Omulumentu a tsu ohonda ye nombele lwiikando 26

Opolisi yaNamibia otayi konakona oshipotha shedhipago li nyanyaleka, sho omulumentu gwoomvula 24 anuwa a tsu ohonda ye yoomvula 22 nombele nonoskulufu lwiikando 26 mehuliloshiwike twa zi. Shi ikolela kepeko lyopolisi, omufekelwa okwe shi koleke kutya oye e mu dhipaga shili. Iilwitho ayihe ya longithwa, opo ya adhika poshiningwanima.Pokati mpoka, kOtjikondo, kOshitopolwa shaKunene, opolisi oya manga po omulumentu gwoomvula 24 sho taku fekelwa a kwata onkonga okakadhona koomvula 12. Omufekelwa okwa heke okakadhona haka nokamwayinamati koomvula ntano anuwa a ka kwathelwe mokutidha, mokukwata nokudhipaga ondjuhwa. KOmalinda kOshitopolwa shaHardap, omulumentu gwoomvula 29 okwa mangwa po sho taku hokololwa kutya okwa kwata onkonga okakadhona koomvula 17, hoka anuwa e ka langele miihwa konima yokugaluka hoka ka li ka tumwa.MoWanaheda mOvenduka, oshiponga shomulilo osha fike po ombashu nomwa sile uunona uyali, kamwe koomvula ne nokakwawo koomvula hamano, mboka wa li tau tonatelwa komumwayinamati gwoomvula 20. Omakonakono gopolisi ogu ulike kutya yina yuunona okwa thigi oyana megumbo manga a ya kiilonga.Omuprima Elijah Ngurare okwa talele po aakwanezimo mbaka ye li moshikogo oshiluudhe opo e ya hekeleke. Okwa ti kutya epangelo, okupitila moshikondo shokuungaunga niiponga yopaushitwe, oli ilongekidha okukwatha mpoka tali vulu.Moshiningwanima oshikwawo shomahepeko gomomagumbo, omulumentu gwoomvula 32 omukalimo gwomOtjiwarongo okwe ehamekwa noonkondo konima sho anuwa a tsuwa nombele montulo kohonda ye kwali yoomvula 50. Opolisi oya koleka kutya omufekelwa okwa mangwa po.Iingangamithi ya kwatwa ko MoTutaleni mOmbaye, omulumentu gwoomvula 24 okwa mangwa po konima yokupewa okapakete ka tumikidhwa hoka ka li ke na epangwe lyoograma 969, lyongushu yoN$48 450. Shi ikolela kopolisi, okapakete oka tuminwa omufekelwa kondandalunde okuziilila kOvenduka.Opolisi natango oya lopota kutya omulongwa gwoomvula 22-okwa mangwa po mEtitano kolukanda lwaOrwetoveni mOtjiwarongo sha landula sho aapolisi ye mu adha noograma 756 pethimbo aapolisi ya li yi ipyakidhila nopatrola yawo. Iingangamithi mbika oyongushu yoN$37 800.Moshiningwanima oshikwawo, oshiponga shi nyanyaleka osha ningilwa mOkahandja omutenya gEtitano konima sho egulu lyohauto yoToyota yobakkie yoondunda mbali lya topa, noshe eta ohauto yi ihate po popepi nontopa yaGross Barmen.Shi ikolela kepeko lyopolisi, mosheenditho shika omwa li aantu omulongo. Aantu yatatu oya hulithile poshiponga, omanga yalwe yaheyali oya falwa koshipangelo ye ehama noonkondo.Omulumentu gwoomvula 39 omukalimo gwomOtavi okwa adhikilila koFaalama Okatjiho ta yuyu ongombe ya yakwa yongushu N$10 000. Onyama yongombe oya monika, opo ya adhika poshiningwanima, shi ikolela kolopota yopolisi. Moshiningwanima oshikwawo, kOshivelo, opolisi oya mono onyama ya yakwa ya holekwa miihwa. Aafekelwa, mboka ya kwatwa kokafano manga ya li yi ipyakidhila taya yuyu ongombe, inaya mangwa po natango oye li we mokashoko.

Omulumentu a tsu ohonda ye nombele lwiikando 26

Comments

Namibian Sun 2025-05-02

Please login to leave a comment

Omulumentu a tsu ohonda ye nombele lwiikando 26

Comments

Namibian Sun 2025-05-02

Please login to leave a comment

Login