Oohahende dha kongwa dhi aneke pomutenya oonakwiikuthila evi kOkashana

Aanafaalama mevi lyaayehe kOkashana kUukongo waNehale mOshitopokwa shaShikoto otaya indile Elelo lyoPamuthigulwakalo lyaNdonga li gandje uumbangi woonzapo woofalaama ndhoka, shop omaipulo otaga ningi ogendji kombinga yokukamba ko omahala noondhalate shaa li paveta noshowo okwiikuthila evi kwaanapolitika naanangeshefa ya tseyika nawa. Okupitila momukalelipo gwawo gwopaveta Florian Beukes gwokehangano Metcalfe & Beukes Attorneys, aanafaalama otaya pula Elelo lyaNdonga li gandje omadhina gaamboka ya kutha ombinga moshikumungu shika shokwiikuthila evi. Otaya ti oshipambu oshinene shevi lyaayehe inashi topolwa pauyuuki, shoka sha guma nayi omahupilo gawo.Mombilive yesiku eti 11 Desemba, aanafaalama oya pe omunashipundi gwElelo lyaNdonga, John Walenga, omasiku 21 opo a kale a yamukula.“Etopolo (etendo) ndika olya ningwa inaaku kundathanwa noshigwana shoka sha gumwa koshikumungu shika. Aayakulwa yetu kaye na uupitilo wokuya mevi lyaayehe, ndjoka lya simana noonkondo komahupilo gawo. Oondhalate odha pata oondjila dha simana dhokuya koonzo dhomeya, komalundu guulithilo nuunapelo, nokoohambo. Oondhalate dhawo otadhi thiminike iimuna yi ka nape komahala ga nika oshiponga ngaashi koonenendjila, shoka hashi eta iiponga yomoondjila noshowo okunana nondatu kwaayakulwa yetu,” Beukes a ti.Ombilive otayi pula wo uuyelele wa yela kombinga yoonzapo dha gandjwa paVeta yEtulululo mEvi lyAayehe, noshowo omadhina goonakumona uuwanawana mbuka.“Otatu indile nesimaneko enene uuyelele kondandalunde woonzapo ndhoka, opamwe nuuyelele wofaalama kehe. Neifupipiko enene tu peni omadhina goohandimwe mboka ya pewa oonzapo ndhoka noshowo ookopi dhomaindilo gawo noombapila dheziminino,” oshikalimo shombilive tashi lesha.Aanafaalama oya nyolele wo kEwilikongundu lyEvi lyAayehe mOshikoto, ndjoka lye ya yamukulile nale pambilive yomasiku 20 Septemba 2024, kutya omahitililokonakono gopetameko oga li metifa.“Otatu pula uuyelele kombinga yeyokomeho lyehitililokonakono. Oshikwawo, opo omapulo gaayakulwa yetu ga yamukulwe nawa, otatu kongo uuyelele nomikanda dha pamba etopolo lyevi ndyoka nenge oonzapo dha gandjwa mekwatathano nOveta yEtulululo mEvi lyAayehe nomuulithilo womevi lyaayehe. Alikana tu peni omadhina goohandimwe ye na oonzapo noshowo ookopi dhomaindilo gawo neziminino lyokukala mevi moka,” Ombilive yawo onkwawo tayi lesha. Mokuyamukula, Walenga okwa koleke kutya Elelo lyaNdonga olya yakula ombilive yaanafaalama noya pula ooahende yElelo ya yamukule. Kakele, okwa ti omapulo ogo eendululo lyiikumungu ya yamukulwa nale moshigongi shiikundaneki mumvogu.“Omapulo ngaka omakulu. Otwe ga yamukula moshigongi shiikundaneki mumvogu. Kakele, shaashi oya ya koohahende, otatu ka yamukula okupitila maakalelipo yetu yopaveta,” Walenga a ti.Moshigongi shiikundaneki, elelo lyopamuthigulwakalo gwaNdonga olya kondema eihumbato lyoohandimwe nenge lyoongundu dhontumba mOndonga ndhoka hadhi ikuthile oveta miikaha yawo yene. - jemima@nmh-hub.com.na

Oohahende dha kongwa dhi aneke pomutenya oonakwiikuthila evi kOkashana

Comments

Namibian Sun 2025-06-18

Please login to leave a comment

Oohahende dha kongwa dhi aneke pomutenya oonakwiikuthila evi kOkashana

Comments

Namibian Sun 2025-06-18

Please login to leave a comment

Login