JJ Smit bevorder tot kaptein vir driehoekige reeks

Gerhard Erasmus neem ‘n blaaskans as kaptein van die FNB Eagles vir die komende ICC Wêreldbeker Liga Twee driehoekige reeks in Windhoek vroeg in volgende maand.Die ervare veelsydige speler JJ Smit, wat ook tevore onderkaptein asook waarnemende kaptein van die senior nasionale krieketspan was, se bevordering is gister deur Krieket Namibië op sosiale media aangekondig in ‘n video waarin Erasmus en Smit gesamentlik die gekose spelersgroep se name uitgelees het.Skotland (tweede), Oman (vierde) en Namibië (sesde) takel mekaar vanaf 2 tot 12 April in Windhoek, met twee internasionale eendagwedstryd tussen elk van die opponente.Zacheo Janse van Vuuren (20) en William Lottering (22) is die twee debutante wat vir die eerste keer vir die senior nasionale groep ingesluit is.Van Vuuren het Namibië by die ICC o.19 Wêreldbeker as ‘n veelsydige speler verteenwoordig, hoewel hy sedertdien op sy toporde-kolfwerk eerder as sy naatboulwerk konsentreer. Hy het 149 lopies in sewe kolfbeurte in die onlangse premierliga in eendagkrieket behaal (hoogste 51 van 84 balle teen CCD Tigers) en is die seun van dr. Rudie Janse van Vuuren, president van Krieket Namibië en ‘n Wêreldbekerspeler in 2003 in beide rugby en krieket.Lottering is straks meer bekend as ‘n rugbyspeler, wat as slot vir Walvisbaai Privaatskool en FNB Wanderers asook die Namibiese o.20-span gespeel het. In die pas afgelope 50-beurt premierligaseisoen van Krieket Namibië het hy vir Trustco United agt paaltjies in vier wedstryde met sy regterarm mediumsnel boulwerk platgetrek (beste 3/33 in 8 boulbeurte teen CCD) wat hom in die gesamentlike sewende posisie op die lys van paaltjienemers geplaas het.In die onlangse toer deur die Engelse span Warwickshire het Van Vuuren en Lottering ook bestendige spel gelewer. WeglatingGeen amptelike verduideliking is vir die verrassende weglating van Nicol Loftie-Eaton aangebied nie.Die CCD Tigers klubkaptein was die afgelope tyd goed op dreef in sy hoofrol as topordekolwer om met sy vreeslose styl die kolftempo hoër te jaag.Hy het onder meer in die eerste T20-wedstryd teen die Uganda-toerspan laas Woensdag 72 lopies van 36 balle geblits (10x4 2x6) om as speler van die wedstryd aangewys te word.In die premierliga was hy ook ‘n steunpilaar vir CCD met 329 lopies in vyf kolfbeurte (twee honderdtalle) en agt paaltjies. Die 25-jarige Loftie-Eaton het in Februarie by die ICC T20 Wêreldbeker in Indië ook minstens twee stewige kolfbeurte in die vier verloorwedstryde gelewer – 28 van 17 balle teen die VSA, en 42 van 38 balle teen Nederland. FNB Eagles spelersgroep (vyftien)JJ Smit (kaptein, APS Wanderers)Gerhard Erasmus (onderkaptein, ATG WHS Old Boys)Bernard Scholtz (linkerarm draaibouler van APS Wanderers)WP Myburgh (regterarm draaibouler van Trustco United)Malan Kruger (topordekolwer van ATG WHS Old Boys)Jan Frylinck (aanvangskolwer van APS Wanderers)Ben Shikongo (regterarm naatbouler van CCD Tigers)Ruben Trumpelmann (linkerarm naatbouler van Trustco United)Max Heingo (regterarm naatbouler van CCD Tigers)Jack Brassell (regterarm naatbouler van ATG WHS Old Boys)Zane Green (paaltjiewagter van Trustco United)Louren Steenkamp (topordekolwer van ATG WHS Old Boys)Dylan Leicher (regterarm naatbouler van ATG WHS Old Boys)William Lottering (regteram naatbouler van Trustco United)Zacheo Janse van Vuuren (topordekolwer van ATG WHS Old Boys) Uganda-reeksDie huidige vriendskaplike opwarmreeks teen die toerspan verwissel vandag ratte met twee eendagwedstryde teen die FNB Eagles (Maandag en Woensdag) by die FNB Namibië Krieketstadion.Die Namibiërs het Saterdag in die derde van die drie T20-wedstryde die reeks met twee-een beklink.Die Namibië XI (169/6) het Uganda vir 71 almal uitgeboul om met 98 lopies te wen.Max Heingo het vier paaltjies vir net nege lopies in vier boulbeurte platgetrek om as speler van die wedstryd aangewys te word. Sy vennote as naatboulers Ruben Trumpelmann (2/7 in 4 bb) en Jack Brassell (2/34 in 4) het ook deurbrake gemaak, asook JJ Smit en Bernard Scholtz met een paaltjie elk. Trumpelmann, Heingo en Brassell het onderskeidelik 19, 17 en 13 leë balle afhestuur.Vroeër het Louren Steenkamp as aanvangskolwer 82 van 52 balle bygedra (agt viere, vier sesse) om die tuisspan tot ‘n kompeterende wentotaal aan te dryf. Jan Frylinck (20 van 23 balle) en Nicol Loftie-Eaton (30 van 22 balle).• Afgelope Donderdag het laatmiddag Uganda (143/3 in 18.0 boulbeurte) die tweede T20-wedstryd met sewe paaltjies gewen nadat hulle by die FNB NCG die Namibië XI se totaal van 137/7 verbygesteek het.Kenneth Waiswa (2/22 in 3 boulbeurte) was die aanvanklike suksesvolle bouler vir Uganda om Zacheo van Vuuren (11 van 15 balle) en Nicol Loftie-Eaton (14 van 12 balle) uit te haal, terwyl hy ook die uithardloop van aanvangskolwer Shaun Fouché (3 van 11) afgerond het.Vanaf 47/3 na 8.3 boulbeurte het kaptein Dylan Leicher (34 van 27 balle; 2x4) en paaltjiewagter Zane-Green (34 van 15 balle; 2x4 3x6) die kolftempo begin versnel, maar hul vertrek het opnuut 'n mini-ineenstorting veroorsaak toe JC Balt (6 van agt) en Gerhard Janse van Rensburg (1 van 3) nie daarin geslaag het om hulself in te grawe nie.Junior Taanyanda (17 nie uit nie van 13 balle; 2x4) en William Lottering (13 nie uit nie van 16; 1x4) het op 106/7 na 15.1 boulbeurte bymekaargekom.Vir Uganda het stewige kolfwerk deur Simon Ssesazi (20 van 14), Gerald Olipa (39 van 31), kaptein Riazat Ali Shah (46 nie uit nie van 33) en Anas Baig (19 nie uit nie van 20) help vergoed vir die 8-paaltjie-neerlaag van die vorige dag. Speler van die wedstryd is aan Henry Ssenyondo (3/21 in 4 boulbeurte) toegeken.

JJ Smit bevorder tot kaptein vir driehoekige reeks

Comments

Namibian Sun 2026-06-24

Please login to leave a comment

JJ Smit bevorder tot kaptein vir driehoekige reeks

Comments

Namibian Sun 2026-06-24

Please login to leave a comment

Subscription Required to Access Content ×

Login

Subscription Required to Access Content