TUN ina nyanyukilwa iizemo yomakonaakono
Ehangano lyoTeachers Union of Namibia (TUN) olya popi kutya iizemo yopehulilo lyomvula, itayi shambula ngele omusindalandu gwelongo omupe itagu tulwa miilonga pamwe niikwathitholongo yagwana.
Nonando ehangano ndyoka olya nyanyukilwa omusindalongo ngoka omupe, olya holola kutya oli na uumbanda ngele Uuminsteli wElongo otawu ka vula tuu okutula miilonga nawa omusindalongo ngoka.
Amushanga gwoTUN, Mahongora Kavihuha okwa holola kutya inaya shambulwa kiizemo yondondo onti-10 nondondo onti-12 yomvula ya piti, nonando iizemo mbyoka oya yambukapo ngaa kashona.
Kavihuha okwa popi kutya iizemo yondondo onti-10 oya yi pombanda okuza poopresenda 54 mo-2015 okuya poopresenda 55.7 mo-2016 omanga iizemo yondondo onti-12 ya yi pombanda okuza poopresenda 29.8 mo-2015 okuya poopresenda 36.8 mo-2016.
Okwa popi kutya oshilongo otashi tula miilonga omusindalongo ngoka gwa nuninwa oku yambulapo elongo moshilongo,ihe ngele itaku gandjwa omayambidhidho gwa gwana nena omalunduluko ngoka itaga e ta iizemo iiwanawa.
TUN okwa popi kutya okwa pumbwa okuningwa omalunduluko ngaashi okukutha po omahala giilonga gaataleli yelongo naanambelewa yomakonaakono nokunkondopeka iilonga yaagandjimayele miilongwa molwaashoka otashi ka etitha woo eshunitho pevi lyelongitho lyiimaliwa.
Kavihuha okwa popi kutya ehangano lyawo otali gandja woo omayele opoku kale haku ningwa omakonaakono gopokati komvula naashoka otashi ka gandja ompito kaanaskola mboka inaye shi enditha nawa nokumona iitsa tayi ya falitha kiiputudhilo yopombanda ya vule okushangulula ekonaakono pehala lyokutegelela omvula ayihe.
Ehangano olya popi kutya aalongiskola nayo inaya talika nawa. Kavihuha okwa popi kutya, aalongi kaye na omihandjo na otaya longithwa iilonga mbyoka ihaya futilwa. Okwa popi kutya aalongi otaya ningwa nayi uuna taya pula omafudho.
Okwa gandja oshiholelwa shomukomeho gwelongo mOshitopolwa shaZambezi ngoka a pula aalongi ya ye kombelewa ye uuna ya hala omafudho, pehala aalongi ya ninge omaindilo ngoka kaakomeho yao miilonga.
Omukundu gumwe ongaashi aalongi aniwa itaya pewa oondjambi dhawo pethimbo oshowo oombapila dhawo dhetamekitho lyiilonga.
ELLANIE SMIT
Nonando ehangano ndyoka olya nyanyukilwa omusindalongo ngoka omupe, olya holola kutya oli na uumbanda ngele Uuminsteli wElongo otawu ka vula tuu okutula miilonga nawa omusindalongo ngoka.
Amushanga gwoTUN, Mahongora Kavihuha okwa holola kutya inaya shambulwa kiizemo yondondo onti-10 nondondo onti-12 yomvula ya piti, nonando iizemo mbyoka oya yambukapo ngaa kashona.
Kavihuha okwa popi kutya iizemo yondondo onti-10 oya yi pombanda okuza poopresenda 54 mo-2015 okuya poopresenda 55.7 mo-2016 omanga iizemo yondondo onti-12 ya yi pombanda okuza poopresenda 29.8 mo-2015 okuya poopresenda 36.8 mo-2016.
Okwa popi kutya oshilongo otashi tula miilonga omusindalongo ngoka gwa nuninwa oku yambulapo elongo moshilongo,ihe ngele itaku gandjwa omayambidhidho gwa gwana nena omalunduluko ngoka itaga e ta iizemo iiwanawa.
TUN okwa popi kutya okwa pumbwa okuningwa omalunduluko ngaashi okukutha po omahala giilonga gaataleli yelongo naanambelewa yomakonaakono nokunkondopeka iilonga yaagandjimayele miilongwa molwaashoka otashi ka etitha woo eshunitho pevi lyelongitho lyiimaliwa.
Kavihuha okwa popi kutya ehangano lyawo otali gandja woo omayele opoku kale haku ningwa omakonaakono gopokati komvula naashoka otashi ka gandja ompito kaanaskola mboka inaye shi enditha nawa nokumona iitsa tayi ya falitha kiiputudhilo yopombanda ya vule okushangulula ekonaakono pehala lyokutegelela omvula ayihe.
Ehangano olya popi kutya aalongiskola nayo inaya talika nawa. Kavihuha okwa popi kutya, aalongi kaye na omihandjo na otaya longithwa iilonga mbyoka ihaya futilwa. Okwa popi kutya aalongi otaya ningwa nayi uuna taya pula omafudho.
Okwa gandja oshiholelwa shomukomeho gwelongo mOshitopolwa shaZambezi ngoka a pula aalongi ya ye kombelewa ye uuna ya hala omafudho, pehala aalongi ya ninge omaindilo ngoka kaakomeho yao miilonga.
Omukundu gumwe ongaashi aalongi aniwa itaya pewa oondjambi dhawo pethimbo oshowo oombapila dhawo dhetamekitho lyiilonga.
ELLANIE SMIT
Comments
Namibian Sun
No comments have been left on this article