Netumbo a popi kombinga yetokolo lyaGeingob

Omupevi presidende gwongundu yoSwapo, Netumbo Nandi-Ndaitwah, ngoka ta kongo ompito okukala peha lye ndoka okuza pomahogololo gaaleli yongundu ndjoka ngoka taga landula, okwa popi kutya ongudu oya taalela omalunduluko na okwa taambako etokolo lyomupresidende Hage Geingob sho ine mu ulika onga andola omulanduli gwe.Aalanduli naayambidhidhi yaNandi-Ndaitwah oya nyana Geingob ngoka a teyapo omuthigululwakalo gwongundu okuulika omupevi gwe onga omulanduli gwe nenge omupresidende gwongundu ta landula.Pomutumba gwomahogololo ngoka gwa ningwa momvula yo 2012, omupresidende pethimbo ndyoka, Hifikepunye Pohamba, okwa ulike Geingob onga omulanduli gwe, naPohamba okwa li uulikwa momvula yo 2004 komupresidende pethimbo ndyoka Sam Nujoma.Geingob okwa ulike Nandi-Ndaitwah onga omupevi gwe momahogololo gomvula yo 2017 ihe oshikando shika ineshi ninga. Mboka yaali oya li ya ningi omahwahwameko mewawa limwe lyoTeam Harambee ndyoka aaulikwa yawo ya sindanapo omahogololo ngoka nonando opwa holoka omapopyo kutya omahwahwameko ngoka oga longithwa niiyemo ya za muulingilingi.Pethimbo ndika, Geingob ina ulika Nandi-Ndaitwah, naashoka osha etitha omapopyo kutya ota yambidhidha meholamo Saara Kuugongelwa-Amadhila pompito yuupeha presidende.Geingob okwa tindi kutya ota yambidhidha gumwe gwomaakuthimbinga mboka na okwa popi kutya ita yambidhidha nando ogumwe gwomuyo na okwa hala ya kondje kuyoyene.Nandi-Ndaitwah okwa popi kutya: “Ope na iinima oyindji iipe tayi ningwa moSwapo, mwakwatelwa nomukalo moka tamu ningwa omhwahwameko. Sho ethimbo tali pula komeho niinima yimwe otayi lundulula. Itandi pataneke etokolo lye okwaahaulika omuntu”.Geingob okwa kambadhala okuninga omutumba mOvenduka omasiku gaali okuya mokongresa ihe okwa kaleke oompangela dhoka sha landula omayenyeto okuza kaayambidhidhi yaNandi-Ndaitwah.Nandi-Ndaitwah pethimbo lyoonkundathana dhoka a ningwa nadho koprograma yoThe Agenda ndjoka hayi piti aluhe mOsoondaha okwa popi kutya nonando okwa ningi omahwahwameko geyambidhidho lyaGeingob mo 2017, okwa sindana ompito yuupevi presidende kuye mwene, ta gwedha po kutya pokati kayo naGeingob kape na omukundu gwasha.Nonando aayambidhidhi ye otaya popi kutya Nandi-Ndaitwah okwa yela okuza kiikumungu yuulingilingi, okwa lundilwa kutya okwa mono uuwanawa okuza miimaliwa yelyenge lyuulingilingi woFishrot, mbyoka aniwa ya kwatele komeho omahwahwameko gongundu yoHarambee.Sho a pulwa kutya okwa nongele ethimbo peni kombinga yoFishrot, okwa yamukula kutya okwa nongele kombinga yuulingilingi mboka pethimbo wa tseyithwa miikundaneki.Sho a pulwa ngele okwa mona uuwanawa melongitho lyiimaliwa mbyoka ya yakwa, okwa yamukula kutya ye okwa li oshitopolwa shoTeam Harambee ihe kali oshitopolwa shoFishrot, ta popi kutya ye okwa longitha iiyemo yemwene pethimbo a ningi omahwahwameko ge ngoka.Swapo okwa kanitha iipundi pethimbo lyomahogololo go 2019 no 2020, oshowo okwa kanitha iipundi momalelo goondoolopa ngaashi Ovenduka, Ombaye noSwakopo.Nandi-Ndaitwah okwa gandja uusama kekanitho ndyoka koFishrot ta popi kutya uulingilingi mboka owa hololwa okuya pomahogololo gomo2019 sha ningilwa owina shi gumwe iizemo yomahogololo ngoka.Okongresa yaSwapo otayi tameke momasiku 25 Novemba nuumvo. Methigathano lyuupevi presidende otamu kala Nandi-Ndaitwah, Kuugongelwa-Amadhila oshowo Pohamba Shifeta.

Netumbo a popi kombinga yetokolo lyaGeingob

Comments

Namibian Sun 2025-07-03

Please login to leave a comment

Netumbo a popi kombinga yetokolo lyaGeingob

Comments

Namibian Sun 2025-07-03

Please login to leave a comment

Login