Ta lili oluhepo sha landula edhipago lyomona
Yina yanakusa Naimi Ngambo Kalenga omunamimvo 23 okwa popi kutya ekanitho lyomona ngoka a li he ya sile oshisho olya hwahwameke oluhepo maandjawo na oshe mu ningila oshidhigu okusila oshisho aatekulu ye yatatu, molwaashoka ke na iilonga.
Emilia Nangula Siami (49) okwa popi ngaaka ta lombwele oshifokundaneki shoNamibian Sun pethimbo a talelwa po pegumbo lye tali adhika momukunda Sikali moshitopolwa shaKavango West. Siami okwa popi kutya onkalamwenyo oya dhigupala konima yomasiku 16 gaAguste sho Kalenga a dhipagwa nekuwa komumati gwe.
Omufekelwa ngoka e li omukwashigwana gwaAngola okwa yi ontuku koAngola hoka a tulilwa miipandeko. Omufekelewa ngoka ina holoka natango mompangu sho Opolisi yaNamibia oshowo nuuministeli wuyuuki inawu ninga natango etsokumwe nepangelo lyaAngola opo omufekelwa a tumwe moNamibia a taalele epangulo.
Omufekelwa oshowo nakusa oye na aanona yatatu yoomvula hamano, ndatu oshowo okanona komvula yimwe.
Sho ta hokolola nkene onkalo ya dhigupala, Siami okwa popi kutya ngashiingeyi oha landitha oshikunwa shopamuthigululwakalo hashi ithanwa Kashipembe opo a vule okupalutha oodhigwa ndhoka ndatu pamwe nofamili ye.
Okwa popi kutya okamona hoka ka dhipagwa okali haka ngeshefa nokulonga iilonga ya yooloka moshigwana opo ka vule oku mu yambidhidha.
“Onkalamwenyo oya dhigupala sho kandi na okanona kandje,” Siamo a popi.
“Omumwandje okwa li ha landitha iikutu, iikulya nokulonga momapya gaantu opo a paluthe aanona ye nokuyambidhidha ofamili. Ngashiingeyi okwa ya niinima oye tu dhigupalella. Ethimbo limwe ohandi ipula kutya ngele ngoka a li hetu sile oshisho okwa ya, aanona ye otaya hupu ngiini ngele ngoka a li he ya palutha nokutupalutha ke po we. Otashi ehameke shoka sha ningilwa okanona kandje.”
Siami okwa holola kutya sha landula eso lyokanona ke, oomwedhi mbali dha piti ina mona eyambidhidho okuza moshigwana na osha li she mu ningile oshidhigu okufumbika okamona.
Pethimbo a dhipagwa, Kalenga pamwe nomufekelwa oyali haya zi pamwe na ya li ye na egumbo lyoondunda mbali lyiipeleki moka oshiningwanima shoka oshinyanyaleki sha ningiwa.
Siami okwa lombwele oNamibian Sun kutya pamuthigululwakalo, ehala mpoka lwa sile omuntu gwawo otali vulu owa okuhanagulwa po konima yomvula.
Ngaaka okwa yamukula sho a pulwa kutya omolwashike egumbo ndyoka natango lya thikama, omanga ta popi kutya uuna e li tala ohali mu uvitha nayi.
E li muutile
Siami okwa holola woo uutile ye kutya ke na ekwashilipaleko shili ngele omufekelwa ngoka okwa tulwa miipandeko moAngola, nonando opolisi ye mu tseyithile kutya okwa tulwa miipandeko.
Okwa popi kutya oplisi oye mu tseyithila owala kutya omufekelwa okwa tulwa miipandeko ihe pamwe ka shi shi oshi li na ota vulu okugaluka e ya monithe iiponga.
Siami okwa popi kutya omafekelo ge oga etithwa kompumbwe yekwatathano pokati kopolisi nofamili kombinga yoshipotha shoka, ta popi kutya oya hala okumona omulumentu ngoka mompangulilo.
Sho a ningilwa omapulo nokulombwelwa kombinga yembandapalo lyofamili, omunambelewa omukomeho gwopolisi yaNamibia, Inspector General, Sebastian Ndeitunga okwa lombwele oNamibian Sun kutya omufekelwa okwa tulwa miipandeko shili na otaya ningi omalongekidho opo eetwe moshilongo. Okwa gwedha po kutya okukutha omuntu koshilongo shimwe okumweeta moshilongo opo a pangulwe oshinima hashi kwata ethimbo, ihe okwa kwashilipaleke ofamili kutya omufekelwa otaka pangulwa.
Siami ota pula woo ekwatho okuza kaasamalia aanamutimahenda opo a vule okukwatha aatekulu ye yatatu. Okwa popi kutya omwedhi gwa piti okwa shangitha aanona mboka opo ya vule okumona ekwatho okuza kepangelo ihe ekwatho ndyoka otali ka tameka owala momwedhi twa taalela.
KENYA KAMBOWE
Omufekelwa ngoka e li omukwashigwana gwaAngola okwa yi ontuku koAngola hoka a tulilwa miipandeko. Omufekelewa ngoka ina holoka natango mompangu sho Opolisi yaNamibia oshowo nuuministeli wuyuuki inawu ninga natango etsokumwe nepangelo lyaAngola opo omufekelwa a tumwe moNamibia a taalele epangulo.
Omufekelwa oshowo nakusa oye na aanona yatatu yoomvula hamano, ndatu oshowo okanona komvula yimwe.
Sho ta hokolola nkene onkalo ya dhigupala, Siami okwa popi kutya ngashiingeyi oha landitha oshikunwa shopamuthigululwakalo hashi ithanwa Kashipembe opo a vule okupalutha oodhigwa ndhoka ndatu pamwe nofamili ye.
Okwa popi kutya okamona hoka ka dhipagwa okali haka ngeshefa nokulonga iilonga ya yooloka moshigwana opo ka vule oku mu yambidhidha.
“Onkalamwenyo oya dhigupala sho kandi na okanona kandje,” Siamo a popi.
“Omumwandje okwa li ha landitha iikutu, iikulya nokulonga momapya gaantu opo a paluthe aanona ye nokuyambidhidha ofamili. Ngashiingeyi okwa ya niinima oye tu dhigupalella. Ethimbo limwe ohandi ipula kutya ngele ngoka a li hetu sile oshisho okwa ya, aanona ye otaya hupu ngiini ngele ngoka a li he ya palutha nokutupalutha ke po we. Otashi ehameke shoka sha ningilwa okanona kandje.”
Siami okwa holola kutya sha landula eso lyokanona ke, oomwedhi mbali dha piti ina mona eyambidhidho okuza moshigwana na osha li she mu ningile oshidhigu okufumbika okamona.
Pethimbo a dhipagwa, Kalenga pamwe nomufekelwa oyali haya zi pamwe na ya li ye na egumbo lyoondunda mbali lyiipeleki moka oshiningwanima shoka oshinyanyaleki sha ningiwa.
Siami okwa lombwele oNamibian Sun kutya pamuthigululwakalo, ehala mpoka lwa sile omuntu gwawo otali vulu owa okuhanagulwa po konima yomvula.
Ngaaka okwa yamukula sho a pulwa kutya omolwashike egumbo ndyoka natango lya thikama, omanga ta popi kutya uuna e li tala ohali mu uvitha nayi.
E li muutile
Siami okwa holola woo uutile ye kutya ke na ekwashilipaleko shili ngele omufekelwa ngoka okwa tulwa miipandeko moAngola, nonando opolisi ye mu tseyithile kutya okwa tulwa miipandeko.
Okwa popi kutya oplisi oye mu tseyithila owala kutya omufekelwa okwa tulwa miipandeko ihe pamwe ka shi shi oshi li na ota vulu okugaluka e ya monithe iiponga.
Siami okwa popi kutya omafekelo ge oga etithwa kompumbwe yekwatathano pokati kopolisi nofamili kombinga yoshipotha shoka, ta popi kutya oya hala okumona omulumentu ngoka mompangulilo.
Sho a ningilwa omapulo nokulombwelwa kombinga yembandapalo lyofamili, omunambelewa omukomeho gwopolisi yaNamibia, Inspector General, Sebastian Ndeitunga okwa lombwele oNamibian Sun kutya omufekelwa okwa tulwa miipandeko shili na otaya ningi omalongekidho opo eetwe moshilongo. Okwa gwedha po kutya okukutha omuntu koshilongo shimwe okumweeta moshilongo opo a pangulwe oshinima hashi kwata ethimbo, ihe okwa kwashilipaleke ofamili kutya omufekelwa otaka pangulwa.
Siami ota pula woo ekwatho okuza kaasamalia aanamutimahenda opo a vule okukwatha aatekulu ye yatatu. Okwa popi kutya omwedhi gwa piti okwa shangitha aanona mboka opo ya vule okumona ekwatho okuza kepangelo ihe ekwatho ndyoka otali ka tameka owala momwedhi twa taalela.
KENYA KAMBOWE
Comments
Namibian Sun
No comments have been left on this article