Yambidhidheni Hage nenge mu dhige po oSwapo
Mboka itaya yambidhidha Omupresidende Hage Geingob onga omuulikwa omuhogololwa presidende gwongundu yoSwapo, oya kunkililwa ya thigepo ongundu yoSwapo komunangeshefa gwomonooli.
Omunangeshefa gwomonooli Sigo Amunyela okwa popi kutya mboka itaya yambidhidha Geingob opo a ninge omupresidende gwongundu yoSwapo, pethimbo lyomahgololo gongundu ngoka taga ningwa momwedhi twa taalela, naya dhigepo ongundu ndjoka.
Pethimbo lyomutumba gwelelo lyongundu ndjoka ngoka gwa ningwa mEtitano lyoshiwike sha pitile mOvenduka, Geingob okwa tseyitha nokuulika yane yomaaleli mboka a hogolola opo ya kale aakuthimbinga methigathano ndyoka, mwa kwatelwa yemwene pompito yuupresidende,
ominista yomakwatathano gopaigwana, Netumbo Nandi -Ndaitwah pehala lyuupeha presidende oshowo Sophia Shaningwa pompito yuuamushanga wongundu.
Marco Hausiku opehala lyuupeha amushanga.
Etokolo lyaGeingob inali tambulwako koyendji , sho yamwe taya popi kutya etokolo lye ndyoka otali topolwa nokweeta uutondwe ongundu, pethimbo ndyoka sho kwa tegelelwa ku ningwe omahogololo.
Omuprima minista nale Nahas Angula oshowo ominista yOmaudhano Jerry Ekandjo oyo yamwe mboka ya holola hokwe yawo okukutha ombinga medhigathano lyuupresidende.
Amunyela okwa li ta yambidhidha Geingob nomo-2012.
Oshiwike sha piti, Amunyela okwa ningi omutumba niikundaneki mOshakati, ta popi kutya ye ota yambidhidha Geingob opo a ninge omupresidende gwongundu yoSwapo.
Amunyela okwa popi kutya ongundu yawo ndjoka tayi yambidhidha Hage oya kumwa sho aanenentu yamwe mongundu ya uvu nayi komusholondondo gwaahogololwa yaHage.
Okwa popi kutya mboka oye na ondumbo na oya uvu nayi molwaashaoka inaya hogololwa komupresidende.
Omolwashike ye wete kutya oyo taya vulu okulela ongundu yoSwapo? Ngele ina ye mu inekela omolwashike itaya thigi po epangelo ndyoka li li kohi yelelo lyaGeingob,” Amunyela a popi.
Sho a pulwa ngele okwa hala Geingob a ninge omupresidende gwoSwapo, ina kondjithwa, Amunyela okwa popi kutya Namibia oshilongo shamanguluka ihe ongundu yawo ndjoka tayi yambidhidha Geingob oya hala oye a ninge omupresidende gwoSwapo.
Sho a pulwa ngele okwa pewa elombwelo kuGeingob opo a ninge omahwahwameko gokuyambidhidha Geingob, Amunyela ina koleka nenge a tinde epulo ndyoka ihe okwa popi kutya oku na uuthemba okuyambidhidha Geingob a manguluka.
KENYA KAMBOWE
Pethimbo lyomutumba gwelelo lyongundu ndjoka ngoka gwa ningwa mEtitano lyoshiwike sha pitile mOvenduka, Geingob okwa tseyitha nokuulika yane yomaaleli mboka a hogolola opo ya kale aakuthimbinga methigathano ndyoka, mwa kwatelwa yemwene pompito yuupresidende,
ominista yomakwatathano gopaigwana, Netumbo Nandi -Ndaitwah pehala lyuupeha presidende oshowo Sophia Shaningwa pompito yuuamushanga wongundu.
Marco Hausiku opehala lyuupeha amushanga.
Etokolo lyaGeingob inali tambulwako koyendji , sho yamwe taya popi kutya etokolo lye ndyoka otali topolwa nokweeta uutondwe ongundu, pethimbo ndyoka sho kwa tegelelwa ku ningwe omahogololo.
Omuprima minista nale Nahas Angula oshowo ominista yOmaudhano Jerry Ekandjo oyo yamwe mboka ya holola hokwe yawo okukutha ombinga medhigathano lyuupresidende.
Amunyela okwa li ta yambidhidha Geingob nomo-2012.
Oshiwike sha piti, Amunyela okwa ningi omutumba niikundaneki mOshakati, ta popi kutya ye ota yambidhidha Geingob opo a ninge omupresidende gwongundu yoSwapo.
Amunyela okwa popi kutya ongundu yawo ndjoka tayi yambidhidha Hage oya kumwa sho aanenentu yamwe mongundu ya uvu nayi komusholondondo gwaahogololwa yaHage.
Okwa popi kutya mboka oye na ondumbo na oya uvu nayi molwaashaoka inaya hogololwa komupresidende.
Omolwashike ye wete kutya oyo taya vulu okulela ongundu yoSwapo? Ngele ina ye mu inekela omolwashike itaya thigi po epangelo ndyoka li li kohi yelelo lyaGeingob,” Amunyela a popi.
Sho a pulwa ngele okwa hala Geingob a ninge omupresidende gwoSwapo, ina kondjithwa, Amunyela okwa popi kutya Namibia oshilongo shamanguluka ihe ongundu yawo ndjoka tayi yambidhidha Geingob oya hala oye a ninge omupresidende gwoSwapo.
Sho a pulwa ngele okwa pewa elombwelo kuGeingob opo a ninge omahwahwameko gokuyambidhidha Geingob, Amunyela ina koleka nenge a tinde epulo ndyoka ihe okwa popi kutya oku na uuthemba okuyambidhidha Geingob a manguluka.
KENYA KAMBOWE
Comments
Namibian Sun
No comments have been left on this article