Iimbuluma ya konda 110 000 ya lopotwa muule womvula

Kakukutu komatanga gopolisi yaNamibia Joseph Shikongo ota ti iimbuluma tayi londo eipulo enene, oshoka iipotha 110 551 oya lopotwa momumvo gwoshimaliwa 2023/2024. Okuyuga, ekwatokonga, omahepeko gaakiintu naanona nomaludhi galwe gomahepeko gomomagumbo, edhipago, okuyaka po iihauto nuulunga wiimuna, elongitho lyiingangamithi, okuteya omagumbo, yimwe yomiimbuluma hayi lopotelwa opolisi olundji.Omukuluntu gwopolisi okwa li ta popi Omaandaha mOngwediva peegululo pambelewa lyOshigongi shookomanda dhopolisi mo2024.Oshigongi, shoka tashi hulu mEtitano, osha dhanwa kohi yoshipalanyolo 'Okutaambako omadhiladhilo omape mokukutha po omashongo gopolisi'.Oshitopolwa shaKhomas oshi na ondjele onene yiimbuluma, noopelesenda 32.5 dhomiipotha ayihe ya lopotwa, taku landula iitopolwa Oshana, Otjozondjupa nErongo noopelesenda 11.3, 8.3 noopelesenda 8.Iitopolwa Kavango Uuninginino, Kunene, nOmaheke oyo yi na iimbuluma iishona, noopelesenda 1.5, 3 noopelesenda 3.Ethimbo lyo opalaShikongo okwa ti: “Ondi itaala lela kutya Oshigongi shookomanda dhopolisi nuumvo oshe ya pethimbo lyo opala, sho twa pumbwa okutalulula omifango dhetu dhokukondjitha iimbuluma.”Okwa longitha wo ompito okutsa omukumo aapolisi ya yakule nawa oshigwana.Okwa ti ombelewa ye olundji ohayi yakula omanyenyeto kutya aapolisi yamwe itaa yakula nawa oshigwana, unenenene piitaasi yopolisi nokiikondo yomakonakono yimwe.Etanga lyopolisi lyanakanenaOminista yegameno nepopilo Albert Kawana okwa holola kutya oshigongiilonga osha tetekela omahogololo gopashigwana. Okwi indile ookomanda dhiitopolwa nodhiikonga ya kundathane ondjila nonakuyiwa yopolisi oshowo okulonga nomangathithi.Kawana okwa ti oonkundathana moshigongiilonga otadhi ka kwathela ookomanda dhe ete po omifango dhi na uuningilo dhokulonga mo nawa iinakugwanithwa yopolisi miihupe yomumvo nguka, nokukwashilipaleka egameno nepopilo lyoshilongo neyakulo lyoshigwana olya hwepopala.“Nandi dhenge omuthindo, omifango ndhika inadhi ngambekelwa kiinakugwanithwa yopambelewa ashike naa tale wo koku opalela komilandu dhimwe, dhopolisi nodha za palwe, ngaashi, Oveta yOpolisi nomawilikombo galwe, noshowo ooveta dhilwe ndhoka opolisi ya pumbwa okutula miilonga,” okwa ti.Kawana okwa kwashilipaleke Shikongo kutya ombelewa ye otayi kala yi ilongekidha okwiidhopa mo ngele ope na ompumbwe yokutalulula ooveta dhi li po ndhoka itadhi opalele etanga lyopolisi lyanakanena.Minista okwa ti oku shi shi opolisi oya taalelwa komashongo ogendji, ngaashi iiyenditho inayi gwana molwa iihauto iikulu, oompito dhokuyelwayelwa dha pumba, omalukalwa ga pumba, iipumbiwanima nomuzalo gwiilonga.“Niimaliwa ya gwedhwa po twa pewa, otwa vulu okulanda iihauto ya gwedhwa po nokuthitika omwaka nguka. Oshikwawo, aapolisi ya konda 7 000 oya yelwayelwa, noko okuyelwayelwa kwaapolisi oyendji mondjokonona yetanga lyopolisi. Otwa dheula aapolisi ye thike peyovi,” Kawana a ti.

Iimbuluma ya konda 110 000 ya lopotwa muule womvula

Comments

Namibian Sun 2025-08-11

Please login to leave a comment

Iimbuluma ya konda 110 000 ya lopotwa muule womvula

Comments

Namibian Sun 2025-08-11

Please login to leave a comment

Login