Nandi-Ndaitwah ‘a loloka' ta ti oku li nawa

Omupevi-presidente gwoSwapo Netumbo Nandi-Ndaitwah okwa ti aantu inaya ipula nuundjolowele we oshoka "oku li nawa nawa”.Okwa popi ndhika mOmaandaha pethimbo lyoonkundathana dha pamba omukanda-uvaneko gwongundu mohotela yaMercure Hotel mOvenduka, nokwa kwashilipaleke oshigwana kutya oku li nawa nawa. Shika osha landula oshiningwanima pethimbo lyoshigongi shoSwapo mOtjiwarongo mehuliloshiwike shoka she eta opo kaa manithe oshipopiwa she, shoka she eta omaipulo kombinga yuundjolowele we. Moshipopiwa she shesiku, Nandi-Ndaitwah okwa ti okwa ti po hwepo nale thiluthilu. "Sho nda galuka ndi manithe oshipopiwa shandje, onda li nda nkondopola unene. Itandi ehama nande," okwa kwashilipaleke."Nashi yele, okukambuka oshinima oshinene, noiho gwodhipukwa mbalambala. Shoka oshinima kaa tu uvite ko shili. Ihe onda hala oku mu kwashilipaleka, ondi li nawa. Otatu ka tsikila miinyangadhalwa yetu ngaashi twe yi longekidha noku yi mana. Otu na oomvula ntano opo tu adhe iilalakanenwa yetu." OmvulweOshiningwanima shokOtjiwarongo osha halutha aakwashigongi, oshoka Nandi-Ndaitwah okwa zi ko komeho mokati koshipopiwa she. Minista nale yuundjolowele Dr Bernhard Haufiku, ngoka a ungaunga naNandi-Ndaitwah mehuliloshiwike, okwa ti “oku li nawa noke li moshiponga sha sha tu ipule ando nasho”.“Omupevi-presidente okwa li a vulwa noonkondo ano hanga a loloka. Omvulwe neloloko otayi vulu okwaadha omuntu kehe, inaaku talwa koomvula dhe nenge kuundjolowele womuntu,” okwa ti. “Shoka shi na oshilonga osho omutenge (iilonga) ngoka a humbata momukomoko gwethimbo".Nomukumo omupe, Nandi-Ndaitwah mOmaandaha okwa dhenge omuthindo kesimano lyokutula miilonga omukanda-uvaneko gwoSwapo."Ngashingeyi ethimbo lyokutula miilonga omukanda-uvaneko. Omukanda-uvaneko gwetu nagu uvikiwe ko nawa, opo omuntu kehe a vule oku gu fatululila mukwawo nokugu tula miilonga. Okuninga oondjodhi dhi tse osha kwatelwa mo okukwashilipaleka kutya omukanda-uvaneko gwetu kagu shi owala iitya pombapila, ihe ogwo okaalita keyokomeho lyOmunamibia nOmuafrika kehe,” okwa ti.Okwa dhenge omuthindo wo kesimano lyokukwatakanitha omathaneko gongundu gomapendulopo kumwe nondjodhi yUukumwe wAfrika yo2063 (AU) Agenda 2063."Shoka hatu longo miilongo yetu ongiilyo-longo yUukumwe wAfrika otashi kwatha mokwaadha ondjodhi yoAgenda 2063. Oopolohalama dhetu adhihe dhomapendulopo, nadhi longithe ondjodhi yoAgenda 2063 ongokompasa; ngele hasho, Aafrika ya hepa otaya kala nokuhepelela."

Nandi-Ndaitwah ‘a loloka' ta ti oku li nawa

Comments

Namibian Sun 2025-07-01

Please login to leave a comment

Nandi-Ndaitwah ‘a loloka' ta ti oku li nawa

Comments

Namibian Sun 2025-07-01

Please login to leave a comment

Login