Swapo a ponokele nomalaka omuhogololwa iithikamena
Ookandindate dhomahogololo guukansela melelo lyoshikandjohogololo, Ondangwa Urban, odha ningi omahwahwameko gadwo gomahogololo mehuliloshiwike lya piti.
14 May 2019 | Politics
Omuhogololwa iithikamena, omunamimvo 27, Angelina Immanuel, okwa ningi omahwahwameko gokuwapaleka moka a wayiminwa kaayambidhidhi ye, omanga ongundu yoSwapo ya ningi oshigongi shomahwahwameko shoka sha kaliwa koominista dhokabinete oshowo iilyo yongundu okua koombinga ne dhoshilongo.
Immanuel okwa lombwele oNamibian Sun kutya ina pyakudhukwa okupopya niikundaneki.
Oshilyo shelelo lyongundu yoSwapo na okuli omuprima gwaNamibia, Saara Kuugongelwa-Amadhila, okwa lombwele aahogololi opo kaya hogolole Immanuel ta popi kutya ke li oshilyo shongundu yontumba na ota ningi omauvaneko gegulu kombanda yevi.
Kuugongelwa-Amadhila okwa pula woo Immanuel opo a hulithepo okulongitha omizalo dhongundu yoSwapo, pethimbo ta ningi omahwahwameko ge.
Omuprima okwa pula aahogololi mOndangwa Urban ya hogolole omuulikwa hogololwa gwoSwapo, Leonard Nevonga molwaashoka ota vulu na oku na otseyo nehalo lyookuyambulapo onkalo yaakalimo yomOndangwa.
“Otamu ka hogolola ngiini omuntu ke na omilandu na otaya popi owala. Kaye li kongundu yontumba yi na omilandu. Kamu shi woo kutya oya thikama peni na otaya ningi owala omauvaneko gegulu kombanda yevi.”
Okwa popi kutya ekotampango lyaSwapo olya indika iilyo yawo yi ye momathigathano gopolotika. Mboka taye shi ningi otaya yi pondje ekotampango lyongundu.
“Ito vulu okukala oshilyo shoSwapo na oto kondjitha ongundu yoye mwene. Omuntu ngoka, omuhogololwa iithikamena ta longo nokukutha ko omawi koSwapo, ngaashi hashi ningwa koongundu dhompilameno, oku li omuyambidhidho gwongundu yompilameno.”
“Paku shi ninga ngaaka owiitidhamo nale ngoye mwene moSwapo. Ngele ngoye omuhogololwa iithikamena na owiitala kutya oshilyo shoSwapo, hulitha po ethigathano lyoye, hulitha po okukondjitha oSwapo e to yambidhidha omuhogololwa gwongundu yoye.”
“Ngele ito shi ningi nena itatu ku talako onga oshilyo shoSwapo. Ikaleka kokule nokulongitha omalwaala goSwapo pethimbo to ningi omahwahwameko goye.
Ngele owa hala okukondjitha oSwapo shi ninga wiithikamena na otatu ku sindi ngaashi twe shiningile mboka ye shi kambadhala,” Kuugongelwa-Amadhila a popi.
Immanuel ina yamukula ngele ye oshilyo shoSwapo nongele oha longitha omalwaala goSwapo.
Kombinga yoongundu dhompilameno, Kuugongelwa-Amadhila okwa popi kutya Swapo oku na ondjokonona yokusinda oongundu ndhoka na ote shi ningi natango momahogololo guukansela mOndangwa urban. Momasiku 15 Juni, aakalimo yomOndangwa Urban otaya ka hogolola kansela gwawo omupe, ngoka ta pingenepo, Elia Irimari, ngoka uulikwa a ninge Ngoloneya gwoshitopolwa shaShana. Swapo ota kalelwapo kuNegonga omanga Vincent Ndjoba ta kalelepo oAPP. PDM otayi kalelwa po kuJohannes Martin, omanga Mandume Andreas Tuhafeni ta kalelepo ongundu yoCoD. Mboka yane otaya wayiminwa komuhogololwa iithikamena omunamimvo 27, Angelina Immanuel.
ILENI NANDJATO
Immanuel okwa lombwele oNamibian Sun kutya ina pyakudhukwa okupopya niikundaneki.
Oshilyo shelelo lyongundu yoSwapo na okuli omuprima gwaNamibia, Saara Kuugongelwa-Amadhila, okwa lombwele aahogololi opo kaya hogolole Immanuel ta popi kutya ke li oshilyo shongundu yontumba na ota ningi omauvaneko gegulu kombanda yevi.
Kuugongelwa-Amadhila okwa pula woo Immanuel opo a hulithepo okulongitha omizalo dhongundu yoSwapo, pethimbo ta ningi omahwahwameko ge.
Omuprima okwa pula aahogololi mOndangwa Urban ya hogolole omuulikwa hogololwa gwoSwapo, Leonard Nevonga molwaashoka ota vulu na oku na otseyo nehalo lyookuyambulapo onkalo yaakalimo yomOndangwa.
“Otamu ka hogolola ngiini omuntu ke na omilandu na otaya popi owala. Kaye li kongundu yontumba yi na omilandu. Kamu shi woo kutya oya thikama peni na otaya ningi owala omauvaneko gegulu kombanda yevi.”
Okwa popi kutya ekotampango lyaSwapo olya indika iilyo yawo yi ye momathigathano gopolotika. Mboka taye shi ningi otaya yi pondje ekotampango lyongundu.
“Ito vulu okukala oshilyo shoSwapo na oto kondjitha ongundu yoye mwene. Omuntu ngoka, omuhogololwa iithikamena ta longo nokukutha ko omawi koSwapo, ngaashi hashi ningwa koongundu dhompilameno, oku li omuyambidhidho gwongundu yompilameno.”
“Paku shi ninga ngaaka owiitidhamo nale ngoye mwene moSwapo. Ngele ngoye omuhogololwa iithikamena na owiitala kutya oshilyo shoSwapo, hulitha po ethigathano lyoye, hulitha po okukondjitha oSwapo e to yambidhidha omuhogololwa gwongundu yoye.”
“Ngele ito shi ningi nena itatu ku talako onga oshilyo shoSwapo. Ikaleka kokule nokulongitha omalwaala goSwapo pethimbo to ningi omahwahwameko goye.
Ngele owa hala okukondjitha oSwapo shi ninga wiithikamena na otatu ku sindi ngaashi twe shiningile mboka ye shi kambadhala,” Kuugongelwa-Amadhila a popi.
Immanuel ina yamukula ngele ye oshilyo shoSwapo nongele oha longitha omalwaala goSwapo.
Kombinga yoongundu dhompilameno, Kuugongelwa-Amadhila okwa popi kutya Swapo oku na ondjokonona yokusinda oongundu ndhoka na ote shi ningi natango momahogololo guukansela mOndangwa urban. Momasiku 15 Juni, aakalimo yomOndangwa Urban otaya ka hogolola kansela gwawo omupe, ngoka ta pingenepo, Elia Irimari, ngoka uulikwa a ninge Ngoloneya gwoshitopolwa shaShana. Swapo ota kalelwapo kuNegonga omanga Vincent Ndjoba ta kalelepo oAPP. PDM otayi kalelwa po kuJohannes Martin, omanga Mandume Andreas Tuhafeni ta kalelepo ongundu yoCoD. Mboka yane otaya wayiminwa komuhogololwa iithikamena omunamimvo 27, Angelina Immanuel.
ILENI NANDJATO
Classifieds