Nekongo a gandja ombili kaalongiskola
Nekongo a popithwa aniwa kongeyo
Amushanga gwewawa lyaanyasha mongundu yoSwapo, okwa a gandja ombili kaalongiskola konima sho e yaula kutya aatambuli owala yoondjambi, sha landula iizemo yondondo onti 11 no 12 yanayipala.
Ephraim Nekongo pethimbo a gandja ombili okwa popi kutya omapopyo ngoka okwe ga ningithwa kongeyo pethimbo iizemo tayi limbilike ya pitithwa.
Nekongo okwa tsikile kutya aalongi oya pumbwa okutambulako epuko lyendopo ndyoka.
“Kutya otatu ula aantu kutya aatambuli owala yoondjambi, oshili ooshoka kutya oopresenda 85 dhaanaskola odha ndopa. Ipula nee ngele ngoye omulongiskola ihe ongundu ayihe inayi pita,” Nekongo a popi, a gwedhapo kutya iizemo otayi limbilike.
Nekongo okwa tsikile kutya ethimbo olya thikana opo uuministeli welongo wu kwatele komeho elelo lyelongo momukalo tagu longithwa okuya moshipala iizemo yoludhi ndoka.
“Aantu ayehe naya ungaunge noshinima shoka. Kutya omusindalongo, oCovid-19 nenge kehe tuu, aaleli oya punbwa okuya pamwe nokutala kutya otaya kandulapo ngiini uupyakadhi mboka.”
Konyala oopresenda 80 dhaanaskola mboka ya shanga ekonaakono lyoNamibia Senior Secondary Certificate Ordinary (NSSCO) oshowo oAdvanced Subsidiary (AS) oya ndopa okumona iitsa tayi ya falitha kiiputudhilo yopombanda. Iizemo mbyoka ya pitithwa oya holola kutya aanaskola owala yeli 5 812 mboka ya shanga ekonaakono lyoNSSCO ya piti omanga aanaskola owala 8 133 mboka ya shanga ekonaakono lyoAS level ya mono iitsa yokuya falitha kondondo onti 12.
Nekongo okwa tsikile kutya aalongi oya pumbwa okutambulako epuko lyendopo ndyoka.
“Kutya otatu ula aantu kutya aatambuli owala yoondjambi, oshili ooshoka kutya oopresenda 85 dhaanaskola odha ndopa. Ipula nee ngele ngoye omulongiskola ihe ongundu ayihe inayi pita,” Nekongo a popi, a gwedhapo kutya iizemo otayi limbilike.
Nekongo okwa tsikile kutya ethimbo olya thikana opo uuministeli welongo wu kwatele komeho elelo lyelongo momukalo tagu longithwa okuya moshipala iizemo yoludhi ndoka.
“Aantu ayehe naya ungaunge noshinima shoka. Kutya omusindalongo, oCovid-19 nenge kehe tuu, aaleli oya punbwa okuya pamwe nokutala kutya otaya kandulapo ngiini uupyakadhi mboka.”
Konyala oopresenda 80 dhaanaskola mboka ya shanga ekonaakono lyoNamibia Senior Secondary Certificate Ordinary (NSSCO) oshowo oAdvanced Subsidiary (AS) oya ndopa okumona iitsa tayi ya falitha kiiputudhilo yopombanda. Iizemo mbyoka ya pitithwa oya holola kutya aanaskola owala yeli 5 812 mboka ya shanga ekonaakono lyoNSSCO ya piti omanga aanaskola owala 8 133 mboka ya shanga ekonaakono lyoAS level ya mono iitsa yokuya falitha kondondo onti 12.
Comments
Namibian Sun
No comments have been left on this article