Uunona 26 wa valwa mesiku lyaKrismes mOnandjokwe

Nuumvo oshipangeo shaNandjokwe osha lopota omwaalu guli pombanda guunona mboka wa pulumuthilwa moshipangelo shoka mesiku lyaKrismes.Oshipangelo shaShakati osha lopota uunona wuli 15, uumati 12 oshowo uukadhona utatu. Moshipangelo shepangelo mEngela omwa lopotwa uunona 12 omanga moKatima Mulilo mwa lopotwa uunona 11. Uunona 36 owa pulumuthilwa mOvenduka, sho moshipangelo shaKtutura mwa lopotwa uunona 17 omanga uunona 16 wa pulumuthilwa moshipangelo shaWindhoek Central hospital. Palopota yonzokundaneki yoNampa, uunona mboka wa valwa hugunina, owa valelwa moshipangelo shaKatutura naWindhoek Central potundi onti 23:46 no 20:36. “Okanona hoka ka pulumuthwa hugunina oka pulumuthilwa moshipangelo shaKatutura na oka valwa inaka adha, ihe okeli monkalo ombwaanawa,” Mercy Maro, omupangi omukomeho miilonga moshipangelo shoka a popi. Moshipangelo shaMediclinic oshowo Lady Pohamba inamu pulumuthilwa uunona mesiku ndyoka, pauyelele wa gandjwa kaaniilonga miipangelo mbyoka.Oshipangelo shOutapi osha lopota aanona yane, Otjiwarongo aanona yatano omanga oshipangelo shaSwakopo sha lopota aanona yane. Rhino Park Private hospital, Gobabis oshowo Walvis Bay ayihe oya lopota aanona yatatu, omanga Omaruru noKeetmanshoop mwa lopotwa mwa pulumuthwa uunona uwali. Usakos, Tsumeb, Grootfontein omanga Omuthiya mwa valwa okanona kamwe mukehe oshipangelo.“Moshipangelo shaRhino Park omwa valwa uunona uutatu mesiku lyaKrismes, omwaalu gwa faathana naangoka gwomvula ya piti. Nuumvo omwa valwa okamati kamwe nuukadhona uwali,” Omupangi ngoka e li omukomeho miilonga moshipangelo shaRhino Park Private hospital, a popi.JUNE SHIMUOSHILI/KENYA KAMBOWE

Uunona 26 wa valwa mesiku lyaKrismes mOnandjokwe

Comments

Namibian Sun 2025-05-08

Please login to leave a comment

Uunona 26 wa valwa mesiku lyaKrismes mOnandjokwe

Comments

Namibian Sun 2025-05-08

Please login to leave a comment

Login