Aalongwa ye li monkugo yi na onkambe mOshikoto
Omakuma ga kulupa ga nika oshiponga
Kakele koonguluskola tadhi hala okukumuka po, uundjugo ihau pombo tau nika noonkondo, aalongwa ya pitilila nonkayi yomawilikimbo, aalongi poskola pEngoyi otaa longo neitulomo ya gandje elongo lyongushu kaalongwa.
Oskola momukunda Engoyi mOshitopolwa shaShikoto oyi li mompumbwe onene yomatungo, oonguluskola nuundjugo owu na omisa ominene. Aalongi naalongwa oya tila omakuma otaga kumuka, noku ya tula moshiponga.
Pethimbo lyetalelepo poskola pEngoyi, Namibian Sun okwa mono onkalo yoonguluskola dha kulupa. Sha gwedha po, uundjugo ihau pombo, owa longithwa oomvula noomvula, otau nika noonkondo.
Oskola oya totwa po mo1979.
Shi ikolela komunkuluntu-skola Mirjam Ndaoya oskola oyi na aalongwa 514 nuumvo okuza poshikunino sigo ondondo 9.
Egameno lyaa po
Ndaoya okwa dhenge omuthindo konkalo ya nayipala yoonguluskola, ndhoka dhi li poku kumuka po, nokwa ti omatungo oga kulupa.
“Owu iwetele ko mwene kutya omisa ominene, nodhi li apehe,” okwa popi manga ta ulikile omutoolinkundana nguka omatungo ga kulupa.
Omulongiskola pEngoyi okwa nyenyeta kutya, okutala konkalo yomatungo, omuntu ota vulu okutinda okulonga monkalo ya nika oshiponga, ihe kaye na shoka taa vulu okuninga.
Onkalo itayi ‘idhidhimikilwa’
Eshongo ekwawo lya taalela oskola aalongwa ya pitilila.
Ndaoya okwa holola kutya Ondondo 6 oyi na aalongwa 54, mboka ya pitilila ondjele yu uthwa kepangelo yomulongi gumwe kaalongwa 35.
Okwa fatulula kutya aalongwa ya pitilila ohaya imbi etulomiilonga lyelongo lyomulongwa ta dhana onkandangala mootundi.
Shika oshe eta aalongi yamwe yaa gandje iithigilwalonga kaalongwa. Omolwa embwindakanitho lyoondondo mokulonga, oye na okutala omambo ogendji ongula yanakwasha, omanga taa endulula oshikalimo shohela. Onkalo ondhigu kaalongi.
“Aalongi oya hala okugandja iithigilwalonga, ihe itaa vulu oshoka otaa kala nomambo ogendji okutala, nonande ye shi ninge, omathimbo gamwe kape na ethimbo lyokutala omambo, nuuna omulongwa a dhimbulula kutya omulongi iha tala omambo gawo, ohashi ya shololitha moku longa oshithigilwalonga oshikando tashi landula,” omukuluntuskola a fatulula.
Ngashingeyi, oskola oya pumbwa omatungo omape gOndondo 2. Nonande omulongi okwa ulikwa poskola, omatungo ge li po itage ya gwanene. Onkene, oskola otayi longekidha okugongela oshimaliwa yi dhengele oshipeleki ya kuthe po omukundu nguka.
Sha gwedha po, pethimbo lyetalelepo, omutoolinkundana nguka okwa mono aalongwa yamwe yaa na omuzalo gwoskola gwi ihwa po, noyendji yomuyo ye li mompumbwe yoongaku dhondalaha.
Uundjugo wa nika
Omulongi gumwe okwa tseyithile Namibian Sun kutya omolwa onkalo ya nayipala yuundjugo woskola, aalongi naalongwa otaa si uunye okunwa iikunguluki ya yande okuyamukula eshito.
“Nonande owa hala okulongitha okandjugo notwe wu ku ulukile, otashi vulika wu hinge wu ye kegumbo wu ka longithe okandjugo kokegumbo,” omulongi a holola.
Oskola oya kala nokandjugo ihaa ka pombo okuza petoto po lyawo mo1979, nezimba tali zi muwo otali uvikila kokule.
Onkayi yiipundi niitaafula
Ndaoya okwa ti wo oskola oyi li mompumbwe yiipundi niitaafula.
Niitafula niipundi ya teka tayi adhika poskola, Ndaoya okwa ti oskola otayi taamba ko kehe ngoka ta vulu okuya kwatha moku yi pangela.
Oskola oya oumbwa eshina lyokwiindjipaleka oombapila (oprinta) niikwathitholongo.
Ndaoya okwa fatulula kutya, ngashingeyi, aalongi owala ye na omawilikimbo; onkene, oya tegelelwa ya nyole engongo koshipelende nenge yi indjipaleke oombapila, onkalo ndjoka ando tayi yandwa ngele aalongwa wo ye na omawilikimbo.
Okwa dhenge omuthindo kutya, kakele komashongo, aalongi 23 naaniilonga yalwe poskola otaa kambadhala noonkondo adhihe ya gandje elongo lyongushu kaalongwa.
[email protected]
Pethimbo lyetalelepo poskola pEngoyi, Namibian Sun okwa mono onkalo yoonguluskola dha kulupa. Sha gwedha po, uundjugo ihau pombo, owa longithwa oomvula noomvula, otau nika noonkondo.
Oskola oya totwa po mo1979.
Shi ikolela komunkuluntu-skola Mirjam Ndaoya oskola oyi na aalongwa 514 nuumvo okuza poshikunino sigo ondondo 9.
Egameno lyaa po
Ndaoya okwa dhenge omuthindo konkalo ya nayipala yoonguluskola, ndhoka dhi li poku kumuka po, nokwa ti omatungo oga kulupa.
“Owu iwetele ko mwene kutya omisa ominene, nodhi li apehe,” okwa popi manga ta ulikile omutoolinkundana nguka omatungo ga kulupa.
Omulongiskola pEngoyi okwa nyenyeta kutya, okutala konkalo yomatungo, omuntu ota vulu okutinda okulonga monkalo ya nika oshiponga, ihe kaye na shoka taa vulu okuninga.
Onkalo itayi ‘idhidhimikilwa’
Eshongo ekwawo lya taalela oskola aalongwa ya pitilila.
Ndaoya okwa holola kutya Ondondo 6 oyi na aalongwa 54, mboka ya pitilila ondjele yu uthwa kepangelo yomulongi gumwe kaalongwa 35.
Okwa fatulula kutya aalongwa ya pitilila ohaya imbi etulomiilonga lyelongo lyomulongwa ta dhana onkandangala mootundi.
Shika oshe eta aalongi yamwe yaa gandje iithigilwalonga kaalongwa. Omolwa embwindakanitho lyoondondo mokulonga, oye na okutala omambo ogendji ongula yanakwasha, omanga taa endulula oshikalimo shohela. Onkalo ondhigu kaalongi.
“Aalongi oya hala okugandja iithigilwalonga, ihe itaa vulu oshoka otaa kala nomambo ogendji okutala, nonande ye shi ninge, omathimbo gamwe kape na ethimbo lyokutala omambo, nuuna omulongwa a dhimbulula kutya omulongi iha tala omambo gawo, ohashi ya shololitha moku longa oshithigilwalonga oshikando tashi landula,” omukuluntuskola a fatulula.
Ngashingeyi, oskola oya pumbwa omatungo omape gOndondo 2. Nonande omulongi okwa ulikwa poskola, omatungo ge li po itage ya gwanene. Onkene, oskola otayi longekidha okugongela oshimaliwa yi dhengele oshipeleki ya kuthe po omukundu nguka.
Sha gwedha po, pethimbo lyetalelepo, omutoolinkundana nguka okwa mono aalongwa yamwe yaa na omuzalo gwoskola gwi ihwa po, noyendji yomuyo ye li mompumbwe yoongaku dhondalaha.
Uundjugo wa nika
Omulongi gumwe okwa tseyithile Namibian Sun kutya omolwa onkalo ya nayipala yuundjugo woskola, aalongi naalongwa otaa si uunye okunwa iikunguluki ya yande okuyamukula eshito.
“Nonande owa hala okulongitha okandjugo notwe wu ku ulukile, otashi vulika wu hinge wu ye kegumbo wu ka longithe okandjugo kokegumbo,” omulongi a holola.
Oskola oya kala nokandjugo ihaa ka pombo okuza petoto po lyawo mo1979, nezimba tali zi muwo otali uvikila kokule.
Onkayi yiipundi niitaafula
Ndaoya okwa ti wo oskola oyi li mompumbwe yiipundi niitaafula.
Niitafula niipundi ya teka tayi adhika poskola, Ndaoya okwa ti oskola otayi taamba ko kehe ngoka ta vulu okuya kwatha moku yi pangela.
Oskola oya oumbwa eshina lyokwiindjipaleka oombapila (oprinta) niikwathitholongo.
Ndaoya okwa fatulula kutya, ngashingeyi, aalongi owala ye na omawilikimbo; onkene, oya tegelelwa ya nyole engongo koshipelende nenge yi indjipaleke oombapila, onkalo ndjoka ando tayi yandwa ngele aalongwa wo ye na omawilikimbo.
Okwa dhenge omuthindo kutya, kakele komashongo, aalongi 23 naaniilonga yalwe poskola otaa kambadhala noonkondo adhihe ya gandje elongo lyongushu kaalongwa.
[email protected]
Comments
Namibian Sun
No comments have been left on this article