Yambuleni po elongo lyoondya moshilongo - Schlettwein
26 October 2020 | Local News
ELLANIE SMIT
OVENDUKA
Namibia ita vulu we okukala owala iikolela keeto lyoondya moshilongo okuza miilongo yimwe nenge okukala ta longitha iiyemo yoshilongo mokulanda iikulya pondje yoshilongo.
Shika osha popiwa kuuministeli wuunamapya, Calle Schlettwein pethimbo lyomutumba gwoEconomic Association of Namibia (EAN) mEtitatu lyoshiwike sha piti.
Schlettwein okwa popi kutya uunamapya owa pumbwa okutalikako onga oshikondo oshinene meliko lyaNamibia shoka tashi vulu okuhupitha nokweeta kondjila onkalo yeliko ndjoka ya gwa pevi ngashiingeyi.
Okwa popi kutya eliko ndyoka ihali longo shoka tali li na iha Ii li shoka tali longo otali kala aluhe pevi.
Okwa popi kutya oshikondo shuunamapya osha lopota e yo pombanda noopresenda 2.6 momvula yo 2019 okuyeleka negwo pevi lyoopresenda 1.9 momvula yo 2018.
Nonando ongaaka onkundana ombwaanawa oyondjika kutya oshikondo osha koko noopresenda 42.7 metata lyotango lyomvula yonuumvo.
Pahapu dhaminista, etumo pondje lyiinamwenyo olya tulitha pombanda ongushu yoshikondo shoka.
Momvula yo 2019, Namibia okwa tumu momalanditho gopondje onyama yootona 12 400.
Schlettwein okwa tsikile kutya etumo lyiihape niiyimati momalanditho gopondje olya londo pombanda unene sha pitikwa kiiyetwapo ngaashi
Green Scheme oshowo the National Horticulture Development Initiative (NHDI), mbyoka ya nuninwa okuyambulapo uunamapya moshilongo.
Iiyetwapo yoGreen Schemes oya nuninwa okuyambulapo elongo lyuunamapya sho kwa halika dhikale poohecta dhevi dha thika po 27 000.
Nonando ongaaka, minista owa popi kutya iiyetwapo mbyoka inayi a dha omalalakano gawo sigo onena, na otayi dhengwa woo kompumbwe yiiyemo.
Minista okwa popi kutya okupitila moNHDI, epangelo oya hala okuyambulapo elongo lyoondya moshilongo nokutula momalanditho iilongomwa mbyoka ngaashi iihape niiyimati, mwa kwatelwa woo iilongomwa ya za kiimuna.
Ehangano lyoNamibian Agronomic Board olya holola kutya onga oshizemo shoNHDI, elongo lyoondya moshilongo olya londo pombandda noopresenda 52, okuza momvula yo 2005.
Schlettwein okwa gwedha po kutya meyambidhidho lyoNHDI, epangelo olya tulapo omandiki goFresh Produce Hub miitopolwa yonooli yoshilongo ngoka ga nuninwa okuyambulapo elongo lyoondya nokukaleka oondya dhoka monkalo ombwaanawa, ihe nonando ongaaka omandiki ngoka itaga longo ngaashi sha tengenekwa kohi yelelo lyoAgro-Marketing and Trade Agency (AMTA).
OVENDUKA
Namibia ita vulu we okukala owala iikolela keeto lyoondya moshilongo okuza miilongo yimwe nenge okukala ta longitha iiyemo yoshilongo mokulanda iikulya pondje yoshilongo.
Shika osha popiwa kuuministeli wuunamapya, Calle Schlettwein pethimbo lyomutumba gwoEconomic Association of Namibia (EAN) mEtitatu lyoshiwike sha piti.
Schlettwein okwa popi kutya uunamapya owa pumbwa okutalikako onga oshikondo oshinene meliko lyaNamibia shoka tashi vulu okuhupitha nokweeta kondjila onkalo yeliko ndjoka ya gwa pevi ngashiingeyi.
Okwa popi kutya eliko ndyoka ihali longo shoka tali li na iha Ii li shoka tali longo otali kala aluhe pevi.
Okwa popi kutya oshikondo shuunamapya osha lopota e yo pombanda noopresenda 2.6 momvula yo 2019 okuyeleka negwo pevi lyoopresenda 1.9 momvula yo 2018.
Nonando ongaaka onkundana ombwaanawa oyondjika kutya oshikondo osha koko noopresenda 42.7 metata lyotango lyomvula yonuumvo.
Pahapu dhaminista, etumo pondje lyiinamwenyo olya tulitha pombanda ongushu yoshikondo shoka.
Momvula yo 2019, Namibia okwa tumu momalanditho gopondje onyama yootona 12 400.
Schlettwein okwa tsikile kutya etumo lyiihape niiyimati momalanditho gopondje olya londo pombanda unene sha pitikwa kiiyetwapo ngaashi
Green Scheme oshowo the National Horticulture Development Initiative (NHDI), mbyoka ya nuninwa okuyambulapo uunamapya moshilongo.
Iiyetwapo yoGreen Schemes oya nuninwa okuyambulapo elongo lyuunamapya sho kwa halika dhikale poohecta dhevi dha thika po 27 000.
Nonando ongaaka, minista owa popi kutya iiyetwapo mbyoka inayi a dha omalalakano gawo sigo onena, na otayi dhengwa woo kompumbwe yiiyemo.
Minista okwa popi kutya okupitila moNHDI, epangelo oya hala okuyambulapo elongo lyoondya moshilongo nokutula momalanditho iilongomwa mbyoka ngaashi iihape niiyimati, mwa kwatelwa woo iilongomwa ya za kiimuna.
Ehangano lyoNamibian Agronomic Board olya holola kutya onga oshizemo shoNHDI, elongo lyoondya moshilongo olya londo pombandda noopresenda 52, okuza momvula yo 2005.
Schlettwein okwa gwedha po kutya meyambidhidho lyoNHDI, epangelo olya tulapo omandiki goFresh Produce Hub miitopolwa yonooli yoshilongo ngoka ga nuninwa okuyambulapo elongo lyoondya nokukaleka oondya dhoka monkalo ombwaanawa, ihe nonando ongaaka omandiki ngoka itaga longo ngaashi sha tengenekwa kohi yelelo lyoAgro-Marketing and Trade Agency (AMTA).
Classifieds