Ta ya pula evi lyuuthiga wawo moRundu
Ongundu yaakalimo yomoRundu otaya pula opo elelo lyondoolopa ndjoka li ya pe oshitopolwa shevi momudhingoloko gwaKaisosi nomatompelo kutya evi ndyoka olyoohekulululwa.
Ongundu ndjoka otayi kwatelwa komeho komusita Magareth Mate Da Rocha oshowo Brigitte Kalihonda, na oya gandja omaiyuvo gawo kelelo lyondoolopa yaRundu taya popi kutya kaya uviteko ko kutya omolwashike ye na okukala kaye na evi ngele oohekulululwa oyo ya li ooyene yevi.
Aakwashigwana mboka oya landula olugumbo lya tulwa koshitopolwa shevi koshiputudhilo shoUniversity of Namibia (Unam) Rundu nokutopolwa omapya gomahangu ngoka ga li hali longwa koofamili.
Da Rocha okwa yeitha kutya ehala ndyoka lya tulwa meni lyoloogolo kalya li oshitopolwa sheuvathano ndyoka lya li lya ningwa kuhe ngoka a li mwene gwomukunda pethimbo ndyoka, noshitopolwa shoka okwe shi gandja omagano koRundu College of education pethimbo ndiyaka.
Okwa popi kutya Unam okwa li e na okutula moloogolo oshitopolwa shoka sha li sha longithwa kopoloyeka yoKaisosi mass housing project ihe kashi shi oshitopolwa shoka a tula molooglo lwe ngashiingeyi.
Da Rocha okwa hala elelo lyondoolopa li konaakone oshinima shoka, lyo li kandulepo omukundu ngoka.
“Otwa hala shoka shetu. Ootatekulu oya sile mevi ndika ihe nena ku na oshitopolwa shevi,” Da Rocha a popi.
“Natango otatu kongo omayamukulo kutya olye a pe Unam epitiko opo a tule meni lyoloogolo oshitopolwa shevi shoka. Otu shi shi kutya evi lyondoolopa otali kondololwa kelelo lyondoolopa pehala lyepangelo na otwa hala ye tu pe omayamukulo komapulo getu. Itashi ti kutya ngele evi olyepangelo nena oto ningi owala kehe shoka wa hala. Otwa pumbwa okuningwa natse oonkundathana nuuthemba wetu owa pumbwa okugamenwa.”
Da Rocha okwa li ta popi miipathi yamayola omupe gwondoolopa yaRundu, Isak Kandingu opamwe niiyo yelelo lyondoolopa ndjoka.
Da Rocha okwa popi woo nkene omaindilo gawo gomavi ngoka ya ningi mo 2012 inaga ziminwa sigo okesiku lyonena.
Okwa popi kutya oya li ye na oompangela okutunga oskola yaanona mboka taya lumbu nomaulema oshowo egumbo lyaakokele.
Okwa popi kutya epangelo otali pula oshigwana opo shi yambulepo oshilongo ihe aantu otaya tindilwa evi.
Kandingu okwa popi kutya ke na ontseyo yonkalo ndjoka ihe okwa popi kutya elelo otali ka tegelela aanambelewa ya yamukule, yo ya vule okugandja omayamukulo kongundu.
KENYA KAMBOWE
Aakwashigwana mboka oya landula olugumbo lya tulwa koshitopolwa shevi koshiputudhilo shoUniversity of Namibia (Unam) Rundu nokutopolwa omapya gomahangu ngoka ga li hali longwa koofamili.
Da Rocha okwa yeitha kutya ehala ndyoka lya tulwa meni lyoloogolo kalya li oshitopolwa sheuvathano ndyoka lya li lya ningwa kuhe ngoka a li mwene gwomukunda pethimbo ndyoka, noshitopolwa shoka okwe shi gandja omagano koRundu College of education pethimbo ndiyaka.
Okwa popi kutya Unam okwa li e na okutula moloogolo oshitopolwa shoka sha li sha longithwa kopoloyeka yoKaisosi mass housing project ihe kashi shi oshitopolwa shoka a tula molooglo lwe ngashiingeyi.
Da Rocha okwa hala elelo lyondoolopa li konaakone oshinima shoka, lyo li kandulepo omukundu ngoka.
“Otwa hala shoka shetu. Ootatekulu oya sile mevi ndika ihe nena ku na oshitopolwa shevi,” Da Rocha a popi.
“Natango otatu kongo omayamukulo kutya olye a pe Unam epitiko opo a tule meni lyoloogolo oshitopolwa shevi shoka. Otu shi shi kutya evi lyondoolopa otali kondololwa kelelo lyondoolopa pehala lyepangelo na otwa hala ye tu pe omayamukulo komapulo getu. Itashi ti kutya ngele evi olyepangelo nena oto ningi owala kehe shoka wa hala. Otwa pumbwa okuningwa natse oonkundathana nuuthemba wetu owa pumbwa okugamenwa.”
Da Rocha okwa li ta popi miipathi yamayola omupe gwondoolopa yaRundu, Isak Kandingu opamwe niiyo yelelo lyondoolopa ndjoka.
Da Rocha okwa popi woo nkene omaindilo gawo gomavi ngoka ya ningi mo 2012 inaga ziminwa sigo okesiku lyonena.
Okwa popi kutya oya li ye na oompangela okutunga oskola yaanona mboka taya lumbu nomaulema oshowo egumbo lyaakokele.
Okwa popi kutya epangelo otali pula oshigwana opo shi yambulepo oshilongo ihe aantu otaya tindilwa evi.
Kandingu okwa popi kutya ke na ontseyo yonkalo ndjoka ihe okwa popi kutya elelo otali ka tegelela aanambelewa ya yamukule, yo ya vule okugandja omayamukulo kongundu.
KENYA KAMBOWE
Comments
Namibian Sun
No comments have been left on this article