Spanleiers rig WHS Old Boys na nog ‘n wenfinaal

ATG WHS Old Boys se eerste span het gister die plaaslike klubseisoen as kampioen van Krieket Namibië se 50-boulbeurt premierliga afgesluit ná ‘n teleurstellende vertoning deur APS Wanderers wat (net-net) boaan die puntelys klaargemaak het.WHS Old Boys se totaal van 307 vir sewe by die FNB Namibië Krieketstadion was met ‘n wenverskil van 33 lopies buite die bereik van Wanderers, wat met net 274/9 kon antwoord.In die eerste helfte van die seisoen het WHS Old Boys ook die T20 premierliga se finaal teen Wanderers beklink.Gister is Old Boys ingestuur om eerste te kolf. Die aanvangspaar Malan Kruger (41 van 50 balle, 4x4,1x6) en Zacheo Janse van Vuuren (28 van 35 b, 4x4) het sake aan die gang gesit voordat Shaun Fouché (81 van 90 b, 6x4, 3x6) en Gerhard Erasmus (77 van 81 b, 4x4, 5x6) elkeen ‘n vyftigtal behaal het in ‘n deurslaggewende 143-vennootskap.Die later kolwers Louren Steenkamp (36 van 21 b, 2x4, 2x6) en Dylan Leicher (24 nie uit nie, 20 b) het die totaal tot 307 vir sewe aangestoot.JJ Smit (2 paaltjies vir 37 in 9 boulbeurte) en Nyasha Nyashadzaishe (3/54 in 9) was die keur van Wanderers se boulers, met Bernard Scholtz as die mees ekonomiese bouler.Wanderers se kolfbeurt het nooit op koers vir ‘n oorwinning gelyk nie.Riaan Minnie (47 van 42 b, 7x4) was bestendig as aanvangsmaat van Tiaan van der Merwe (16 van 20 b, 3x4), maar Jan Frylinck (2), JC Balt (6) en kaptein Michau du Preez (3) moes met min lopies tevrede wees.Nommer vyf JJ Smit (21 van 43 b, 2x4) kon nie so vloeiend kolf as wat hy wou wees nie en nommer agt Karl Birkenstock is in dieselfde boulbeurt van Adriaan Coetzee vir ‘n nulletjie deur paaltjiewagter Malan Kruger uitgevang.‘n Moedige dog vergeefse eindpoging is deur die jong Waldo Smith (69 van 99 balle), nommer nege Nyasha Nyashadzaishe (29 van 30 balle), nommer tien Bernard Scholtz (49* van 28 balle) en nommer elf PD Blignaut (3*) van stapel gestuur wat 83 lopies in die laaste tien boulbeurte opgelewer het.Gerhard Erasmus het egter met vier paaltjies die rooi span se vordering gekniehalter.WHS Old Boys se wenspan was Malan Kruger (paaltjiewagter), Zacheo Janse van Vuuren, Shaun Fouché (kaptein), Gerhard Erasmus, Louren Steenkamp, Dylan Leicher, Juma Miyaji, Adriaan Coetzee, Jack Brassell, Jandré de Jager en Morkel Malan. SemifinaalIn Saterdag se enigste semifinaal moes Old Boys, wat tweede op die puntelys klaargemaak het, by nommer drie Trustco United verbykom en het die kragmeting by die FNB Namibië Krieketstadion met 126 lopies gewen.WHS Old Boys, ingestuur om eerste te kolf, het 247 in 44.4 bb opgestel – meestal danksy Louren Steenkamp (79 van 73 balle; 4x4 4x6), Zacheo van Vuuren (35 van 43 balle; 3x4 2x6) en Gerhard Erasmus (27 van 34 balle; 2x4 1x6).Van die United-boulers het Handre Klazinga (4/31 in 8.4 bb) sy kaptein Ruben Trumpelmann (2/23 in 7) goed bygestaan.United se kolfbeurt is gekniehalter deur Uganda se snelbouler Juma Miyaji (3/22 in 8), wat vroeg van WP Myburgh (6), Michael Müller (0) en Erik Lintvelt (0) ontslae geraak het.Trumpelmann het ‘n vegtende 60 van 56 balle behaal om as speler van die wedstryd vereer te word, maar hy is deur sy Old Boys eweknie Shaun Fouché skoongeboul.Jack Brassell (1/27 in 7) het vir Zane Green (1) laat uitvang en Fouché (3/34 in 8 bb) en Adriaan Coetzee (2/23 in 2.3) het ook bygedra om United vir 121 in 27.3 bb uit te boul.

Spanleiers rig WHS Old Boys na nog ‘n wenfinaal

Comments

Namibian Sun 2026-05-04

Please login to leave a comment

Spanleiers rig WHS Old Boys na nog ‘n wenfinaal

Comments

Namibian Sun 2026-05-04

Please login to leave a comment

Subscription Required to Access Content ×

Login

Subscription Required to Access Content