Iimbuluma ya vuka koRundu otayi hololwa kekwatonkonga lyaakiintu aanuulema

Aakiintu yaali aanuulema, aakalimo yomolukanda Tuhingireni moRundu oya kwatwa koonkondo pomathimbo inaga tseyika momukokomoko gwomumvo gwa zi ko. Aakiintu mbaka oya simbapala.Shi ikolela kaakalimo yomolukanda nduka, omukiintu gumwe omunamimvo 25 oku li metegelelo nomukiintu omukwawo omunamimvo 24 okwa vala aakwanambwiyu – uunona mboka wa valwa okupitila mekwatonkonga.Oshigongi shoshigwana sha li ko mOlyomakaya osha kwandjangele kombinga yiimbuluma yi nyanyaleka tayi londo esiku nesiku, egameno lyopolisi lyaa po nawa noshowo ompumbwe yomayakulo ga simana molukanda, onkene oshigwana osha lulilwa konkalo ndjika. Omutoolinkundana gwoshifo shoNamibian Sun okwa talele po omukiintu pegumbo lyawo pomathimbo ngaka, ngoka a dhimbululwa kutya oku li metegelelo konima sho a lombwele yina kutya oku uvite sha tashi ‘inyenge’ mepunda lye.Shi ikolela kaakwanezimo, mboka haya sile oshimpwiyu omukiintu nguka, oyi itaala kutya okwa kwatwa koonkondo oku uka pehulilo lyomumvo 2024.Oonkambadhala dhokupopya naakwanezimo yomukiintu omukwawo, ngoka a vala aakwanambwiyu, odha hulile kokwena kwa thita, oshoka meme gwe okwa tindi okuya moonkundathana nomutoolinkundana, ta ti okwa tila kutya omwanakadhona ota ka shekwa ngele ehokololo lye olya kundanekwa kiikundaneki.Uumbanda wokulopota iiningwanima kopolisi MoTuhingireni, omu na omalukalwa 3 000, niimbuluma yi nyanyaleka oya vuka noonkondo. Aakalimo otaya ti okukala yaa na olusheno naapolisi ihaya patrola naanaa komalukanda gawo yimwe yomiiyetithi yiimbuluma ya londa.Oshigwana otashi ti oongangala ohadhi longo iilonga yadho momilema nokuteya omagumbo gaantu nokumbandameka oshigwana.Sarafina Shifafure, omupopiliko gwaakalimo yomoTuhingireni, okwa lombwele oshifo shoNamibian Sun mehuliloshiwike twa zi kutya aakalimo oyendji molukanda lwawo, unene oomeme nuunona, kehe thimbo oya tila molwonkalo ndjika.“Opwa li oshiningwanima shimwe sho omulumentu a adhikilila ta kwatwa okanona koonkondo,” Shifafure a hokolola. “Yina yanakuningwa oshihakanwa okwe ya, omufekelwa okwa dhengwa, nomuvali okwa yi nokanona ke, ihe kandi shi wo ngele oshiningwanima shika osha lopotelwe kopolisi. Aantu oya tila okumakuka.”Moshiningwanima oshikwawo, Shifafure okwa holola kutya omulumentu gumwe otaku hokololwa a ponokelwa kongenga moshiwike sha zi ko sho, monkambadhala yoku mu yuga omaliko ge. Sho ya mono kutya ke na omaliko gondilo, oye mu thiminike a pone (nine) uulehite. Omulumentu nguka okwa hupa, ihe ngaashi iimbuluma yilwe oyindji, oshiningwanima shika inashi lopotelwa opolisi nande. Aakalimo oya tila okukala mo nayi koongenga nolyo etompelo hali imbi iihakanwa yi lopote iimbuluma.“Olukanda nduka olwa nika uukolokoshi,” Shifafure a ti. “Oongangala noongenga ndhika kadhi na uumbanda washa oshoka odhi shi shi kutya aantu itaye dhi lopota. Oongangala otu dhi shi, ihe odha mbandameka aakalimo ayehe.”Mu Maarsa, omunamimvo 63 Sofia Kambinda okwa silwa omumwanamati, Nestor Ndara (43), ngoka i itsuwa a tsuwa mothingo pooha nokandjugo komudhingoloko ngoka. “Omumwandjemati okwa dhipagwa. Olukanda nduka olwa nika oshiponga. Omilema, okwaa na egameno – otu li ku tseyene,” Kambinda a ti.Ye ethiwa noya tila Iiningwanima mbika niikwawo oya kundathanwa moshigongi shoshigwana, moka aakalimo yi indile natango olusheno lu andjaganekwe kolukanda nduka noopatrola dhopolisi. “Otu wete twe ethiwa,” omukalimo gumwe a ti.Komanda gwopolisi moshitopolwa shaKavango Uuzilo Andreas Haingura okwa lombwele oshifo shoNamibian Sun mEtine lya zi ko kutya opolisi otayi kambadhala okupopya nokugamena oshigwana momalukanda opo ku kandulwe po uudhigu mbuka noshowo omaudhigu omakwawo. "Otwa tameka okuya moonkundathana naaleli yopamuthigululwakalo, aaleli yopambepo naanambelewa yomayambulopo momalukanda ngaashi Ndama, Kehemu naSauyemwa. Elalakano okukala noshigongi mlukanda kehe,” okwa ti.Haingura okwa ti iimbuluma oyindji ohayi ningwa kaagundjuka – wumwe uunona uushona woomvula 14 – noshigongi shoshigwana otashi ka kala ko 17 Mei molukanda lwaNdama ongonkambadhala yokugamena oshigwana.

Iimbuluma ya vuka koRundu otayi hololwa kekwatonkonga lyaakiintu aanuulema

Comments

Namibian Sun 2025-05-08

Please login to leave a comment

Iimbuluma ya vuka koRundu otayi hololwa kekwatonkonga lyaakiintu aanuulema

Comments

Namibian Sun 2025-05-08

Please login to leave a comment

Login