Katjiua a lundilile epangelo okatongo mokukondjitha omadhipago gaana ohenda

Omukuluntuwiliki gwongundu yo-Ovaherero Traditional Authority (OTA), Omuprofesoli Mutjinde Katjiua, okwa lundilile epangelo okatongo molwaashoka otali yambidhidha oonkambadhala dhokutula Israel momuthika gwokukalelapo iilonga yawo kombinga yaGaza, pethimbo tali pataneke ekatuko lyopaveta kombinga yiiyemo yiifuta yomadhipagathano gaana ohenda miita kuGermani. Pethimbo a popi moprohalama yo-The Agenda mo-Network Media Hub mOshoondaha, Katjiua okwa ti omakondjithathano ngaka ogi iwetikile mepataneko lyepangelo kepitiko lyo-Amnesty International okukutha ombinga ongo kuume gwompangu moshipotha shoka tashi pataneke omukanda gwomatsokumwe gwomumvo 2021 pokati kaNamibia naGermani. Okwa pula kutya omolwashike Namibia a halele okukondjela eipopilo lyiilonga yonyanya mbyoka ya longwa kiilongo yilwe, pethimbo, omanga ta longitha iikwaniipangitho yoshigwana megameno lyomuthika gwaGermani miihokolola mbyoka tayi ungaunga nedhipago lyoshigwana lya longelwa mevi lyaNamibia.Momumvo 2024, ominista yuuthemba wopaveta pethimbo ndyoka, Yvonne Dausab, okwa yile koHague okuyambidhidha eitokolo lyopaumwene lya-Palestine noonkambadhala dhokutula Israel momuthika gwokukalelapo iilonga ye kombinga yomapopyo gedhipago lyonyanya lyoshigwana.“Itatu vulu na inatu pumbwa okugokuhogolola nokutongola mokugamena oomwenyo dhaantu. Kutya nee iihakanwa oolye, oomwenyo adhihe odhi na ongushu. Oomwenyo dhaaPalestine odhi na ongushu…,” osho Dausab a tile pethimbo ndyoka.‘Ta ya futile Ondowishi’Moshipotha sha etwa kongundu yo-Landless People’s Movement naawiliki yomuthigululwakalo gwOvaherero, aaindili ota ya pataneke omukanda gwomatsokumwe gwomumvo 2021 ngoka Namibia naGermani ya li ya lalakanene okuhulitha po uudhigu wedhipago lyoshigwana methimbo lyuukoloni.Ota ya pataneke unene epatelo kondje lyaakashigwana yomidhingoloko dhoka dha gumwa mooonkundathana noompangela ndhoka dha tulwa po kombinga yiifuta yomadhipago gaana ohenda. Oya hala wo Germani a tulwe mo ongo omutamanekwa-pamwe miihokolola mbika.Konima yaashoka, Amnesty International okwa ningi eindilo lyokukutha ombinga ongo kuume gwompangu, ashike eindilo lye olya tsakaneke epataneko.Katjiua okwa ti mboka taya pataneke ekuthombinga lya-Amnesty International omwa kwatelwa Omutumba gwOpashigwana, Omupopi gwagwo, omutamanekindjayi, omupresidente nEhangano lyUudemokoli lyaGermani.Okwa popi kutya oohahende dhepangelo otadhi kalelepo iiputudhilo yepangelo lyaNamibia pamwe naGermani, shoka tashi tula aagandji yiifendela moNamibia moshinakugwanithwa shoonkambadhala dhopaveta dhokupataneka ekuthombinga lya-Amnesty International.“Onkene ishewe tatu futile Germani. Oshikando oshitiyali shika sho epangelo lyetu lya thikama pamwe naGermani,” osho a ti.Katjiua okwa kunkilile kutya omukanda gwomatsokumwe otagu vulu okutula po “oshiholelwa” kiilongo yilwe yaAfrika, “mpoka Uuninginino tawu vulu ngashingeyi okupopya kutya, ‘Taleni, otwa futa ekwatho lyepulokomeho kuNamibia, onkene omolwashike itaatu shi ningile iilongo iikwawo yaAfrika?’”Okunkundipaleka oonkondo dhomatompeloKatjiua okwa ti iihakanwa yomadhipago goshigwana naakalelipo yawo ya hogololwa oya patelwa pondje yoonkundathana, shoka tashi kondjitha omilandu dhoka dhi li meuto mEtokolo lyIigwana yaHangana lyUuthemba Waantu Yevi lyoshilongo.Okwa lundile wo Namibia kutya otali nkundipaleke oonkambadhala dhaAfrika dhokutula po omuthika gumwe kombinga yiifuta yomadhipago gaana ohenda.“Oshiponga oshitiyali osho shoka shokukoleka kutya iihakanwa yomadhipago moshigwana itayi pumbiwa okukutha ombinga moohapu molwaashoka omapangelo ngoka ota ga vulu okutokola,” osho a ti.“Mpano, otatu taaguluka; otatu taagulukilile omulandu gwaAfrika. Shika otashi eta shike? Kapuna oonkondo dhomatompelo gaAfrika, molwaashoka kehe gumwe ota vulu okuninga kehe shoka a hala,” osho a gwedha ko. Katjiua okwa ti aawiliki yomithigululwakalo oye na ehalo lyokutsakanena naakuluntu yomepangelo opo ku landulwe omulandu ngoka tagu pe oluvalo yaamboka ya gumwa komadhipago ompito yokukutha ombinga kondandalunde moohapu. Onkatumpangela yiifuta yiilongo oyindjiOmapulo gaKatjiua oga ningwa konima yomatalelepo kuAfrika shUumbugantu, koBotswana nokuGermani ngoka ga li ga nuninwa okutunga eyambidhidho lyopaigwana yiifuta yomadhipago gaana ohenda.Okwa ti onkatumpangela oya li ya lalakanene okukwatela mo aashinda yaNamibia molwaashoka oluvalo lyOvaherero naaNama mboka ya dhipagwa olu li wo kondje yaNamibia.Katjiua okwa ti oshikako shonkatumpangela shiiwike itatu osha tamekele muAfrika shUumbugantu momasiku 2 Kotoba, tashi tsikile kuBotswana momasiku 5 Kotoba e tashi lundulukile kuGermani.Okwa tompo kutya Afrika shUumbugantu naBotswana oya pumbwa okukwatathana naGermani kondandalunde pehala okutala iifuta yomadhipago gaana ohenda ongo oshinima shoka shi li pokati kaVenduka naBerlin awike.“Inaa dhilaadhila kutya shika oonkundathana dhuukuume pokati kaVenduka naBerlin. Nasho na shi ninge oonkundathana pokati kaPretoria naBerlin naGaborone naBerlin,” osho a tile.Katjiua okwa hokolola omagongalo ngaka kutya oga enda nawa, ta ti oshikondo shoka osha taambwa ko nombili kuAfrika shUumbugantu.Omatanga gaakolonyeki yaGermani oga dhipaga aantu ya tengenekwa po-80 000 yAaherero no-10 000 yaaNama pokati komumvo 1904 na-1908 moonkantu dhoku hanagulapo oshigwana, okutidhwa komagumbo nokutulwa moondholongo dhokuhepekelwa.Katjiua okwa kwatela komeho ongundu yimwe yo-Ovaherero Traditional Authority, omanga onkwawo tayi kwatelwa komeho kOmuprofesoli Hoze Riruako, omanga pena omapopyo gomatopoko ga kwatela mo omukuluntuwiliki gwOvitoto, Vipuira Kapuuo.

Katjiua a lundilile epangelo okatongo mokukondjitha omadhipago gaana ohenda

Comments

Namibian Sun 2026-10-30

Please login to leave a comment

Katjiua a lundilile epangelo okatongo mokukondjitha omadhipago gaana ohenda

Comments

Namibian Sun 2026-10-30

Please login to leave a comment

Subscription Required to Access Content ×

Subscription Required to Access Content