Ya haluthwa aniwa kemweneko lyomayalulo gawo goombaanga
Omunashipundi nale gwoFishcor, James Hatuikulipi, ngoka e li gumwe gwomaatamanekwa moshipotha shoFishrot okwa popi kutya okwa haluka mokunongela kutya omayalulo ge gombaanga dhopaumwene oga mwenekwa, ta popi kutya shoka oshi li e yo pondje lyuuthemba we pamwe naatamanekwa yakwawo.
Ominista Calle Schlettwein okwa gandja elombwelo lyemweneko lyomayalulo gawo goombaanga.
Okwa popi kutya, Schlettwein ke na oonkondo dhopaveta okumeneka omayalulo ge goombaanga.
Okwa holola kutya emweneko lyomayalulo ge goombaanga otali tulitha moshiponga uuthemba we wokukala nuumwene womaliko ge nokweetitha omakwashilipaleko ge gonkalamwenyo ga kalekwe omolwa okwaahafutwa.
“Ngele ngame pamwe naatamanekwa yakwetu otwa hulitha nena, omakwashilipaleko getu goonkalamwenyo itaga futu na otatu kanitha omaliko getu agehe ngoka twa kwashilipaleka uule woomvula, na oga li ge na okukuthwako kaathigululi yetu. Ngele otwa gombokelwa nena itatu vulu okulongitha omauwanawa getu gopaunamiti nenge tu pangwe koondohotola dhetu dhopaumwene. Ondi na uupyakadhi wombinzi ya londa nonkalo yokwaahavula okulongitha omayalulo getu goombaanga otashi tula moshiponga oomwenyo dhetu nuundjolowele,” Hatuikulipi a popi meindilo lye lyOmpangu yoPombanda ndyoka a ningi pamwe namumwayinagona, Tamson 'Fitty' Hatuikulipi.
Hatuikulipi, okwa popi kutya oya gongela iimaliwa okuza palwe ihe oya gwana owala okupataneka etulo lyawo miipandeko.
Pethimbo lyiituthi yomatango omanene hoka ya li taya hehela iimaliwa inaya vula okumona ko ekwatho aniwa na oya mono owala ekwatho konima yomasiku ga 5 gaJanuari. Hatuikulipi, ota tamanekelwa oshipotha shuulingilingi neholeko lyoonzo dhiimaliwa na okwa tulwa miipandeko muNovemba gwomvula ya piti pamwe nominista nale yuuyuki, Sacky Shanghala, ominista yoonzo dhomomeya, Bernardt Esau, Tamson Hatuikulipi, Ricardo Gustavo oshowo Pius Mwatelulo. Momushangwa gwe gwompangu guule womapandja 40, Hatuikulipi okwa ningi endilo opo ku mangululwe omayalulo ge goombaanga ge li gaali gopaumwene oshowo oombaanga dhe dhongeshefa.
Okwa hala woo okuuva ngele oAnti-Corruption Commission (ACC) oya pitikwa kompango opo yamweneke omayalulo goombaanga.
Kombinga yeholeko lyoonzo dhiiyemo, okwa pula kutya omomukalo guni ye pamwe naatamanekwa yakwawo ya holoke oonzo dhiimaliwa yawo. Hatuikulipi okwa gwedha po kutya omolwa emweneko lyomayalulo goombaanga dhe, aaniilonga ye itaya vulu okufutwa oondjambi dhawo.
Pahapu dhe, ongeshefa dhaTamson Hatuikulipi odha kuta miilonga aaniilonga 35, omanga Otuafika Logistics oshowo ye koCambadara Trust, ya kuta miilonga aantu 22.
Natango okwa popi kutya aaniilonga ye yomegumbo inaya vula okufutwa muNovemba omolwa oombaanga dhe dhoka dha mwenekwa.
Omalimbililo ge gamwe, iifuta yomagumbo ge, iishoshela yepangelo oshowo omeya komatungo ge ngoka ha hiilitha.
[email protected]
JEMIMA BEUKES
Ominista Calle Schlettwein okwa gandja elombwelo lyemweneko lyomayalulo gawo goombaanga.
Okwa popi kutya, Schlettwein ke na oonkondo dhopaveta okumeneka omayalulo ge goombaanga.
Okwa holola kutya emweneko lyomayalulo ge goombaanga otali tulitha moshiponga uuthemba we wokukala nuumwene womaliko ge nokweetitha omakwashilipaleko ge gonkalamwenyo ga kalekwe omolwa okwaahafutwa.
“Ngele ngame pamwe naatamanekwa yakwetu otwa hulitha nena, omakwashilipaleko getu goonkalamwenyo itaga futu na otatu kanitha omaliko getu agehe ngoka twa kwashilipaleka uule woomvula, na oga li ge na okukuthwako kaathigululi yetu. Ngele otwa gombokelwa nena itatu vulu okulongitha omauwanawa getu gopaunamiti nenge tu pangwe koondohotola dhetu dhopaumwene. Ondi na uupyakadhi wombinzi ya londa nonkalo yokwaahavula okulongitha omayalulo getu goombaanga otashi tula moshiponga oomwenyo dhetu nuundjolowele,” Hatuikulipi a popi meindilo lye lyOmpangu yoPombanda ndyoka a ningi pamwe namumwayinagona, Tamson 'Fitty' Hatuikulipi.
Hatuikulipi, okwa popi kutya oya gongela iimaliwa okuza palwe ihe oya gwana owala okupataneka etulo lyawo miipandeko.
Pethimbo lyiituthi yomatango omanene hoka ya li taya hehela iimaliwa inaya vula okumona ko ekwatho aniwa na oya mono owala ekwatho konima yomasiku ga 5 gaJanuari. Hatuikulipi, ota tamanekelwa oshipotha shuulingilingi neholeko lyoonzo dhiimaliwa na okwa tulwa miipandeko muNovemba gwomvula ya piti pamwe nominista nale yuuyuki, Sacky Shanghala, ominista yoonzo dhomomeya, Bernardt Esau, Tamson Hatuikulipi, Ricardo Gustavo oshowo Pius Mwatelulo. Momushangwa gwe gwompangu guule womapandja 40, Hatuikulipi okwa ningi endilo opo ku mangululwe omayalulo ge goombaanga ge li gaali gopaumwene oshowo oombaanga dhe dhongeshefa.
Okwa hala woo okuuva ngele oAnti-Corruption Commission (ACC) oya pitikwa kompango opo yamweneke omayalulo goombaanga.
Kombinga yeholeko lyoonzo dhiiyemo, okwa pula kutya omomukalo guni ye pamwe naatamanekwa yakwawo ya holoke oonzo dhiimaliwa yawo. Hatuikulipi okwa gwedha po kutya omolwa emweneko lyomayalulo goombaanga dhe, aaniilonga ye itaya vulu okufutwa oondjambi dhawo.
Pahapu dhe, ongeshefa dhaTamson Hatuikulipi odha kuta miilonga aaniilonga 35, omanga Otuafika Logistics oshowo ye koCambadara Trust, ya kuta miilonga aantu 22.
Natango okwa popi kutya aaniilonga ye yomegumbo inaya vula okufutwa muNovemba omolwa oombaanga dhe dhoka dha mwenekwa.
Omalimbililo ge gamwe, iifuta yomagumbo ge, iishoshela yepangelo oshowo omeya komatungo ge ngoka ha hiilitha.
[email protected]
JEMIMA BEUKES
Comments
Namibian Sun
No comments have been left on this article