Onyama yombome ya dhengitha omukulukadhi kumwene mOshikoto

Oshipotha oshikumithi shoshimbuluma sha pamba iithikuthi noshowo shomahepeko gomomagumbo osha kumitha aakalimo yomomukunda Omutonda moshitopolwa shaShikoto moshiwike shika, konima sho omakonakono gopolisi moshipotha shokudhenga nokweehameka ge eta puuyelele kutya ombome (oshihono sha gamenwa) oya dhipagwa.Oshiningwanima shoka sha ningilwe mEtine momasiku 17 Apilili, osha tameke sho omulumentu gwoomvula 39 anuwa a dhipaga ombome niiti nonekatana manga a li ta litha mokuti moshikandjohogololo shaNehale lyaMpingana.Ombome oyi li mongundu yiinamwenyo mbyoka ya gamenwa moNamibia, nuuna we yi mono, unene ngele we yi dhipaga nenge we yi kwata, owa pumbwa okutseyithila naatili wu pewe epitikilo wu ye nayo.Omufekelwa okwa ndopa okutseyithila opolisi nenge naatili. Nonande ongawo, okwa fala onyama kegumbo, ndjoka ye etitha eipumomumwe pokati ke nomukadhi. Aapolisi otaya fekele kutya omukulukadhi okwa dhengwa molwonyama yombome.Shi ikolelela kopolisi, oontamanana odha lundu pombanda sigo omusamane ta dhengagula omukulukadhi, shoka she etitha omukadhi opo a patulule oshipotha. Opolisi mokuninga omakonakono, oya mono oshipa shombome oshikukutu, ashike onyama yawo inayi monika. Ombome otayi tengenekwa yongushu yoN$30 000.Omufekelwa okwa mangwa po nokwa mangululwa konale konima yokulondodhwa ke shi yelekele we. Ota tamenekelwa uukongo wiithitukuti ya gamenwa omanga kee na uuthemba nepitikilo nota tamanekelwa woo oshipotha shomahepeko gomomagumbo.Okwa li a tegelelwa a holoke mompangu yaMangestrata gwaNdangwa ohela. Nonande ehokololo lyombome ekumithi molwelandulathano lyiiningwanima yalyo, olyo limwe lyomiiningwanima iinene mbyoka ya lopotelwa opolisi moshilongo ashihe momukokomoko gwoshiwike shaPaasa moka iimbuluma yi ya nyalitha: okukwatwa niingangamithi niiponga yiihauto, ya londo pombanda.Uukolokoshi moshigwanaOmulumentu gwoomvula 20 okwa mangwa po momukunda Kahenge moshitopolwa shaKavango Uuninginino sho taku hokololwa kutya okwa kwata onkonga okamwayinakadhona koomvula 12 mepya. Opolisi oya koleke ekwatathano lyaamwayinathana mbaka noya ti kutya omufekelwa okwa londodhelwe nale kombinga yomaihumbato ge taga limbilike uuna e li nokamwayinakadhona.Opolisi otayi konakona wo oshipotha sheteyo lyegumbo noshowo shekwatonkonga komudhingoloko gwaImpalila mOshitopolwa shaZambezi. Opolisi oya manga po aalumentu yaali ayehe yoomvula 23 sha landula sho ya teya nokuya megumbo lyaantu nokukwata koonkondo omukiintu gwoomvula 24 Omuzambia lwoyimwe yuusiku mOlyomakaya. Oshihakanwa osha falwa koKatima Mulilo shi ka pangwe nokuningilwa omakonakono.Natango mEtine, kOkaiti, oontamanana dhaa fele kombinga yombiila odha fala sigo omeso. Omufekelwa gwoomvula 36 otaku hokololwa a tsu nombele omunamimvo 21 Max Plaatjies mothingo konima sho ya li taya tamanana popepi nostola yoJika Jika Supermarket. Oshihakanwa oshi isisidha uule woometa ethele nosha ongotele nokwiihata po popepi nostola yoWoermann & Brock. Oshihakanwa opo sha a sile mpoka. Omufekelwa okwa mangwa po, nonande ombele ndjoka ye etitha oshiponga inayi monika.Okukwatwa niingangamithiAapolisi oya manga po oonakukwatwa niingangamithi oyendji moshilongo ashihe mehuliloshiwike lya piti.KOliindili, omunamimvo 34 okwa adhika noopela 79 dhomandrax yongushu yoN$9 480. Esiku olyo tuu ndjoka, omunandholongo omunamimvo 19 okwa kwata po ishewe konima yokwaadhika a holeka oopela heyali dhomandrax mokakuma mondjedhililo yaAroab.Opolisi yaRehoboth oya manga po omukulupe gwomukulukadhi gwoomvula 61 ngoka a li a humbata uushako 17 wepangwe kolutu naashika osha dhimbululwa konima yokuhadhwa kolutu. Moshiningwanima sha yooloka, aantu yatatu, mwa kwatelwa aakiintu yaali gumwe omunamimvo 18 nomukwawo omunamimvo 19, oya mangwa po sho ya li taya kambadhala okundjondjela epangwe mondholongo, sho ye li holeke mokashako kosuuka ka nuninwa omunandholongo gumwe.Omulumentu gwoomvula 25 okwa mangwa po kOtjiwarongo konima sho a hadhwa mostola nokwa adhika nepangwe lyongushu yoN$800.Moshiningwanima oshikwawo, omukulupe omulumentu gwoomvula 64 okwa mangelwa koongamba dhAriamsvlei konima sho taku fekelwa a adhika nuumanya 26 wa fa okawe nokashina koku wu kweya, ayihe mbika oya adhika mondjato ye. Okwa adhika a galukile moshilongo okuza ko South Africa.

Onyama yombome ya dhengitha omukulukadhi kumwene mOshikoto

Comments

Namibian Sun 2025-05-21

Please login to leave a comment

Onyama yombome ya dhengitha omukulukadhi kumwene mOshikoto

Comments

Namibian Sun 2025-05-21

Please login to leave a comment

Login