilo lyomwedhi gwa zi ko, elelo olya ti omashina gokudhinda omeya gohanya omakulu nokweekelahi kwiiyagaya yoludhi kehe muumiinolo, okwe eta uumiinolo wu thite noopaipi dhi tope momalukanda.
Aanamagumbo yatatu molukanda lwaNgweze oya gumwa nayi noonkondo konkalo ndjika, nomeya gohanya taga kunguluka taga tula oshigwana moshiponga shokukwatwa komikithi.
Nonande elelo tali nyengwa koshimaliwa, olya ti otali ka longulula monomola yotango uumiinolo nokutula mo ominino omipe komahala ngoka ga dhengwa ga lila konkalo ndjika. Iilonga yokutula mo oopaipi oompe oya tamekele momasiku 21 Apilili, nomunakotalaka okwi ipyakidhila natango niilonga. Okufululula mo ominino okwe eta puuyelele kutya ominino omikulu odha thitikwa kiiyagaya nodha yonuka unene.
Elelo lyondoolopa oli indile aakalimo ya yande okweekelahi iiyagaya muumiinolo nolyu uvaneka tali ka longitha omashina goshinanena ga simana uuna pwa monika oshimaliwa.
Momukanda gwa pitithwa mEtitatu, ehangano lyokwaandjaganeka omeya olya ti olwaala lwomeya lwa yooloka olwe eta kiiyela (oiron nomanganese) oyindji tayi adhika momeya gomomulonga gwaZambezi, ngoka ogwo onzo olunene yomeya haga longithwa mondoolopa.
Omalunduluko ngaka giikakothimbo ya yooloka, opamwe neshina lyokudhinda omeya lyoKatima Mulilo hali dhindi omeya ogendji noonkondo shi vule poonkondo dhalyo, otali dhigupalitha edhindo lyomeya– unene iidhinditho yomavi mbyoka hayi longo unene, ehangano lya ti.
NamWater okwa ti nonande omeya inaga nika oshiponga sha sha kuundjolowele womuntu, oshi uvitike ko kutya olwaala lwago otalu limbilike aantu.
Ehangano lyokwaandjaganeka omeya ngashingeyi olya tula miilonga oonkambadhala dhopakathimbo, mwa kwatelwa okugwedhela elongitho lyomiti dhokwoopaleka omeya nokwoopaleka olundji iidhinditho (omashina) yomeya.
Olya kumagidha woo oonakulongitha omeya ogendji, ngaashi ehangano lyoMeatco, opo li dhinde natango omeya opo li kuthe mo iidhiyudhiyu manga ekandulopo lyomukundu tali kalele tali ya.
Onkatu ya simana mokukandula po omukundu nguka oya katukwa sho otendela yokulongulula omashina gokudhinda omeya nokukutha mo omavi momeya ya hulithwa po momasiku ga8 Mai. Okumbestela nokutalulula nawa okwi ipyakidhilwa nako, naNamWater ota ti ota lalakanene okutameka niilonga mbala ngaashi tashi vulika.
NamWater oti indile aakalimo ya tsikile nokwiidhidhimika, nokwa dhenge omuthindo kutya oonkambadhala dhopakathimbo noshowo tadhi kalele otadha tulwa miilonga, opo aakalimo ya kale nomukumo meandjaganeko lyomeya mondoolopa.
Ominino dhomeya dha thita
Pokati mpoka, Elelo lyOndoolopa yaKatima Mulilo olya taalelwa keshongo lyomeya gohanya mondoolopa, unenenene molukanda lwaNgweze.
Momukanda gwa pitithwa lwopehulilo lyomwedhi gwa zi ko, elelo olya ti omashina gokudhinda omeya gohanya omakulu nokweekelahi kwiiyagaya yoludhi kehe muumiinolo, okwe eta uumiinolo wu thite noopaipi dhi tope momalukanda.
Aanamagumbo yatatu molukanda lwaNgweze oya gumwa nayi noonkondo konkalo ndjika, nomeya gohanya taga kunguluka taga tula oshigwana moshiponga shokukwatwa komikithi.
Nonande elelo tali nyengwa koshimaliwa, olya ti otali ka longulula monomola yotango uumiinolo nokutula mo ominino omipe komahala ngoka ga dhengwa ga lila konkalo ndjika. Iilonga yokutula mo oopaipi oompe oya tamekele momasiku 21 Apilili, nomunakotalaka okwi ipyakidhila natango niilonga. Okufululula mo ominino okwe eta puuyelele kutya ominino omikulu odha thitikwa kiiyagaya nodha yonuka unene.
Elelo lyondoolopa oli indile aakalimo ya yande okweekelahi iiyagaya muumiinolo nolyu uvaneka tali ka longitha omashina goshinanena ga simana uuna pwa monika oshimaliwa.
Comments
Namibian Sun
No comments have been left on this article