Uuministeli womalelo goondoolopa wa kunkilile aanapolotika

Omunambelewa mUuministeli weyambulepo lyiitopolwa oshowo oondoolopa, Nghidinua Daniel okwa shanga omikanda dha nuninwa Aanambelewa Aakuluntu yOondoolopa kombinga yehogololo yaanambelewa yomalelo goondoolopa. Omukanda gwotango ogwa shangwa mesiku lyotango lyaKotomba, moka Daniel a dhimbulukitha aakomeho yomalelo goondoolopa kutya oya pumbwa okuninga omahogololo gawo gaanambelewa yelelo kwiikwatelelwa kontopolwa onti 11 oshowo 21 yOmpango yOmalelo gOondoolopa, onti 23 yomomvula yo 1992.Daniel natango okwa shanga ishewe omukanda momasiku 22 gaNovemba gwa nuninwa aanambelewa mboka, ta yelitha kutya kashi li paveta oongundu dhopolotika dhi tokole kutya ngandi otayi pompito yini pethimbo lyomahogololo oshowo eganithilo miilonga lyaanambelewa yelelo lyoondoolopa.Daniel okwa popi kutya oya dhidhilikile oongundu dhopolotika tadhi gandja omalombwelo ngoka geli pondje yOmpango onti 23, yOmalelo gOondoolopa yomomvula yo 1992, ontopolwa onti 11 no 21. Okwa tsikile kutya ompango ndjoka otayi pula eningo lyomahogololo omanga nenge mesiku moka oshikako shelelo shaanambelewa yelelo tashi thiki pehulilo.Ompango ndjoka oya kala ya pumbiwa noonkondo sho oongundu dhopolotika ngaashi ongundu yoSwapo ya kala tayi kondolola kutya ookansela yeni taya yi poompito dhelelo dhini po momalelo goondoolopa.Nonando ookansela yamwe oya kala nokutaamba omalombwelo okuza koongundu dhopolotika, yamwe oya tindi omalombwelo ngoka nokuninga omatilitho gokufala ongundu kompangu.Omvula ya piti muNovemba, ookansela yatatu yomookansela yatano yongundu yoSwapo melelo lyaRundu oya ningi iipalanyolo kombanda yiikundaneki sho ya tindi elombwelo lyongundu yawo.Pethimbo ndyoka, amushanga gwongundu yoSwapo, Sophia Shaningwa okwa li a gandja elombwelo kutya itaku ningwa omalunduluko momulandu gwelelo ngoka gu li po nale, etokolo ndyoka lya tindwa kookansela yatatu yongundu, ya tumbulwa komadhina kutya Isak Kandingu, Toini Hausiku oshowo Anastacia Shinduvi-Foya.Shaningwa mepitiko lyelelo lyopombanda moSwapo, oya tokola okukutha miilonga ookansela mboka, etokolo ndyoka lya ponyo molwaashoka ookansela mboka oya holola kutya otaya yi kompangu.Oshikumungu shoka osha etitha mboka ya ye kOvenduka komutumba gwomeendelelo gwelelo lyongundu ngoka gwa ningilwa poombelewa oonene dhongundu. Hage Geingob naye okwa li oshitopolwa shomutumba ngoka nopehulilo, ookansela mboka oya lombwelwa ya shune kiilonga nokukayakula oshigwana.Elelo lyondoolopa yaKahandja nalyo olya tindi elombwelo lyaShaningwa.Sho a ningilwa omapulo, Shaningwa okwa lombwele oNamibian Sun kutya oku na ontseyo kombinga yaashoka, naasho a pulwa kutya Swapo otati ngiini kombinga yedhimbulukitho kutya oongundu dhopolotika kadhi na uuthemba okwiidhopa momahogololo gaaleli yoondoolopa, Shaningwa okwa lombwele oshifokundaeki shi ka pule Minista Peya Mushelenga, molwaashoka naye oku li oshilyo shongundu.Mushelenga sho a ningilwa omapulo, okwa yamukula kutya ita vulu okutya sha molwaashoka ombelewa ye ihayi ungaunga niikumungu yomalelo.Amushanga gwongundu yoAll People's Party (APP), Vincent Kanyetu sho a ningilwa omapulo okwa popi kutya ina haluthwa kelombwelo lyuuministeli molwaashoka oya kala aluhe nokwiiyutha kompango.“Kashi shi oshipe kungame, oshi li mompango. Swapo oye owala a kala teshi ningi pondje yoveta,” Kanyetu a popi.Namibian Sun okwa tseyithilwa kutya elelo lyondoolopa yaRundu otali ningi omahogololo gaaleli yondoolopa mEtitatu.KENYA KAMBOWE

Uuministeli womalelo goondoolopa wa kunkilile aanapolotika

Comments

Namibian Sun 2025-07-10

Please login to leave a comment

Uuministeli womalelo goondoolopa wa kunkilile aanapolotika

Comments

Namibian Sun 2025-07-10

Please login to leave a comment

Login