Valombola a tindi ondjo moshipotha shedhipago
24 June 2020 | Local News
NAMPA
OVENDUKA
Komufala gwoontauki Likius Valombola ngoka ta tamanekelwa edhipago lyomulumentu momvula 2018, okwa tindi ondjo moshipotha ta tamanekelwa, pethimbo a holoka mompangulilo mOmaandaha.
Valombola okupitila momukalelipo gwe gwopaveta, Sisa Namandje, okwa tindi ondjo moshipotha shedhipaho oshowo okukutha mo ondjembo mehala lyaayehe, sho uumbu iikuti iyali yekunkililo mombanda mbyoka ya yaha Helao Kapembe Ndjaba ongulohi yoomasiku 18 gaMei mo 2018.
Omutamaneka okwa lombwele ompangu kutya ongulohi ndjoka okwa li omufalelwa mohauto ye tayi hingwa komona, Mathew Valombola.
Okwa tsikile nokuzimina kutya okwa umbu ondjembo ye yombistoli mombanda.
Okwa tsikile kutya oya adha ohauto ya kankama mondjila yokolumoho mepandanda lyaKing Kauluma naalumentu yatatu nenge yatano ya thikama pohauto ndjoka.
“Inatu vula okulongitha elila lyokolulyo molwaashoka okwa li taku zi iihauto oyindji. Omumwandje okwa ka nkameke ohauto na otwa ka pula kutya olye mwene gwohauto ndjoka ya thikama. Oya geye na oye tu landulile kohauto na oya kala taya konkola pekende lyohauto sho nda kuutumba, onda umbu iikando iyali mombanda,” Valombola a popi momushangwa gwe.
Oshipotha shoka osha li sha lundululilwa momamasiku 26 gaJune mo 2019 kOmpangu yOpombanda okuza mOmpangulilo yaKatutura, ketokolo lya ningwa kOmupanguli-Ndjai.
Epangelo otali popi kutya Valombola okwa yaha Ndjaba iikando iyali momutse.
Omunamimvo 25 Ndjaba okwa hulithile moshipangelo shaKatutura momasiku 28 gaMei mo 2018.
Valombola okuli pondje yodholongo komboloha yooN$15 000 ndjoka a pewa momasiku 31 gaMei 2018.
Oshipotha shoka otashi tsikile. Namandje ota yambidhidhwa kuNambili Mhata, omanga epangelo lya kalelwapo kuEthel Ndlovu.
OVENDUKA
Komufala gwoontauki Likius Valombola ngoka ta tamanekelwa edhipago lyomulumentu momvula 2018, okwa tindi ondjo moshipotha ta tamanekelwa, pethimbo a holoka mompangulilo mOmaandaha.
Valombola okupitila momukalelipo gwe gwopaveta, Sisa Namandje, okwa tindi ondjo moshipotha shedhipaho oshowo okukutha mo ondjembo mehala lyaayehe, sho uumbu iikuti iyali yekunkililo mombanda mbyoka ya yaha Helao Kapembe Ndjaba ongulohi yoomasiku 18 gaMei mo 2018.
Omutamaneka okwa lombwele ompangu kutya ongulohi ndjoka okwa li omufalelwa mohauto ye tayi hingwa komona, Mathew Valombola.
Okwa tsikile nokuzimina kutya okwa umbu ondjembo ye yombistoli mombanda.
Okwa tsikile kutya oya adha ohauto ya kankama mondjila yokolumoho mepandanda lyaKing Kauluma naalumentu yatatu nenge yatano ya thikama pohauto ndjoka.
“Inatu vula okulongitha elila lyokolulyo molwaashoka okwa li taku zi iihauto oyindji. Omumwandje okwa ka nkameke ohauto na otwa ka pula kutya olye mwene gwohauto ndjoka ya thikama. Oya geye na oye tu landulile kohauto na oya kala taya konkola pekende lyohauto sho nda kuutumba, onda umbu iikando iyali mombanda,” Valombola a popi momushangwa gwe.
Oshipotha shoka osha li sha lundululilwa momamasiku 26 gaJune mo 2019 kOmpangu yOpombanda okuza mOmpangulilo yaKatutura, ketokolo lya ningwa kOmupanguli-Ndjai.
Epangelo otali popi kutya Valombola okwa yaha Ndjaba iikando iyali momutse.
Omunamimvo 25 Ndjaba okwa hulithile moshipangelo shaKatutura momasiku 28 gaMei mo 2018.
Valombola okuli pondje yodholongo komboloha yooN$15 000 ndjoka a pewa momasiku 31 gaMei 2018.
Oshipotha shoka otashi tsikile. Namandje ota yambidhidhwa kuNambili Mhata, omanga epangelo lya kalelwapo kuEthel Ndlovu.
Classifieds