SPYL a tindi olopota kutya oonakumana omailongo ye li 67 000 kaaye na iilonga
OGONE TLHAGE
Amushanga gwoSwapo Party Youth League, Ephraim Nekongo okwa tindi omatengeneko ngoka ga ningwa kuuMinisteli wElongo lyoPombanda kutya oonakumana omailongo gawo ye li po 67 000 natango oye li momapandanda kaaye na iilonga.
Nekongo okwa popi kutya uuyelele mboka kawu li mondjila na otawu pukitha oshigwana.
Okwa popi ngaaka pethimbo lyomutumba gwiikundaneki ngoka gwa ningwa kewawa lyaanyasha mOngundu yoSwapo, oshiwike sha piti.
Sho a popi ke na omatompelo guumbangi womapopyo ge, Nekongo okwa ti itashi piti opo aaiilongi yomwaalu ngoka ya kale kaye na iilonga.
“Oshinima shoka kashi shi shoshili….Itandi itaala kutya aailongi o67 000 ka ye na iilonga,” Nekongo a popi, ita gandja uumbangi kutya omolwashike ita itaala omwaalu ngoka.
Uuministeli welongo lyopombanda owa tseyitha omasiku ga piti kutya aaiilongi ya thika po 67 000 ka ye na iilonga.
Uuyelele mboka owa tseyithilwa oshigwana komupeha omukomeho, Nhlanhla Lupahla pethimbo lyoonkundathana kombinga yaailongi mboka kaaye na iilonga.
Nekongo okwa pula woo iilyo yoSPYL yi kambadhala okukala tayi kandulapo omaupyakadhi gawo meni, omanga inayi ya moshigwana nokuholola okwaahatsa kumwe kwawo, ta popi kutya ongundu yawo oyi na omulandu ngoka tagu utha opo ku kundathanwe tango iikumungu ya yooloka meni.
Okwa ekelehi woo omapopyo kutya ewawa ndyoka inali ithikamena na otali pewa omalombwelo okuza kongundu, na ihali ningi omapulo gasha uuna tali pewa omalombwelo ngoka.
Nekongo okwa popi kutya otaya popile woo opo ku kuthwepo ondhalate yomusinda omutiligane.
Okwa gwedha po kutya, ewawa lyawo otali ka gandja omukanda gwomagwedhelepo, pethimbo lyomutumba gwevi omutiyali moshilongo, ngoka tagu pangelwa okuningwa moshiwike shotango shomwedhi Kotomba, na otaya pandula woo epangelo sho lya tokola opo omutumba ngoka gu ningwe.
Amushanga gwoSwapo Party Youth League, Ephraim Nekongo okwa tindi omatengeneko ngoka ga ningwa kuuMinisteli wElongo lyoPombanda kutya oonakumana omailongo gawo ye li po 67 000 natango oye li momapandanda kaaye na iilonga.
Nekongo okwa popi kutya uuyelele mboka kawu li mondjila na otawu pukitha oshigwana.
Okwa popi ngaaka pethimbo lyomutumba gwiikundaneki ngoka gwa ningwa kewawa lyaanyasha mOngundu yoSwapo, oshiwike sha piti.
Sho a popi ke na omatompelo guumbangi womapopyo ge, Nekongo okwa ti itashi piti opo aaiilongi yomwaalu ngoka ya kale kaye na iilonga.
“Oshinima shoka kashi shi shoshili….Itandi itaala kutya aailongi o67 000 ka ye na iilonga,” Nekongo a popi, ita gandja uumbangi kutya omolwashike ita itaala omwaalu ngoka.
Uuministeli welongo lyopombanda owa tseyitha omasiku ga piti kutya aaiilongi ya thika po 67 000 ka ye na iilonga.
Uuyelele mboka owa tseyithilwa oshigwana komupeha omukomeho, Nhlanhla Lupahla pethimbo lyoonkundathana kombinga yaailongi mboka kaaye na iilonga.
Nekongo okwa pula woo iilyo yoSPYL yi kambadhala okukala tayi kandulapo omaupyakadhi gawo meni, omanga inayi ya moshigwana nokuholola okwaahatsa kumwe kwawo, ta popi kutya ongundu yawo oyi na omulandu ngoka tagu utha opo ku kundathanwe tango iikumungu ya yooloka meni.
Okwa ekelehi woo omapopyo kutya ewawa ndyoka inali ithikamena na otali pewa omalombwelo okuza kongundu, na ihali ningi omapulo gasha uuna tali pewa omalombwelo ngoka.
Nekongo okwa popi kutya otaya popile woo opo ku kuthwepo ondhalate yomusinda omutiligane.
Okwa gwedha po kutya, ewawa lyawo otali ka gandja omukanda gwomagwedhelepo, pethimbo lyomutumba gwevi omutiyali moshilongo, ngoka tagu pangelwa okuningwa moshiwike shotango shomwedhi Kotomba, na otaya pandula woo epangelo sho lya tokola opo omutumba ngoka gu ningwe.
Comments
Namibian Sun
No comments have been left on this article