Kotokeni pethimbo lyefundja - Nandi-Ndaitwah
Omeya gefundja sho taga tsikile nokwiindjipala kOnooli, Omupresidente Netumbo Nandi-Ndaitwah okwi indile oshigwana shi kale sha kotoka, opo ku keelelwe omaso.
Nandi-Ndaitwah okwa londodha oshigwana mOlyomokaya mOshakati pethimbo a talele po osenda yomatulululo yEhenye, hoka kwa kala aantu mboka ya tembuka molwefundja.
“Kotokeni ngele tamu taaguluka omeya omale opo mwaa se omeya. Inatu hala tu mu kanithe ngele otashi vulu okuyandwa,” omupresidente a ti.
Aantu mboka ye li mehala ndyoka otaya yambidhidhwa kepangelo omanga onkalo tayi hwepopala.
Omupresidente okwa pandula aanambelewa molwelongelokumwe pokati kepangelo, komalelo gopaitopolwa noshowo lyomalelo goondoolopa sho ya kwashilipaleke kutya omayakulo ga simana otaga thiki kiihakanwa yefundja.
Nandi-Ndaitwah okwa pandula woo oshigwana shoka sha dhengwa kefundja molwelongelokumwe lyasho pethimbo lyetembu lyawo, okwe shi hokolola kutya osha li ethimbo ewinayi nedhigu.
Ngoloneya gwoshitopolwa shaShana Elia Irimari okwa ti osenda yEhenye ngashingeyi oye edhilila aantu 1 377 ya za momagumbo 398.
“Aantu oyendji mboka ya tembudhwa oya za momalukanda Oshoopala nOnawa, ngoka ga dhengwa ga lila kefundja. Oshikumithi, nonande kOndangwa nako oku na efundja wo, Aandangwa inaya tembudhwa,” okwa ti.
Irimari okwa ti aakalimo yomOngwediva ye li 25 oya kwathelwa opo ya tembuke.
Iilonga tayi tsikile
Ngoloneya okwa gwedha po kutya, monena, ooskola hamano natango odha pata molwefundja, omanga ooskola 15 ndho dha patele molwefundja odha tsikila nootundi.
Irimari okwa kwashilipaleke oshigwana kutya oonkambadhala odha ningwa opo ku kwashilipalekwe kutya elongo lyaalongwa itali yiwa moshipala.
“Oonkambadhala dhokugandja omakwatho ga simana odhi li we nadho metifa. Oondjila (oopate) omugoyi odha opalekululwa nokukwashilipalekwa kutya otadhi vulu okulongithwa koshigwana nomokugandja omakwatho,” okwa gwedha po.
Oshitopolwa shaShana osha pewa uushako wokudhinditha omeya 17 500, mboka tau topolwa shi thike pamwe miikandjohogololo ayihe 11 opo aantu ya nwe omeya ga yela.
Nandi-Ndaitwah okwa londodha oshigwana mOlyomokaya mOshakati pethimbo a talele po osenda yomatulululo yEhenye, hoka kwa kala aantu mboka ya tembuka molwefundja.
“Kotokeni ngele tamu taaguluka omeya omale opo mwaa se omeya. Inatu hala tu mu kanithe ngele otashi vulu okuyandwa,” omupresidente a ti.
Aantu mboka ye li mehala ndyoka otaya yambidhidhwa kepangelo omanga onkalo tayi hwepopala.
Omupresidente okwa pandula aanambelewa molwelongelokumwe pokati kepangelo, komalelo gopaitopolwa noshowo lyomalelo goondoolopa sho ya kwashilipaleke kutya omayakulo ga simana otaga thiki kiihakanwa yefundja.
Nandi-Ndaitwah okwa pandula woo oshigwana shoka sha dhengwa kefundja molwelongelokumwe lyasho pethimbo lyetembu lyawo, okwe shi hokolola kutya osha li ethimbo ewinayi nedhigu.
Ngoloneya gwoshitopolwa shaShana Elia Irimari okwa ti osenda yEhenye ngashingeyi oye edhilila aantu 1 377 ya za momagumbo 398.
“Aantu oyendji mboka ya tembudhwa oya za momalukanda Oshoopala nOnawa, ngoka ga dhengwa ga lila kefundja. Oshikumithi, nonande kOndangwa nako oku na efundja wo, Aandangwa inaya tembudhwa,” okwa ti.
Irimari okwa ti aakalimo yomOngwediva ye li 25 oya kwathelwa opo ya tembuke.
Iilonga tayi tsikile
Ngoloneya okwa gwedha po kutya, monena, ooskola hamano natango odha pata molwefundja, omanga ooskola 15 ndho dha patele molwefundja odha tsikila nootundi.
Irimari okwa kwashilipaleke oshigwana kutya oonkambadhala odha ningwa opo ku kwashilipalekwe kutya elongo lyaalongwa itali yiwa moshipala.
“Oonkambadhala dhokugandja omakwatho ga simana odhi li we nadho metifa. Oondjila (oopate) omugoyi odha opalekululwa nokukwashilipalekwa kutya otadhi vulu okulongithwa koshigwana nomokugandja omakwatho,” okwa gwedha po.
Oshitopolwa shaShana osha pewa uushako wokudhinditha omeya 17 500, mboka tau topolwa shi thike pamwe miikandjohogololo ayihe 11 opo aantu ya nwe omeya ga yela.
Comments
Namibian Sun
No comments have been left on this article