Uumwene wiiputudhilo yimwe yepangelo inawu
Ope na omalimbililo na inaku yelithwa natango kutya olye mwene gwehangano lyoStar Protection Services, ndyoka natango hali mono omayambidhidhi goshimaliwa okuza kuuministeli wiipambelele yoonakulwa aakulu.
Omukanda kombinga yepangelo lyiiputudhilo yepangelo moNamibia ngoka gwa nyanyagithwa koInstitute for Public Policy Research (IPPR) ogwa holola kutya ehangano lyoStar Protection Services, ehangano emwayina lyoBricks Enterprises, oshowo omahangano gamwe ngaashi August 26 oshowo Windhoeker Maschinenfabrik oga landithwa po nooyene yomahangano ngoka ngashiingeyi kaye shiwike, nonando otashi ulike kutya omahangao ngoka oga yama natango kepangelo.
Omahangano ngoka oge li momusholondondo gwoschedule 1 moveta yopublic Enterprises Governance Act of 2016, ihe kage li oshitopolwa shomulandu gwepangelo lyomahangano ngoka gwoNamibian public enterprises.
Star Protection Services, ehangano egameni lyomaliko olya li nale opoloyeka yoDevelopment Brigade Corporation (DBC) ndjoka ya kuthwa ko kuuministei woonakulwa aakulu. Ehangano ndyoka olya totwa pomo 1989 kehangano lyaSwapo lyoKalahari Holdings, melongelokumwe nepangelo opo li vule okutota po oompito dhiilonga dhaakondjelimanguluko mboka inaya vula okumona iilonga mopolisi oshowo metanga lyegameno lyaNamibia.
Oopota ndjoka yoIPPR oya holola kutya Uuministeli wIiputudhilo yEpangelo kawu na omakankameno molwaashoka ondokumende ndjoka ya holola kombinga yomulandu gwohybrid governance model oya popi kombinga yomahangano ge li 72 geli momusholondondo gwoSchedule 1, ihe mwaandjoka ompe omu na owala omahangano 67.
Kombinga yomahangano ngaashi Star Protection Services, Namibia Bricks Enterprises, August 26 Holdings Company oshowo Windhoeker Maschinenfabrik, ondokumende ndjoka oya holola kutya omahangano gotango gaali oga landithwa poo manga lya hugunina tali kondololwa ketanga lyegameno.
Palopota ndjoka ya pitithwa, onkalo ndjoka oyo yi li uupyakadhi molwaashoka uumwene womahangano ngoka inawu yelithwa ngele tashi ya kiiputudhilo yepangelo, molwaashoka iiputudhilo yepangelo ohayi kondololwa koshigwana na oya nuninwa okugandja omayakulo koshigwana na oya pumbwa okulonga yiikolelela komilandu dhepangelo, na itayi vulu okukala tayi longo onga omahangano gopaumwene.
Ominista yIiputudhilo yEpangelo, Leon Jooste ina vula okuyelitha uumwene womahangano ngoka, ihe okwa popi kutya uuministeli owiipyakidhila nontotwaveta ompe ndjoka tayi ka kwatelwa mo iiputudhilo yepangelo.
Okwa lombwele oNamibian Sun kutya ompangu ndjoka yi li miilonga ngashiingeyi oya hemba molwaashoka otayi pitika owala mu gwedhwe iiputudhilo momusholondondo ihe inayi pitika yi kuthwe mo.
Ehangano lyoStar Protection Services ohali gandja omayakulo ge gameno lyomaliko, aakeleli yomaliko, egameno lyomathindikilo giimaliwa oshowo egamaneo lyaanenenetu.
Pahapu dhomunambelewa omukuluntu gwehangano ndyoka, Veikko Peelenga, olya kuta miilonga aaniilonga yeli po 286 moshilongo ashihe.
Peelenga okwa tindi okuholola polweela omauyelele yiiyemo nelongitho lyiimaliwa yehangano ndyoka guule woomvula ndatu dha piti, ihe okwa gwedha po kutya sha landula elundululo lyoDBC, Star Protection Services okwa tulwa kohi yekondololo lyuuministeli wiipambele yoonakulwa aakulu.
“Ngame otandi vulu owala okuyambidhidha niinima yi na sha niilonga ihe uuyelele wulwe wa gwedhwa po, ningeni ekwatathano namushanga muuministeli woonakulwa aakulu,” Peelenga a popi.
Omupopiliko guuministeli mboka, Edson Haufiku, ina vula okupopya oshindji kombinga yuumwene wehangano ndyoka, ta popi kutya oku na okutegelela amushanga omupe ngoka e li metalelepo lyiitopolwa moshilongo, opo a vule okuyamukula komapulo.
Momvula yo 2015 uuministeli mboka okwa yambidhidha ehangano ndyoka lyuusekuriti opo Ii tunge oombelelwa oonene dhongushu yoomiliyona 19.8 mondoolopa yaNdangwa.
Ehangano oli na iitayi moGrootfontein, Rundu, Katima Mulilo, Gobabis, Walvis Bay, Keetmanshoop, Okahandja, Mariental, Otjiwarongo, Ondangwa oshowo Oshakati.
ILENI NANDJATO
Omahangano ngoka oge li momusholondondo gwoschedule 1 moveta yopublic Enterprises Governance Act of 2016, ihe kage li oshitopolwa shomulandu gwepangelo lyomahangano ngoka gwoNamibian public enterprises.
Star Protection Services, ehangano egameni lyomaliko olya li nale opoloyeka yoDevelopment Brigade Corporation (DBC) ndjoka ya kuthwa ko kuuministei woonakulwa aakulu. Ehangano ndyoka olya totwa pomo 1989 kehangano lyaSwapo lyoKalahari Holdings, melongelokumwe nepangelo opo li vule okutota po oompito dhiilonga dhaakondjelimanguluko mboka inaya vula okumona iilonga mopolisi oshowo metanga lyegameno lyaNamibia.
Oopota ndjoka yoIPPR oya holola kutya Uuministeli wIiputudhilo yEpangelo kawu na omakankameno molwaashoka ondokumende ndjoka ya holola kombinga yomulandu gwohybrid governance model oya popi kombinga yomahangano ge li 72 geli momusholondondo gwoSchedule 1, ihe mwaandjoka ompe omu na owala omahangano 67.
Kombinga yomahangano ngaashi Star Protection Services, Namibia Bricks Enterprises, August 26 Holdings Company oshowo Windhoeker Maschinenfabrik, ondokumende ndjoka oya holola kutya omahangano gotango gaali oga landithwa poo manga lya hugunina tali kondololwa ketanga lyegameno.
Palopota ndjoka ya pitithwa, onkalo ndjoka oyo yi li uupyakadhi molwaashoka uumwene womahangano ngoka inawu yelithwa ngele tashi ya kiiputudhilo yepangelo, molwaashoka iiputudhilo yepangelo ohayi kondololwa koshigwana na oya nuninwa okugandja omayakulo koshigwana na oya pumbwa okulonga yiikolelela komilandu dhepangelo, na itayi vulu okukala tayi longo onga omahangano gopaumwene.
Ominista yIiputudhilo yEpangelo, Leon Jooste ina vula okuyelitha uumwene womahangano ngoka, ihe okwa popi kutya uuministeli owiipyakidhila nontotwaveta ompe ndjoka tayi ka kwatelwa mo iiputudhilo yepangelo.
Okwa lombwele oNamibian Sun kutya ompangu ndjoka yi li miilonga ngashiingeyi oya hemba molwaashoka otayi pitika owala mu gwedhwe iiputudhilo momusholondondo ihe inayi pitika yi kuthwe mo.
Ehangano lyoStar Protection Services ohali gandja omayakulo ge gameno lyomaliko, aakeleli yomaliko, egameno lyomathindikilo giimaliwa oshowo egamaneo lyaanenenetu.
Pahapu dhomunambelewa omukuluntu gwehangano ndyoka, Veikko Peelenga, olya kuta miilonga aaniilonga yeli po 286 moshilongo ashihe.
Peelenga okwa tindi okuholola polweela omauyelele yiiyemo nelongitho lyiimaliwa yehangano ndyoka guule woomvula ndatu dha piti, ihe okwa gwedha po kutya sha landula elundululo lyoDBC, Star Protection Services okwa tulwa kohi yekondololo lyuuministeli wiipambele yoonakulwa aakulu.
“Ngame otandi vulu owala okuyambidhidha niinima yi na sha niilonga ihe uuyelele wulwe wa gwedhwa po, ningeni ekwatathano namushanga muuministeli woonakulwa aakulu,” Peelenga a popi.
Omupopiliko guuministeli mboka, Edson Haufiku, ina vula okupopya oshindji kombinga yuumwene wehangano ndyoka, ta popi kutya oku na okutegelela amushanga omupe ngoka e li metalelepo lyiitopolwa moshilongo, opo a vule okuyamukula komapulo.
Momvula yo 2015 uuministeli mboka okwa yambidhidha ehangano ndyoka lyuusekuriti opo Ii tunge oombelelwa oonene dhongushu yoomiliyona 19.8 mondoolopa yaNdangwa.
Ehangano oli na iitayi moGrootfontein, Rundu, Katima Mulilo, Gobabis, Walvis Bay, Keetmanshoop, Okahandja, Mariental, Otjiwarongo, Ondangwa oshowo Oshakati.
ILENI NANDJATO
Comments
Namibian Sun
No comments have been left on this article