Taya tyapulile omumvo omupe mokakuma
Aalumentu yahamano mboka ya tulwa miipandeko shi na sha nelyenge lyefuto lyoombumbo moshikondo shoohi, otaya kala modholongo sigo omwedhi Februali gwo 2020, sha landula sho ngoka ta longo pehala lyomupanguli mOmpangu yoPombanda, Kobus Miller, eekelehi oshipotha shawo, shoka ya tula mo opo etulo miipandeko lyawo li kalekwe.
Oya lombwelwa opo woo ya fute iifuta yopaveta yaayamukuli moshipotha shawo, mwakwatelwa oAnti-Corruption Commission (ACC) oshowo Opolisi yaNamibia.
Ominista nale yOohi, Bernhardt Esau pamwe naatamanekwa naye mwakwatelwa ominista nale yuuyuki, Sacky Shanghala, omunashipundi nale gwoFishcor, James Hatuikulipi, omunangeshefa Tamson 'Fitty' Hatuikulipi, oshowo menindjela nale mehangano lyoInvestec Asset Management , Ricardo Gustavo oshowo Pius Mwatelulo oya li taya pataneke etulo lyawo miipandeko. Oye li modholongo konima sho kwa lopotwa na otaya fekelwa kutya oya tambula oombumbo dhoshimaliwa sha thika poomiliyona 150, mepingakanitho negandjo lyookota dhokukwata oohi kehangano lyaIceland lyedhina Samherji. Miller okwa tothamo mEtitano lya piti kutya, oya ningi eindilo lyokupataneka emangepo lyawo nethimbo lyawo na inashi ningwa meendelelo, na inaya ulikila Ompangu yoPombanda kutya omolwashike inaya ninga eindilo ndyoka meendelelo konima sho ya tulwa miipandeko momasiku 27 gaNovemba.
Okwa popi kutya mboka eindilo ndyoka olya li andola li na okuningwa momasiku 29 gaNovemba moka ya li ya ningi eindilo lyawo lyomboloha, neinekelo andola kutya otali ningwa momasiku gaali gaDecemba pamwe neindilo lyomboloha, ihe shoka osha pitikwa sigo omomasiku 14 gaDecemba moka eindilo ndyoka lya falwa mompangu yopombanda.
Pahapu dha Miller, omukalelipo gwaalumentu mboka gwopaveta ina yelitha muule kutya oshike sha e ta ekateko kakele kokupopya kutya aayakulwa ye oya tindilwa uuthemba wemanguluko.
Momasiku 19 gaDecemba, osheendo shaakalelipo yopaveta yaalumentu mboka taya ithanwa noshilukadhina 'Fishrot Six', mwakwatelwa aakalelipo yopaveta yopombanda aakwashigwana yaSouth Afrika oya popi kutya epangelo olya ningi iikengelela pakutulitha miipandeko aayakulwa yawo.
Shoka osha zilile kemangululo oshikando shotango lya Esau ngoka a li a mangululwa konima sho epangelo pamwe naakalelipo ye yopaveta ya zimine kutya etulo miipandeko lye kali li paveta. Omukalelipo gwawo gwopaveta a zilila koSouth Afrika, Thembeka Ngcukaitobi okwa popi kutya sho Esau a tulululwa miipandeko pamwe nayakwawo, inaku gandjwa omaumbangi omape.
Okwa popi kutya omukanda gwawo gwetulo miipandeko omutiyai inagu tothamo omaumbangi gasha, ngoka taga holola etompelo lyetulo miipandeko lyaamboka oshowo kutya aanambelewa inaya holola kutya omakonaakono oga kala taga ningwa okuza omvula yo 2014.
Pamaiyuvo ge oku wete kutya aayamukuli moshipotha shoka inaya holola kutya etulo miipandeko lyaayakulwa ye ogwo owala omukalo tagu kwashilipaleke eholoko kompangu lyawo, onkene etulo miipandeko lyawo kali li paveta.
[email protected]
JEMIMA BEUKES
Oya lombwelwa opo woo ya fute iifuta yopaveta yaayamukuli moshipotha shawo, mwakwatelwa oAnti-Corruption Commission (ACC) oshowo Opolisi yaNamibia.
Ominista nale yOohi, Bernhardt Esau pamwe naatamanekwa naye mwakwatelwa ominista nale yuuyuki, Sacky Shanghala, omunashipundi nale gwoFishcor, James Hatuikulipi, omunangeshefa Tamson 'Fitty' Hatuikulipi, oshowo menindjela nale mehangano lyoInvestec Asset Management , Ricardo Gustavo oshowo Pius Mwatelulo oya li taya pataneke etulo lyawo miipandeko. Oye li modholongo konima sho kwa lopotwa na otaya fekelwa kutya oya tambula oombumbo dhoshimaliwa sha thika poomiliyona 150, mepingakanitho negandjo lyookota dhokukwata oohi kehangano lyaIceland lyedhina Samherji. Miller okwa tothamo mEtitano lya piti kutya, oya ningi eindilo lyokupataneka emangepo lyawo nethimbo lyawo na inashi ningwa meendelelo, na inaya ulikila Ompangu yoPombanda kutya omolwashike inaya ninga eindilo ndyoka meendelelo konima sho ya tulwa miipandeko momasiku 27 gaNovemba.
Okwa popi kutya mboka eindilo ndyoka olya li andola li na okuningwa momasiku 29 gaNovemba moka ya li ya ningi eindilo lyawo lyomboloha, neinekelo andola kutya otali ningwa momasiku gaali gaDecemba pamwe neindilo lyomboloha, ihe shoka osha pitikwa sigo omomasiku 14 gaDecemba moka eindilo ndyoka lya falwa mompangu yopombanda.
Pahapu dha Miller, omukalelipo gwaalumentu mboka gwopaveta ina yelitha muule kutya oshike sha e ta ekateko kakele kokupopya kutya aayakulwa ye oya tindilwa uuthemba wemanguluko.
Momasiku 19 gaDecemba, osheendo shaakalelipo yopaveta yaalumentu mboka taya ithanwa noshilukadhina 'Fishrot Six', mwakwatelwa aakalelipo yopaveta yopombanda aakwashigwana yaSouth Afrika oya popi kutya epangelo olya ningi iikengelela pakutulitha miipandeko aayakulwa yawo.
Shoka osha zilile kemangululo oshikando shotango lya Esau ngoka a li a mangululwa konima sho epangelo pamwe naakalelipo ye yopaveta ya zimine kutya etulo miipandeko lye kali li paveta. Omukalelipo gwawo gwopaveta a zilila koSouth Afrika, Thembeka Ngcukaitobi okwa popi kutya sho Esau a tulululwa miipandeko pamwe nayakwawo, inaku gandjwa omaumbangi omape.
Okwa popi kutya omukanda gwawo gwetulo miipandeko omutiyai inagu tothamo omaumbangi gasha, ngoka taga holola etompelo lyetulo miipandeko lyaamboka oshowo kutya aanambelewa inaya holola kutya omakonaakono oga kala taga ningwa okuza omvula yo 2014.
Pamaiyuvo ge oku wete kutya aayamukuli moshipotha shoka inaya holola kutya etulo miipandeko lyaayakulwa ye ogwo owala omukalo tagu kwashilipaleke eholoko kompangu lyawo, onkene etulo miipandeko lyawo kali li paveta.
[email protected]
JEMIMA BEUKES
Comments
Namibian Sun
No comments have been left on this article