Tatu dhimbulukwa Penehupifo Pohamba

Omupresidente omukulu Hifikepunye Pohamba okwa dhimbulula ethimbo ewehame sho ofamili ye ya li yi ithanwa kOshipangelo shOpaumwene sho-Lady Pohamba moVenduka opo ya kale po momathimbo gahugunina dhomukulukadhi gwe, omukiintu gwotango omukulu Penehupifo Pohamba. “Omukulukadhi gwandje okwa hulitha miipathi yetu. Otwa ithanwa opo tukale po pethimbo lyoowili dhe dhahugunina. Oshi li oshikwakupandulwa okwiithanwa momukalo gwa tya ngaaka,” osho a ti pegumbo lye mOkanghudi mOmaandaha pethimbo lyetalelopo lyehekeleko lyOsheendo sha za kOshitopolwa shOmusati. Osheendo shika, shoka sha li tashi kwatelwa kungoloneya gwOmusati Immanuel Shikongo, osha kwatela mo aanambelewa yopolisi ya za kiitopolwa yomuumbangalantu mboka ya li ya ende oku ka gandja omahekeleko komupresidente omukulu nofamili ye. Pohamba okwa pandula aaNamibia mboka ya tsikile okuyambidhidha ofamili konima yeso lyomukulukadhi gwe nokwa pandula aambelewa yopolisi molwaashoka oya gandja egameno pethimbo lyoosa, ta kumagidha ya tsikile nokukala ya kotoka.Omupresidente omukulu okwa koleke wo kutya omukulukadhi gwe ota fumvikwa momayendo gofamili pegumbo lye mOkanghudi, mpoka pwa fumvikwa he naakulukadhi yaali ya he.Onkalamwenyo yelongelo lyoshigwanaShikongo okwa tanga omukiintu gwotango omukulu, te mu hokolola onga omukiintu ngoka oonkambadhala dhe koshilongo odha za kekondjelomanguluko zigo okuuhaku nonkalonawa yiitopolwa mbyoka yi na ompumbwe ya kwata miiti.“Okwa li omukondjelimanguluko, oshilyo shoSwapo kombanda yoshilongo nokonima yemanguluko. Muule woomvula dhi vulithe pomilongo ndatu, okwa kala neitulomo lye miilonga yuupaangi wuuhaku nosho wo wokoshivalelo, ta gandja omayele kepangelo muuhaku woomeme mboka taya pulumutha,” osho Shikongo a ti.Okwa ti oomvula dhe onga omukiintu gwotango odha li dha dhimbululwa keitulomo lye lyokuhwepopaleka onkalo yaakiintu naanona.“Onga omukiintu gwotango omutiyali gwaNamibia, okwa kondjele uuhaku woomeme naanona, okwa ambidhidha omagumbo ge li monkayi, nokwa kondjitha omahepeko gopaukwashikekookantu omanga ta kwathele aakiintu. Ondjokonona ye onga omukondjelimanguluko, omuniilonga gwepangelo, omupangi, nomukiintu gwotango otayi tsikile okutula omukumo moshigwana shetu komapipi ta ge ya.”Shikongo okwa gandja omahekeleko pehala lyoshitopolwa shOmusati komupresidente omukulu Pohamba, aana yawo naatekulu, aakwanezimo yawo nofamili ayihe.Omanga ngeyi, Ngoloneya gwOhangwena Kadiva Hamutumwa okwa tseyitha mOmaandaha kutya iituthi yomahekeleko yesiku kehe itayi kala we tayi ningilwa pegumbo lyaPohamba moOkanghudi.Oshigwana shoka sha hala okugandja omahekeleko otashi vulu okutalelapo egumbo kehe esiku pokati koowili 10:30 no 12:00 dhongula, nosho wo pokati ko-16:00 no-17:30 komatango.Oshituthi shomahekeleko shoka sha longekidhwa kOngeleka yoAnglicana moNamibia osha tulwa po mEtitatu kOngeleka yaOdibo, hoka oshigwana sha hiwa shi ye.Oshituthi shahugunina shomahekeleko otashi ka ningilwa pegumbo lyaPohamba mEtitatu poowili domulongo gwongula, tashi landulwa kefumviko pomayendo gofamili mOkanghudi mOlyomakaya.Penehupifo Pohamba okwa hulitha momasiku 17 gaKotoba gomumvo nguka kOshipangelo shOpaumwene sho-Lady Pohamba moVenduka.Ya tolokwa ku: Gottrieb Nambahu (tienoxv@gmail.com)

Tatu dhimbulukwa Penehupifo Pohamba

Comments

Namibian Sun 2026-10-30

Please login to leave a comment

Tatu dhimbulukwa Penehupifo Pohamba

Comments

Namibian Sun 2026-10-30

Please login to leave a comment

Subscription Required to Access Content ×

Subscription Required to Access Content