Koffie en kos uit die boonste rakke

Lizette Vermaak en haar man het bietjie meer as twee maande gelede die uitdaging aangegryp om 'n bistro by die Agra Hyper in Lafrenz te open. "Hy hanteer die vleis en ek die restaurant," vertel sy. "Eintlik werk dit heel goed saam, want buiten jou toasties en brötchens, kan mense inkom en besluit watter steak hulle wil hê en ons berei dit sommer hier vir hulle voor."En as jy nie wil hê hulle moet die vleis in die restaurant se kombuis voorberei nie, kan jy dit gerus ook buite laat braai - iets wat sommer baie gewild is - of dit huis toe vat om self te maak.Wanneer dit kom by die spyskaart, sê Lizette daar is nie bladsye vol disse nie, “maar daar is iets vir almal en alles word vars voorberei. Ons ‘chicken mayo’ is baie lekker, so ook die verskillende soorte schnitzels. Die rump steaks en t-bene is ook ’n treffer. Dan is daar ook ligter goed soos ‘toasties’ met chips en slaaie.”En moenie van die braaivleis vergeet nie! Hier kan daar gekies word tussen tjops, wors, sosaties en meer. “Dit is nie elke dag dieselfde nie, want ons wissel dit af. Daar is ook elke dag vars roosterkoek,” sê sy. Zet’s Bistro se wegneemetes is ook ’n treffer, met veral besighede in die omgewing maar ook gaste van elders wat hier kom aanklop vir 'n hap."Binne die bistro is dit op die oomblik nog redelik stil, so ons fokus nou veral of funksies, verjaarsdagpartytjies en kombuistees of jaareindfunksies. Gelukkig is daar baie spasie, so ons het plek vir heelwat gaste. Daar is maklik plek vir 50 mense, maar ons kan tot 70 gaan.”Lizette het aanvanklik, na hulle vier jaar gelede van ’n plaas na Windhoek toe getrek het, met haar suster ’n koffiekroeg bestuur, voor sy ook die koffiekroeg by Auas Hills oorgeneem het.En so gepraat van koffie, is dít beslis ’n aanbeveling hier. “Daar is heelwat mense wat sê ons koffie is die lekkerste wat hulle nog in die dorp gehad het,” vertel Lizette. “Ek self word eers regtig wakker na my cappuccino in die oggend!”So, wat maak die koffie so spesiaal?“Terwyl die bone ingevoer word, rooster Deon Vermeulen sy bone oor kameeldoringhout eerder as op gas, wat dit regtig ’n unieke smaak gee. En dan moet die barista ook weet wat hy doen. So, ons barista, Ileni Hiduwa, se eerste koffie van die dag is een vir homself om seker te maak dit proe soos dit moet.”As hulle nie in die bistro werk nie, is sy en haar man baie kreatief en doen hulle graag houtwerk en maak meubels. “Ons maak alles van koffietafels tot ingeboude kaste en bedkassies.”Van dié items is ook in die bistro te sien.Om self een van die heerlike etes of ’n koffie te geniet, maak gerus ’n draai by Zet’s Bistro by die Agra Hyper, of besoek hulle Facebook-blad vir meer inligting.

Koffie en kos uit die boonste rakke

Comments

Namibian Sun 2025-09-19

Please login to leave a comment

Koffie en kos uit die boonste rakke

Comments

Namibian Sun 2025-09-19

Please login to leave a comment

Login