Swapo ota kwatelwa komeho komambo
Omunashipundi gwelelo lyoSwapo, a pewa oshinakugwanithwa shoshitopolwa shaKavango East, okwa popi kutya moSwapo kamu na ngoka omunene e vule ongundu yoSwapo, nomatokolo agehe naga ningwe kwiikolelelwa kekotampango lyongundu nomambo gomilandu.
Ø Iilyo yoSwapo nayi leshe nokuuvako omilandu dhongundu
KENYA KAMBOWE
James Sankwasa okwa popi kutya iilyo yongundu yoSwapo oyi na omukalo gwokupopya kutya otayi ningi omatokolo yiikwatelela kekotampango lyongundu ihe oya ndopa okugandja iiholelwa yoontopolwa mekotampango, na okwa pula iilyo yi leshe ekotampango lyongundu opo ya vule okuninga omatokolo ge li mondjila.
Sankwasa okwa popi ngaaka mEtitano lyoshiwike sha piti, pethimbo kwa patululwa omutumba gwoSwapo Kavango East Regional Executive Meeting (REC), mondoolopa yaRundu, omutumba ngoka gwa ningwa sha landula sho iilyo yelelelo lyondoolopa yaRundu ya tokola okukala inayi kutha ombinga momutumba gwegwanithilo miilonga.
“Onga aaleli aahogololwa naaniionga yepangelo otu na oshinakugwnaithwa shokulesha nokuuvako nokutula woo miilonga ekotampango. Embo ndika oli li onga ombiimbeli yetu nembo lyetu lyomaimbilo. Olya pumbwa okukwatela komeho omadhilongo getu, iilonga yetu oshowo omatokolo ngoka tatu ningi meyambulepo lyaNamibia, onga ongundu tayi pangele. Olundji onduuvu aantu taya popi kutya “kwiikwatelelwa kekotampango” ihe itaya vulu okugandja ontopolwa yekotampango ndjoka taya popi, molwaashoka ihatu lesha ekotampango nenge ohatu li lesha ihe katu uvite shoka tali ti. Natu li lesheni tuuveko,” Sankwasa a popi.
Sankwasa okwa popi kutya ope na oompango nomilandu ndhoka dha pumbwa okulandulwa uuna taku hogololwa aanambelewa naakalelipo moondondo dhepangelo dha yooloka, mwakwatelwa woo omulandu gwomautho oshowo omaihumbato kwa tegelelwa giihumbatwe kiilyo yongundu yoSwapo.
Iilyo yelelo lyondoolopa yaRundu oya li ya tegelelwa yi ninge omahogoolo gokomvula oshowo oshituthi sheganithilo miilonga mEtitatu ihe ookansela yamwe po oya tindi okukutha ombinga yahala kukalekwe elombwelo ndyoka lya gandjwa kuamushanga gwongundu yoSwapo, Sophia Shaningwa.
Shaningwa okwa gandja elombwelo kutya omulandu ngoka guli po go nagu kale miilonga ihe ookansela oya hala omalunduluko na opo owala taya ka kutha ombinga moshituthi sheganithilo miilonga.
Ookansela oya hala woo okuva ngele mayola gwondoolopa Verna Sinimbo ota landula omusamane gwe Gabriel Sinimbo koIndia hoka uulikwa kOmupresidende Hage Geingob onga omukalelipo gwoshilongo.
Sho a ningilwa omapulo oshiwike sha piti Sinimbo okwa lombwele oNamibian Sun, kutya ndyoka etokolo lyopaumwene na ke na ongunga opo andola a yelithe nokugandja omayamukulo kelelo lyondoolopa kombinga yetokolo lye ndyoka. Okwa popi woo kutya itaka tseyitha etokolo lye miikundaneki.
Nonando ongaaka, sha landula oshinyolwa shoNamibian Sun, Sinimbo okwa li a popiwa monzokundaneki yoNampa ta popi kutya ita landula omusamane gwe koIndia na ota kala pompito ye yiilonga onga mayola gwaRundu.
Pethimbo lyomutumba ngoka, Sankwasa okwa lombwele aakuthimbinga yongundu yoSwapo nkene uuvite nayi omolwa onkalo moka mu na ondoolopa yaRundu. Okwa ulike omathano ngoka a thaneke ngoka taga ulike nkene ondoolopa ndjoka yanyata noonkondo.
Okwa popi kutya mboka ye li mombelelwa itaya longo iilonga yawo ihe pehala otaya iyambapaleke na itaya longo muuwananwa woshigwana shoka she ya hogolola.
Sho a ningilwa omapulo, omukwatakanithi gwoSwapo moKavango East, Otillie Shinduvi okwa popi kutya nonando okwa ningwa omutumba gwoREC, oonkundathana kombinga yoshikumungu shoka onkene tadhi tsikile.
KENYA KAMBOWE
James Sankwasa okwa popi kutya iilyo yongundu yoSwapo oyi na omukalo gwokupopya kutya otayi ningi omatokolo yiikwatelela kekotampango lyongundu ihe oya ndopa okugandja iiholelwa yoontopolwa mekotampango, na okwa pula iilyo yi leshe ekotampango lyongundu opo ya vule okuninga omatokolo ge li mondjila.
Sankwasa okwa popi ngaaka mEtitano lyoshiwike sha piti, pethimbo kwa patululwa omutumba gwoSwapo Kavango East Regional Executive Meeting (REC), mondoolopa yaRundu, omutumba ngoka gwa ningwa sha landula sho iilyo yelelelo lyondoolopa yaRundu ya tokola okukala inayi kutha ombinga momutumba gwegwanithilo miilonga.
“Onga aaleli aahogololwa naaniionga yepangelo otu na oshinakugwnaithwa shokulesha nokuuvako nokutula woo miilonga ekotampango. Embo ndika oli li onga ombiimbeli yetu nembo lyetu lyomaimbilo. Olya pumbwa okukwatela komeho omadhilongo getu, iilonga yetu oshowo omatokolo ngoka tatu ningi meyambulepo lyaNamibia, onga ongundu tayi pangele. Olundji onduuvu aantu taya popi kutya “kwiikwatelelwa kekotampango” ihe itaya vulu okugandja ontopolwa yekotampango ndjoka taya popi, molwaashoka ihatu lesha ekotampango nenge ohatu li lesha ihe katu uvite shoka tali ti. Natu li lesheni tuuveko,” Sankwasa a popi.
Sankwasa okwa popi kutya ope na oompango nomilandu ndhoka dha pumbwa okulandulwa uuna taku hogololwa aanambelewa naakalelipo moondondo dhepangelo dha yooloka, mwakwatelwa woo omulandu gwomautho oshowo omaihumbato kwa tegelelwa giihumbatwe kiilyo yongundu yoSwapo.
Iilyo yelelo lyondoolopa yaRundu oya li ya tegelelwa yi ninge omahogoolo gokomvula oshowo oshituthi sheganithilo miilonga mEtitatu ihe ookansela yamwe po oya tindi okukutha ombinga yahala kukalekwe elombwelo ndyoka lya gandjwa kuamushanga gwongundu yoSwapo, Sophia Shaningwa.
Shaningwa okwa gandja elombwelo kutya omulandu ngoka guli po go nagu kale miilonga ihe ookansela oya hala omalunduluko na opo owala taya ka kutha ombinga moshituthi sheganithilo miilonga.
Ookansela oya hala woo okuva ngele mayola gwondoolopa Verna Sinimbo ota landula omusamane gwe Gabriel Sinimbo koIndia hoka uulikwa kOmupresidende Hage Geingob onga omukalelipo gwoshilongo.
Sho a ningilwa omapulo oshiwike sha piti Sinimbo okwa lombwele oNamibian Sun, kutya ndyoka etokolo lyopaumwene na ke na ongunga opo andola a yelithe nokugandja omayamukulo kelelo lyondoolopa kombinga yetokolo lye ndyoka. Okwa popi woo kutya itaka tseyitha etokolo lye miikundaneki.
Nonando ongaaka, sha landula oshinyolwa shoNamibian Sun, Sinimbo okwa li a popiwa monzokundaneki yoNampa ta popi kutya ita landula omusamane gwe koIndia na ota kala pompito ye yiilonga onga mayola gwaRundu.
Pethimbo lyomutumba ngoka, Sankwasa okwa lombwele aakuthimbinga yongundu yoSwapo nkene uuvite nayi omolwa onkalo moka mu na ondoolopa yaRundu. Okwa ulike omathano ngoka a thaneke ngoka taga ulike nkene ondoolopa ndjoka yanyata noonkondo.
Okwa popi kutya mboka ye li mombelelwa itaya longo iilonga yawo ihe pehala otaya iyambapaleke na itaya longo muuwananwa woshigwana shoka she ya hogolola.
Sho a ningilwa omapulo, omukwatakanithi gwoSwapo moKavango East, Otillie Shinduvi okwa popi kutya nonando okwa ningwa omutumba gwoREC, oonkundathana kombinga yoshikumungu shoka onkene tadhi tsikile.
Comments
Namibian Sun
No comments have been left on this article