Aagundjuka mOshana ya tindi etaambathano lyiipundi yomalelo ‘Pambili’

Ondundahangano yaagundjuka mOshitopolwa Oshana oya tindi omapopyo ngoka NYC tati okwa ninga ‘etaambathano lyiipundi yomalelo pambili’ tayi omapopyo ngaka otaga pukitha oshigwana.

Omukanda gopambelewa gwa pitithwa mEtine komunashipundi gongongahangano yaagundjuka moshitopolwa Oshana, Absalom Itamalo, otati oshitopolwa she otashi ikaleke kokule naashoka sha pitithwa momukanda gwiikundaneki ketonatelo lyoNYC ngoka gwa li gwa pitithwa momasiku 18 Maalitsa.

ONYC oya li ya tseyitha kutya oye shipondola okuninga omatambathano gomalelo pokati kelelo ndyoka lya li lya hoogolola mo-2024 naandyoka opo lya hoololwa mo-2024 okuziilila momalunduluko ngoka ga li ka ningwa konima yoonkundathana dha kwata miiti dha ningilwa kOtjiwarongo.

Itamalo otati omapopyo ngaka “otaga pukitha no kagena uuyelele womondjila.”

Sheeta unene okalamauka elunduluko ndyoka lya li lya ningwa mo 2024 tali nikwaaninikwa ngele oli li tu pampango.

“ Iinima mbyoka kayi li paveta, ka li pa mpango na ita yi taambiwa ko nando okulye,” Itamalo ta gwedha po ngaaka.

Okwa gwedha po ta tsu om uthindo ta ti omautho ga gandja kompagu oge li natango paveta onikina sha po ta ku ka ningululwa gamwe mopmangu. Tati iigongi yilwe tayi ningwa oku ekelwehi omautho gomapngu otayi gonalugula oveta.

Omunashipundi okwe shi yeleke kutya oshitopolwa shaShana kasha li moshigongi sha ningililwe kOtjiwarongo onkene itashi taamba ko iizemo ya sho mbyoka tayi popi omataambathano giipundi yomalelo.

Okwa hokolola onkalo ndjika onga oonkambadhala dhokukengelela elelo lyaagundjuka.

Omukanda ota gu leshwa tagu ti: “ Nashi kale sha konekiwa nawa kutya oshitopola Oshana itashi ka kutha ombinga minima yaali paveta, yaa na elandulathano yo oya tulwa opolitika yana mutes nandungu.”

Itamalo okwa indile ongundumutima yelelo lyoNYC yi hulithe po meendelelo okupititha omikanda tadhi pukitha dho dhaana esimaneko lyoveta yoshilongo.

Nonando kwa zi omatindo ga tya ngaaka koshitopolwa shokonooli, ongundumutima yoNYC oya thikama owala mpoka yi li kutya omautho gokuya kooshigongi shokomumvo sho-2026 oga yela.

Ongongahangano yaagundjuka okwa li ya tseyitha kutya omataambathano giipundi yomalelo oga manithwa noganingwa mombepo ombwanawa yi na sha nuuwanawa waagundjuka ayehe moNamibia na okwa ipyakwidhilwa nomalongekidho goshigongi shokomumvo muJuni moka taku ka ningwa omahoogololo gelelo epe.

ONYC oya pandula mboka ya yambidhidha egandjo lyiipundi yelelo, taya indile pu kale uukumwe mehangano unene tuu sho kwa taalelwa oshikako shelundululo nekoko lyehangano.

Ondundahangano yaagundjuka mOshana ndjoka ya totwa kohi yontotwaveta yoNYC yomumvo 2009,oyi li onga omukalelipo gongongahangano yaagundjuka pankatu yopashitopolwa.

Itamalo okwa dhenge omuthindo kutya ondundahangano yawo moshitopolwa oyi na oshinakugwanithwa okugamena omauwanawa gaagundjuka notayi kwashilipaleke kutya omalongekidho kehe ge na sha noshigongi shokomumvo oga yela noga kwatela mo kehegumwe.

Omatopoko pokati kelelo lyopombanda lyongongahangano yaagundjuka osho wo oondundahangano dhaagundjuka dhiitopolwa ota li eta omaipulo omanene kombinga yuukumwe moNYC sho ngeyi kwa taalelwa oshigongi oshinene shokomumvo moomwedhi ooshona tuuka.

[email protected]