Baster Kapteinshuis terug besorg

Maandag, 13 Oktober 2025, was 'n historiese dag vir die Rehoboth Baster-gemeenskap, vol emosie, dans, trane en blydskap. Die datum merk 'n geskiedkundige mylpaal in terme van die vertrouensverhouding tussen die gemeenskap en die Namibiese regering, gekenmerk deur die amptelike oorhandiging van die Baster Kaptein se huis, terug aan die Baster volk. “Dit was oorhandig aan die regmatige eienaars. Die regmatige eienaars is die Rehoboth Baster gemeente,” dring die verkose Baster kaptain Jacky Britz aan. “Die huis wat daardie tyd, 35 jaar geleede, [as] die huis van pyn, of die huis van grootste vernedering genoem was, het in ‘n gejubel verander,” brei hy uit. “Net hierdie gebaar het ons mense baie vaardeer,” sê hy. Vir hom en ander teenwoordig, veral ouer lede van die Baster volk en die wyer Rehoboth inwoners, was dit ‘n baie emosionele ervaaring, volgens Britz. “Is dit ‘n droom of is dit die waarheid?” het hy oor die eindresultaat van drie en ‘n halwe dekades se wag vir so ‘n dag bygevoeg. “Hierdie huis se teruggee is simbolies van die teruggee van ons waardigheid en ons identitiet as inwoners van hierdie land,” sê hy. Britz brei uit dat die eienaarskap van die amptelike woning en kantoor van die hoof van die Baster volk met onafhanklikheid aan die nuwe Namibiese regering oorgeteken was. “Die destydse Kaptein Hans Diergaardt en sy vrou, wat al reeds in ‘n gevorderde ouderdom was, is sumier uitgesit uit die huis, en dit het groot ontevredenheid onder die Rehoboth Baster volk veroorsaak. Natuurlik het dit gely tot ‘n baie vyandige gesindhouding teenoor die regering. Net hierna is ons mense van alles ontneem. As ek praat van alles, dan bedoel ek alles , ons waardigheid, ons identiteit, ons menswees, ons bates,” vertel hy. Oor die volgende dekades is die huis deur verskeie individue en regeringsministeries beset, maar meesdal onbewaak gelaat. Uitgebreide skade is later deur 'n brand veroorsaak. Die perseel is steeds in 'n baie vervalle toestand.Goewerneur van die Hardap streek, Riaan Charles McNab het egter by die oorhandiging die versekering gegee dat, “die regmaak van die huis aandag geniet. U kan vir my op my woord vat. Die huis sal op sy oorspronklike vorm herstel word,” het hy aangedring. Volgens McNab was die oorhandiging ‘n oomblik van erkening en van versoening. Dit was volgens hom die terugbesorging van ‘n stuk regmatige erfenis, wat tot ‘n mate geskiedkundige ongeregtighede regstel, en waardeer die regering die grondwetlike regte en kulturele identiteit van Baster mense handhaaf, het hy gesê. “Dit is ‘n tree nader aan die versekering dat alle Namibiers geresprekteer en ingesluit voel, veral in ag van sake van tradisionele en grond- en geboueienaarskap,” het McNab gesê. “Eenheid dra krag en met eenheid kan ons saam sukses behaal,” het hy op aangedring.Rehoboth burgemeester Justin Coetzee het gesê die dorp se inwoners sluit verskillende nasie in, “maar vandag is ‘n dag wanneer ons almal een is.” Volgens hom word die gedeelde Rehoboht geskiedenis die fondament vir gedeelde voorspoed. “Ontwikkeling moet hier plaasvind, en daarvoor moet ons saam staan. Kom ons respekteur mekaar,” het hy gevra. “Kom ons stop om te verskeer en kom ons bou vir Rehoboth op, hierdie plek van ruimte,” het Coetzee gesê. Namibië se visepresident, Lucia Withbooi, was die eregas en het die sleutels van die huis aan voorsitter van die Sam Khubis komitee Albert Alberts amptelik oorhandig. Alberts sê die gelyktydige hernoeming van Bahnhof Straat na Johannes Gerhard Adolf Diergaardt Straat is ook testement tot die verbeterde verhouding tussen die regering en Rehoboth inwoners. Met die oorhandiging het Witbooi gesê: “Ek het die eer om as visepresident aan die tradisionele owerheid van die Rehoboth Basters die Kaptein se huis oor te dra, aan die voorsitter van die Sam Khubis komitee as verteenwoordiger van die Baster gemeenskap. Bring die gemeenskap bymekaar en neem die leiding, en hanteer dit met volwassenheid,” het sy gesê. Die Rehoboth Basters word steeds nie amptelik deur die Namibiese regering as ‘n tradisionele owerheid erken nie.

Baster Kapteinshuis terug besorg

Comments

Namibian Sun 2025-12-05

Please login to leave a comment

Baster Kapteinshuis terug besorg

Comments

Namibian Sun 2025-12-05

Please login to leave a comment

Subscription Required to Access Content ×

Login

Subscription Required to Access Content