Tu gameneni po ombili yetu okupitila maakuluntu oshowo omithigululwakalo - Nangolo
12 December 2019 | Local News
Mesiku moka kwa dhimbulukiwa, Esiku lyUuthemba wOmuntu, Omukokoli Presidende Sam Nujoma pamwe nosheendo she oya talelepo Omukwaniilwa gwaNdonga, Fillemon Shuumbwa Nangolo mOmbala ye pOnambango pondje yondoolopa yaNdangwa.
Omupresidende nale, Nujoma ngoka a taambiwako kengungo enene lyaakwashigwana yomOndonga okwa popi kutya okwa yi a ka kalekepo ekwatathano lye lyoshito nElelo lyaNdonga kohi yelelo lyaNangolo.
Nujoma okwiinekelwa a li kuume komukwaniilwa nale gwaNdonga, Immanuel Kauluma Elifas ngoka a hulitha momasiku 26 gaMaalitsa nuumvo moshipangelo shaNandjokwe, konima sho a lele oshitunda shoka oomvula dha thika po 44.
Osheendo shaNujoma osha kwatela mo omuleli gwaanangeshefa, Tomas Iindji, Omukomeho gwoshipangelo sha Ongwediva Medipark, Dr Tshali Iithete oshowo omunangeshefa gwaIndia, Kumar Vinod gwoKuku Agri Equipment naanambelewa yalwe yepangelo.
Nujoma naNangolo oya ningi omutumba gwopaumwene omule, omanga inaya popitha oshigwana shaNdonga.
Nangolo okwa holola enyanyu lye omolwa etalelepo lyaNujoma, ta popi kutya nakusa Elifas okwe mu thigi miikaha iiwanawa yaNujoma onga omuleli gwopashigwana. Okwa popi kutya onga kuume kaElifas, otaya kala aluhe yiikolelela mowino ye nomayele.
Nangolo okwa pula aakwashigwana yomOndonga ya simaneke aakuluntu oshowo omithigululwakalo, ta popi kutya iinima mbyoka iyali oyi li oongudhi oonene dhombili nonkalo nawa tayi tyapulwa moshilongo.
“Oshigwana shaahena aakuluntu osha fa oshigwana shaahena omithigululwakalo. Miikumungu oyindji aaleli yopamuthigululwakalo oyeli aakuluntu ya simanekwa okuza miigwana ya yooloka na oye lilepo okutukwatela komeho.”
“Gumwe ota vulu owala okupondolasha monkalomwenyo ngele oku na esimaneko lyaakuluntu moshigwana, onkene otwa pumbwa okukalekapo esimaneko nokunongonona kehe shoka tashi ya opo tu kalekepo ombinga nonkalo nawa yoshigwana ndjoka tatu tyapula nena. Oye ya po okupitila muudhigu na itayi vulu okuhanagulwapo owala ngaaka,” Nangolo a popi.
Nujoma okwa lombwele Nangolo kutya ye omuntu gwombala na okwa pyakudhukwa aluhe ngele okwe mu pumbwa.
“Onde ya mpaka okutalela po ofamili yaawa nokukwashilipaleka kutya ngame omuntu gwombala na onda pyakudhukwa oowili 24 kehe esiku ndi mu kwathele ngele a pumbwa ndje. Oshigwana kashi na omukwaniilwa osha fa etanga lyaakwiita kali na okomanda.”
ILENI NANDJATO
Omupresidende nale, Nujoma ngoka a taambiwako kengungo enene lyaakwashigwana yomOndonga okwa popi kutya okwa yi a ka kalekepo ekwatathano lye lyoshito nElelo lyaNdonga kohi yelelo lyaNangolo.
Nujoma okwiinekelwa a li kuume komukwaniilwa nale gwaNdonga, Immanuel Kauluma Elifas ngoka a hulitha momasiku 26 gaMaalitsa nuumvo moshipangelo shaNandjokwe, konima sho a lele oshitunda shoka oomvula dha thika po 44.
Osheendo shaNujoma osha kwatela mo omuleli gwaanangeshefa, Tomas Iindji, Omukomeho gwoshipangelo sha Ongwediva Medipark, Dr Tshali Iithete oshowo omunangeshefa gwaIndia, Kumar Vinod gwoKuku Agri Equipment naanambelewa yalwe yepangelo.
Nujoma naNangolo oya ningi omutumba gwopaumwene omule, omanga inaya popitha oshigwana shaNdonga.
Nangolo okwa holola enyanyu lye omolwa etalelepo lyaNujoma, ta popi kutya nakusa Elifas okwe mu thigi miikaha iiwanawa yaNujoma onga omuleli gwopashigwana. Okwa popi kutya onga kuume kaElifas, otaya kala aluhe yiikolelela mowino ye nomayele.
Nangolo okwa pula aakwashigwana yomOndonga ya simaneke aakuluntu oshowo omithigululwakalo, ta popi kutya iinima mbyoka iyali oyi li oongudhi oonene dhombili nonkalo nawa tayi tyapulwa moshilongo.
“Oshigwana shaahena aakuluntu osha fa oshigwana shaahena omithigululwakalo. Miikumungu oyindji aaleli yopamuthigululwakalo oyeli aakuluntu ya simanekwa okuza miigwana ya yooloka na oye lilepo okutukwatela komeho.”
“Gumwe ota vulu owala okupondolasha monkalomwenyo ngele oku na esimaneko lyaakuluntu moshigwana, onkene otwa pumbwa okukalekapo esimaneko nokunongonona kehe shoka tashi ya opo tu kalekepo ombinga nonkalo nawa yoshigwana ndjoka tatu tyapula nena. Oye ya po okupitila muudhigu na itayi vulu okuhanagulwapo owala ngaaka,” Nangolo a popi.
Nujoma okwa lombwele Nangolo kutya ye omuntu gwombala na okwa pyakudhukwa aluhe ngele okwe mu pumbwa.
“Onde ya mpaka okutalela po ofamili yaawa nokukwashilipaleka kutya ngame omuntu gwombala na onda pyakudhukwa oowili 24 kehe esiku ndi mu kwathele ngele a pumbwa ndje. Oshigwana kashi na omukwaniilwa osha fa etanga lyaakwiita kali na okomanda.”
ILENI NANDJATO
Classifieds