Ta futitha epangelo sho a kalekwa modholongo omasiku 722 ga gwedhwapo
Omulumentu ngoka a li a pewa egeelo lyokukala modholongo omolwa oshipotha shekwatonkonga ota futitha omalelo goodholongo oshowo oshikondo shuuyuki, sho ya ndopa oku mu mangulula, konima sho oshikako shegeelo lye lyuule woomvula 10 okukala modholongo sha hulu momvula yo 2014, ihe oye mu mangulula owala konima yomasiku 722.
Sebedeus Hoseb okwa hala okufutwa oshimaliwa shoomiliyona yimwe, sho egeelo lye lya pu momasiku 18 gaJune mo 2014 ihe okwa mangululwa owala momasiku 10 gaJune mo 2016.
Okwa popi kutya endopo lyokumanitha oombaapila dhemangululo lye oshowo endopo lyekwatathano pokati komalelo kombinga yegeelo lyoomvula ntano ndyoka lya kuthwa ko, oshi li e yo pondje lyuuthemba we.
Hoseb okwa li a geelwa noomvula 15 momvula 2004 konima sho a monika ondjo moshipotha shekwatonkonga ndyoka a ningi omanga e na oomvula 18. Momvula ya faathana okwa monika woo ondjo moshipotha shedhengo nonkambadhala yokweehameka kolutu na okwa pewa geelo lyoomvula ne oshowo oomvula mbali dha gwedhwa po nenge a fute oshimaliwa shooN$2 000, omolwa okwiiyaka modholongo.
Okwa li a ningi eindilo ta pataneke egeelo ndyoka a pewa moshipotha shekwatonkonga negeelo lye olya shunitha pevi noomvula ntano.
Nonando egeelo olya shunithwa pevi noomvula ntano aanambelewa yompangu inaya gandja uuyelele mboka kaanambelewa yomalelo goodholongo. Uuministeli owiipopile kutya nonando egeelo lyaHoseb olya shunithwa pevi kali e na okumangululwa molwaashoka natango okwa li e na okulongela po omageelo gamwe ngoka a li a pewa.
Oshipotha shoka osha undulilwa komasiku 18 gaNovemba.
Norman Tjombe oye ta kalelepo Hoeseb, omanga epangelo tali kalepwa po kuAina Ndungula.
JANA-MARI SMITH
Sebedeus Hoseb okwa hala okufutwa oshimaliwa shoomiliyona yimwe, sho egeelo lye lya pu momasiku 18 gaJune mo 2014 ihe okwa mangululwa owala momasiku 10 gaJune mo 2016.
Okwa popi kutya endopo lyokumanitha oombaapila dhemangululo lye oshowo endopo lyekwatathano pokati komalelo kombinga yegeelo lyoomvula ntano ndyoka lya kuthwa ko, oshi li e yo pondje lyuuthemba we.
Hoseb okwa li a geelwa noomvula 15 momvula 2004 konima sho a monika ondjo moshipotha shekwatonkonga ndyoka a ningi omanga e na oomvula 18. Momvula ya faathana okwa monika woo ondjo moshipotha shedhengo nonkambadhala yokweehameka kolutu na okwa pewa geelo lyoomvula ne oshowo oomvula mbali dha gwedhwa po nenge a fute oshimaliwa shooN$2 000, omolwa okwiiyaka modholongo.
Okwa li a ningi eindilo ta pataneke egeelo ndyoka a pewa moshipotha shekwatonkonga negeelo lye olya shunitha pevi noomvula ntano.
Nonando egeelo olya shunithwa pevi noomvula ntano aanambelewa yompangu inaya gandja uuyelele mboka kaanambelewa yomalelo goodholongo. Uuministeli owiipopile kutya nonando egeelo lyaHoseb olya shunithwa pevi kali e na okumangululwa molwaashoka natango okwa li e na okulongela po omageelo gamwe ngoka a li a pewa.
Oshipotha shoka osha undulilwa komasiku 18 gaNovemba.
Norman Tjombe oye ta kalelepo Hoeseb, omanga epangelo tali kalepwa po kuAina Ndungula.
JANA-MARI SMITH
Comments
Namibian Sun
No comments have been left on this article