Aakwanezimo yomuhingi gololi a li a yahwa peinda lyopolisi pOnhuno

Aakwanezimo yomuhingi gololi a li a yahwa peinda lyopolisi pOnhuno otaya futitha epangelo oomiliona N$3.5 taa ti edhipago ka li li paveta noya kanitha iiyemo molwa eso lyomupambele gwawo.

Oshipotha sha tulwa mo mompangu yopombanda, osha ulike aatulimo yoshipotha ye li ya tatu- omwanamati omushona osho wo aavali yanakusa Eliud Shilongo Hamukwa – Otaya pula epangelo opo li ya fute oomilion N$3.5 molwa ya kanitha omuntu gwawo.

Oshipotha osha li sha tulwa mo okupitila momukalelipo gopaveta Norman Tjombe, moka epangelo olyo a like li li mo onga omutamanekwa lyakalelwa po kominisra yi na sha niipambele yopolisi.

Omakonakono gopolisi gopetameko ga ningwa omumvogu otaga ti Hamukwaya okwa li a yi moondjuma nomupolisi konima sho a li a kankameke eloli ndyoka a li ta hingi, noonakulonda mololi oya li ya lombwelwa kutya kaye na omikanda dhiihwapo.

Opolisi oya ti, anuwa Hamukwaya okwa londo mololi ndjoka a hingi yuuka momupolisi gomukiintu a li ta longele peinda opo tuu mpoka, shoka sha ka eta opo omunambelewa gomulumentu a kuthe oshifufuta nokuumba uukitha kololi.

Oshikuti osha yaha Hamukwaya mepunda nokwa hulitha.

Shi ikwa telela komikanda dha falwa kompangu oshiwike shika, Hamukwaya anuwa “okwa dhipagawa shaa li paveta nokwayahelwa owina okusa” konambelewa gopolisi Dimbulukeni Nhamila (43), ngoka a ti ye okwa li owala ta longo ngaashi e na okulonga monkalo moka, shoka sha etela epangelo omolwa omaihumbato ge guuhasha.

Aakwanezimo otaa ti edhipago ndika ina li ya kanithitha owala omweeti gomboloto poshitaafula omunene ihe olye ya etela wo uupyakadhi womapadhiladhilo notaa pumbwa ehungomwenyo ethimbo kehe.

Onkene omwanamati omushonalela gwa nakusa ota pula a futwe oomiliona N$2,3 mwa kwatelwa oomilona N$2 omolwa a mona iihuna pamadhiladhilo. Ota pula woo N$300 000 molwa a kanitha ngoka a li he mu kwatha.

He nayina ya Hamukwaya otaya pula kehe gumwe N$600 000, mbyoka tayi futilwa molwa euvithonayi osho wo ekanitho lyomaambidhidho gopashimaliwa.

Kugwedha kwaambino, aakwanezimo otaa pula wo iihohela yoopelesenda omi-20 komumvo niifuta yopaveta.

Oshiponga otashi konakonwa

Onkatu ndjika oya kuthwa sho oshiponga shika sha li ningilwa peinda lyopolisi pOnhuno sha li sha nyanyangidhwa nokulopotwa moshilongo ashihe.

Opolisi oye shi koleke kutya,Hamukwaya omunamimvo 38 ngoka a li omuhingi gololi okwa li a yahwa konima a nyenyata nomupolisi ye okwa ndopa okuulika oodokumente dhi na sha nondjundo yoondongelwa dha humbatwa kololi.

Omalelo otaga ti oshinima osha yi pombanda unene sho Hamukwaya a li a yi moonyenyeta, nomompito yimwe ololi oya li ya hingwa yuuka momunambelewa shoka sha thiminike opo ku katukwe onkatu ya kwata miiti. Ashike nando ongaaka, aakwanezimo oya ekelehi omipopyo dhoka taati,edhipago lyomunona gwawo ka li li paveta.

Namhila okwa li a mangwa po omolwa oshipotha shika nokwa li a pangulilwa edhipago.

Okwa li a tindilwa okwiifutila mo mompangu yamagestrata mOhangwena, konima sho a mangwa po nomakonakono otaga tsikile.

Oshigwana oshali sha landula oshiningwanima shika, naakwanezimo otaya pula uyuuki moshinima shika yo taa holola omaipulo kombinga yomaihumbato gaapolisi nuuthemba wawo wokuthiminika aakwashigwana.

Oolopota odha li dha lopota kutya Hamukwaya oye owala a li ha longo maandjawo onkene eso lye olya tula aakwanezimo ye pomutenya nolya eta woo uupyakadhi wopamadhiladhilo.

In the summons, the government has been given 21 days to indicate whether it intends to defend the claim.

Mwaashika epangelo olya pewa omasiku omi-21 li ulike ngele otali ka tinda omukanda nguka. Ngele olya ndopa, nena ompangu otayi ka ninga etokolo li li muuwanawa wa nakutula mo oshipotha inaa pa tamananwa mompangu.