Tjihuiko a futithwa ongombe omolwa iifundja

JEMIMA BEUKESOVENDUKAOmananathano ge na sha neuliko lyOmupresidende gwoNudo, Ester Muinjangue onga omupeha minista gwuundjolowele oga etitha egandjo lyomageelo giifuta kuyamwepo mElelo lyoPamuthigululwakalo gwAaherero.Ovaherero Traditional Authority (OTA) Chiefs Council oya gandja egeelo koshilyo shomutumba gwopashigwana nale, Arnold Tjihuiko opo a fute oongombe dhongushu yooN$12 000 kelelo ndyoka omolwa oluhoko niifundja, omanga omupopiliko nale gwelelo ndyoka Bob Kandetu, uulwa kutya “omu li gwondjego” na okwa pulwa a gandje ombili pethimbo lyomutumba ngoka gwa ningilwa moAminius mehuliloshiwike lya piti.Omupeha minista guundjolowele, Ester Muinjangue, ngoka euliko lye lya etitha omananathano ngoka ga etithitha aalumentu mboka ya geelwe, naye okwa monika ondjo mompangu ndjoka. Okwa monika ondjo sho a kaleke momilema omuleli gwOmbara Otjitambi [Paramount Chief Vekuii Rukoro] aniwa oshowo elelo lye, kombinga ye wayimino lye epangelo, nokuya moshipala ekondjo tali ningwa li na sha neeto lyiipongoloko koshilongo.Tjihuiko okwa popi kutya omutumba ngoka kagu na uukwashili washa, ta popi kutya okwa pulakene kiinima ayihe nomatilitho ngoka ga ningwa, ihe ke wete ompango yontumba ndjoka a yi pondje, na okwa pula woo oonkondo dhoka dhi li melelo lyuuleli mboka ngele tashi ya kokupangula.Okwa popi kutya okwa li owala omutumba ihe okwa nongele kutya omutumba ngoka ogwa ningi ompangu.Elelo ndyoka olya zimine woo kutya etokolo okukutha mo omupeha minista gwuundjolowele melelo lyOvaherero Genocide Foundation (OGF) onga omunashipundi oli li mondjila nopethimbo ewananawa.Mboka oya ningi etokolo ndyoka netompelo kutya euliko lyaMuinjangue kOmupresidende Hage Geingob onga omupeha gwuundjolowele otashi ka etitha a ye moshipala oompangela dhoonkambadhala ndhoka tadhi ningwa kelelo.Oontamana kombinga yeuliko lye odha ningwa kepandja lyoWahatsApp.Tjihuiko okwa lundile wooRukoro kutya okwa li ta yambidhidha Geingob pethimbo lyomutumba gwomahogololo gwoSwapo momvula yo 2017, na okwa gandja oshimaliwa shooN$100 000.Momukanda gwa gandjwa mOmaandaha, OTA oya holola kutya Tjihuiko okwa monika ondjo kiipotha ayihe a tamanekelwa na okwa pumbwa okupopyulula omapopyo ge gaahena uukwahsili kutya Rukoro ota pangele oku ya kutha melelo lyo OTA yo naKandetu.Omalundilo ngoka a ningi ogeli iifundja yowala nenyateko lyedhina tali ningilwa Ombara Otjitambi.Kandetu okwa monika ondjo sho a kala ta popi konima yaRukoro, pamwe naanambelewa aakuluntu mepangelo oshowo Muinjangue, shoka sha etitha a tambule opoosa yuupeha minista guundjolowele.Omupopiliko gwOTA, omuprofesa Mutjinde Katjiua, okwa koleke kutya ayehe mboka yatatu oya li momutumba ngoka gwomautho.Kandetu naMuinjangue inaya vula okumonika ya tye sha, pethimbo omanga onkundana ndjika ya nyanyangidhwa. jemima@namibiansun.com

Tjihuiko a futithwa ongombe omolwa iifundja

Comments

Namibian Sun 2025-07-03

Please login to leave a comment

Tjihuiko a futithwa ongombe omolwa iifundja

Comments

Namibian Sun 2025-07-03

Please login to leave a comment

Login