Aakwana ya faathana moshipotha shekwatonkonga lyokamwayinagona (5)

Opolisi yomOshikoto otayi konakona ekwatonkonga lyokanona kokakadhona komimvo ntano hoka ka longelwa omuyonena kokamwayinagona komimvo omugoyi koTsintsabis. Shi ikolela kepeko lyopolisi, oshipotha oshi na aafekelwa yaali, oshoka anuwa nakupogola gumwe gwomaakwanambwiyu aamati ya faathana, nanakuningwa oshihakanwa okwa nyengwa okuulika ngoka a longo oshikulumuna shoka. Oshiningwanima osha ningwa mu Desemba mumvogu nopamakonakono gopetameko, esiku nethimbo sha ningwa, inali tseyika. “Otaku hokololwa kutya oshihakanwa naafekelwa yaali - uumati uyali wuukwana wa faathana uumwayinagona wakakadhona, oya li ya kefudho koTsintsabis ya zi kOshomeya,” Epeko lyopolisi tali lesha. “Omukwana gumwe mesiku lyaa shiwike pethimbo lyokongulohi okwa hula oshihakanwa iikutu nokuya miihulo nasho, noku shi ehameka kiilyo yopaumwene. “Otaku hokololwa wo kutya momasiku 29 Desemba 2024, aafekelwa noshihakanwa oya talele po yinakulu komukunda Elavi. “Nakuninga oshihakanwa okwa nothele ko omumwayinamati kombinga yoshiningwanima sho ya yi ye ki iwatele miihwa. Namumwayinamati okwa tseyithile yinakulu kombinga yoshiningwanima.” Omakonakono gopolisi otaga tsikile. Oshikumithi Pokati mpoka, omunawino miikwamadhiladhilo Dr Shaun Whittaker sho a pulwa a tye ko sha, okwa ti oshiningwanima oshikumithi anuwa uunona wuumati oohormone dhawo dhopaihulo ando ohadhi tameke poomvula 13. Kombinga yoshiningwanima shika, Whittaker okwa ti ngele okanona kokamati koomvula omugoyi otaka longa iilonga mbyoka inayi opala yopaihulo, okanona hoka otashi vulika nako oshihakanwa shomahepeko gopaihulo. “ Kuunona wuumati, osha yela, oohormone dhawo ohadhi lunduluka okuza poomvula 13. Onkene kape na ngoka a tegelela okanona komimvo omugoyi ka ninge oshinima sha tya ngaaka,” okwa ti. “Mupya munene, omuntu oto vulu okutya pamwe okamati haka nako otaka hepekwa paihulo. Onda yelelwa, ongomunawino miipambele yopamadhiladhilo kutya inandi itaala kutya okanona otaka vulu okutala uuvidio wopaihulo nokuninga oshinima sha fa shoka ka mono muuvidio moka. “Ashike sha yela kungame, otashi vulika okanona haka nako oshihakanwa shomahepeko gopaihulo. Hugunina, ondi wete ngele owa mona oshinima meukililo (nomeho), osha yela kutya oopelesenda odhindji oto ka ninga shoka ho ningilwa. Onkene osha yela, okanona kokamati nako naka kwathwe wo kaanawino.” Whittaker okwa gwedha po kutya oshihakanwa, otashi ka pumbwa eyambidhidho lyaavali nosha pumbwa ekwatho tali zi kaanawino, oshoka oshiningwanima shika otashi vulika shi ke mu ehameke shampa a koko. “Ondi wete kutya okonima owala yokumana oskola yongula aagundjuka haya kala ye li methimbo lyokuya miihulo. Onkene kokanona koomvula ntano, osha yela otashi halutha noonkondo, notashi vulika tashi kala niilanduli monkalamwenyo yako ayihe,” okwa ti. “Onkene ehungomwenyo olya pumbiwa ethimbo nethimbo, nokulonga naanawino woo mepipi lyuunona wako alihe, nopethimbo ke li pokati koomvula omulongo nandatu sigo oomvula omulongo nomugoyi. Unenenene shampa ka koko sigo opoomvula 11, otashi kala sha simana opo aavali ya dhiladhile ye mu fala komuhungimwenyo nenge komunawino miipambele yopamadhiladhilo. “Nehungomwenyo ehaluko lyoludhi ndoka otali vulu okuungaungiwa nalyo. Ashike edhigu owala kokanona okashona.” - kenya@nmh-hub.com.na

Aakwana ya faathana moshipotha shekwatonkonga lyokamwayinagona (5)

Comments

Namibian Sun 2026-02-05

Please login to leave a comment

Aakwana ya faathana moshipotha shekwatonkonga lyokamwayinagona (5)

Comments

Namibian Sun 2026-02-05

Please login to leave a comment

Subscription Required to Access Content ×

Login

Subscription Required to Access Content