Ya Ndakolo a popile elando lyofaalama
Ominista yegameno oya popile elando lyofaalama yaakwiita tayi ithanwa Oropoko Lodge, ndjoka ya landwa koshimaliwa shoomiliyona 45.
Elando lyofaalama ndjoka olya popiwa nokukundathana mopaliamende yoshilongo mEtiyai.
Minista Penda Ya Ndakolo, okwa popi ngaaka sha landula oolopota kutya omuleli gwoshilongo na okuli Komanda yEtanga lyEgameno, Hage Geingob, ke na ontseyo melando lyofaalama ndjoka ya landwa.
Ya Ndakolo okwa ti onkalo yeipyakidhilo niilonga lyaGeingob oyo ya indike a vule okukundathana naye elando lyofaalama ndjoka, sho oonkundathana dha tamekele muApilili gwo 2016, omanga elanditho lya manithwa momwedhi Kotomba omvula ya piti.
Ya Ndakolo okwa popi kutya ngashiingeeyi omupresidende okwa yelithilwa kombinga yelando ndyoka.
Ofaalama Oropoko otayi adhika popepi nOkahandja na oya landwa okuza komupunguli gwaGermany ngoka e li kuume komupresidende nale Sam Nujoma.
Ya Ndakolo okwa yelitha kutya sho oshikondo sha totwa po momasiku gaali gaJuni mo 1990, ka pwa li omahala ogendji gokukalka aakwiita.
Okwa popi kutya oonkamba dhaakwiita odhindji odha tungwa miitungitho inayi kola na oya kulupa ngashiingeyi omanga omahala ngoka gali ga tungwa kepangelo lyuukoloni ga ningwa po omahala gopaumwene omanga oshilongo inashi manguluka.
“Oshikondo shegameno oshiiyadha mompumbwe onene yomahala na oya kongo evi opo ku tungwe omandiki gomadheulilo.”
Pahapu dhaYa Ndakolo, omatompelo ngoka ogo ga etitha momasiku 24 gaSepetemba mo 2010 uuministeli wu lande ofaalama yEtiro momudhingoloko gwaKaribibi ndjoka hayi longithwa onga endiki lyomadheulo gokuumbila kaakwiita yowewangandjo. Okwa popi kutya omakonaakono ga ningwa metotepo lyofaalama ndjoka okuyininga endiki lyomadheulo oga manithwa muKotomba gwo 2012 nongushu yofaalama ndjoka oya li poobiliyona 2.37.
“Omwaalu ngoka ogwa li guli pombanda noonkondo na okwa tokolwa opo ku yambulwepo oshitopolwa shotango shoka shi na omahala gokulala aakwiita ya thika po 300,” minista a popi. Ongushu yoshitopolwa shotango oya li poomiliyona 394 okuya momasiku ga 7 gaApilili o 2016, nomwaalu ngoka ogwa thikama pomiliyona 1.31 kehe momukwiita.
Minista okwa popi kutya oshitopolwa shopoloyeka yotango osha shangithwa noNational Planning Commission kongushu yoomiliyona 500.
Okwa popi kutya omanga uuministeli wa li wiipyakidhila nopolota yopoloyeka ndjoka tayi pula oshimaliwa oshindji noonkondo ,owa pewa ompito momasiku ga 6 gaApilili mo 2016, opo wi landepo ofaalama yOropoko kongushu yoomiliyona 103.
Minista okwa popi kutya momasiku ga 6 gaJuli 2016, uuministeli wegameno owa gandja elombwelo kuuministeli wiilonga opo wu yalule ongushu yehala ndyoka. Ongushu oya monika yi li poomiliyona 43.76.
Ongushu yomahala ngoka gaali oya yelekwa nuuministeli owa tokola okulanda po ofaalama ndjoka yi na ongushu yi li pevi konkwawo naashoka osho sha e ta petokolo lyokulanda ofaaalama ndjoka.
Ofaalama oya shangithwa medhina lyepangelo na minista okwa popi kutya elando lyofaalama ndjoka olya ningwa kwa landulwa omilandu adhihe nokondalaka oya nongononwa kuhahende ndaji gwepangelo. Iifuta oya ningwa okupitila muuminsitei wemona lyoshilongo.
Omunambelewa gwongundu yoPopular Democratic Movement oshiwike shika okwa popi kutya NDF ke na ekondololo na ota kwateleke komeho uulingilingi moshilongo sho ta hepeke iimaliwa yoshigwana. Ongundu ndjoka oya pula opo ku gandjwe omusholondondo kopaliamende gu na omwaalu gwiinamwenyo nomaliko ngoka taga adhika mofaalama ndjoka.
ELLANIE SMIT
Minista Penda Ya Ndakolo, okwa popi ngaaka sha landula oolopota kutya omuleli gwoshilongo na okuli Komanda yEtanga lyEgameno, Hage Geingob, ke na ontseyo melando lyofaalama ndjoka ya landwa.
Ya Ndakolo okwa ti onkalo yeipyakidhilo niilonga lyaGeingob oyo ya indike a vule okukundathana naye elando lyofaalama ndjoka, sho oonkundathana dha tamekele muApilili gwo 2016, omanga elanditho lya manithwa momwedhi Kotomba omvula ya piti.
Ya Ndakolo okwa popi kutya ngashiingeeyi omupresidende okwa yelithilwa kombinga yelando ndyoka.
Ofaalama Oropoko otayi adhika popepi nOkahandja na oya landwa okuza komupunguli gwaGermany ngoka e li kuume komupresidende nale Sam Nujoma.
Ya Ndakolo okwa yelitha kutya sho oshikondo sha totwa po momasiku gaali gaJuni mo 1990, ka pwa li omahala ogendji gokukalka aakwiita.
Okwa popi kutya oonkamba dhaakwiita odhindji odha tungwa miitungitho inayi kola na oya kulupa ngashiingeyi omanga omahala ngoka gali ga tungwa kepangelo lyuukoloni ga ningwa po omahala gopaumwene omanga oshilongo inashi manguluka.
“Oshikondo shegameno oshiiyadha mompumbwe onene yomahala na oya kongo evi opo ku tungwe omandiki gomadheulilo.”
Pahapu dhaYa Ndakolo, omatompelo ngoka ogo ga etitha momasiku 24 gaSepetemba mo 2010 uuministeli wu lande ofaalama yEtiro momudhingoloko gwaKaribibi ndjoka hayi longithwa onga endiki lyomadheulo gokuumbila kaakwiita yowewangandjo. Okwa popi kutya omakonaakono ga ningwa metotepo lyofaalama ndjoka okuyininga endiki lyomadheulo oga manithwa muKotomba gwo 2012 nongushu yofaalama ndjoka oya li poobiliyona 2.37.
“Omwaalu ngoka ogwa li guli pombanda noonkondo na okwa tokolwa opo ku yambulwepo oshitopolwa shotango shoka shi na omahala gokulala aakwiita ya thika po 300,” minista a popi. Ongushu yoshitopolwa shotango oya li poomiliyona 394 okuya momasiku ga 7 gaApilili o 2016, nomwaalu ngoka ogwa thikama pomiliyona 1.31 kehe momukwiita.
Minista okwa popi kutya oshitopolwa shopoloyeka yotango osha shangithwa noNational Planning Commission kongushu yoomiliyona 500.
Okwa popi kutya omanga uuministeli wa li wiipyakidhila nopolota yopoloyeka ndjoka tayi pula oshimaliwa oshindji noonkondo ,owa pewa ompito momasiku ga 6 gaApilili mo 2016, opo wi landepo ofaalama yOropoko kongushu yoomiliyona 103.
Minista okwa popi kutya momasiku ga 6 gaJuli 2016, uuministeli wegameno owa gandja elombwelo kuuministeli wiilonga opo wu yalule ongushu yehala ndyoka. Ongushu oya monika yi li poomiliyona 43.76.
Ongushu yomahala ngoka gaali oya yelekwa nuuministeli owa tokola okulanda po ofaalama ndjoka yi na ongushu yi li pevi konkwawo naashoka osho sha e ta petokolo lyokulanda ofaaalama ndjoka.
Ofaalama oya shangithwa medhina lyepangelo na minista okwa popi kutya elando lyofaalama ndjoka olya ningwa kwa landulwa omilandu adhihe nokondalaka oya nongononwa kuhahende ndaji gwepangelo. Iifuta oya ningwa okupitila muuminsitei wemona lyoshilongo.
Omunambelewa gwongundu yoPopular Democratic Movement oshiwike shika okwa popi kutya NDF ke na ekondololo na ota kwateleke komeho uulingilingi moshilongo sho ta hepeke iimaliwa yoshigwana. Ongundu ndjoka oya pula opo ku gandjwe omusholondondo kopaliamende gu na omwaalu gwiinamwenyo nomaliko ngoka taga adhika mofaalama ndjoka.
ELLANIE SMIT
Comments
Namibian Sun
No comments have been left on this article