Shoprite a pulwa a kuthemo iipotha mbyoka a tulile mo aaniilonga
Ehangano etiyali olya pula opo ostola yaSouth Afrika ndjoka yi na iitayi yoostola moNamibia, opo yi kuthe mo iipotha mbyoka ya tulile mo aaniilonga mboka ya kutha ombinga mekanka ndyoka lya ningwa oomvula mbali dha piti.
Ehangano lyoEconomic and Social Justice Trust (ESJT) olya pula opo Shoprite a kuthemo iipotha mbyoka a tulilemo aaniilonga, tali popi kutya itali pitika we aaniilonga ya kale taya ningwa nayi.
Omanga elelo lyaShoprite lya popi kutya otali ka yamukula mbala koshikumungu shoka, omunashipundi gwoTrust, Herbert Jauch, okwa popi kutya eihumbatelo nayi lyaaniilonga olya ninga ethimbo ele ngashiingeyi nomukalo ngoka oga pumbwa okuthika pehulilo.
Ehangano lyoTrust olya popi kutya muule woomvula mbali dha piti, aaniilonga yostola yaShoprite ya thika pe-100 mOvenduka oya tulilwa mo iipotha molwaashoka oya kutha ombinga mekanka mo-2015. Ehangano ndyoka olya gwedha ko kutya Shoprite okwa kutha miilonga aaniilonga ya thika pe-176 mOrundu noGobabis, nehangano ndyoka aniwa otali tsikile nokwiihumbatela nayi aaniilonga.
Ehangano lyoEconomic and Social Justice Trust olya pula opo Shoprite a kuthemo iipotha ayihe mbyoka a tulilemo aaniilonga ye, ta tameke okuya moonkundathana naaniilonga opo ya kandulepo omukundu ngoka guli po. Omunashipundi gwoTrust okwa tsikile kutya omatompelo sho omahangano ngoka gelilepo aaniilonga mboka itaga tsu kumwe nostola ndjoka opo yi simaneke oompango yaaniilonga omolwaashoka omahangano ngoka oga topokauka.
Jauch okwa popi kutya aaniilonga mboka ohaya mono ondjambi inayi vula pooN$2 500, ndjoka a popi kutya itayi vulu okwiidhidhimikilwa.
Shoprite omvula ya piti okwa mono iiyemo yoobiliyona 130 noomiliyona 50 odha pewa Omunambelewa Omukuluntu gwehangano ndyoka Whitey Basson onga olupandu.
“Aaniilonga yaShoprite ohaya mono ondjambi inayi koya poo-N$2 500 komwedhi. Ihaya mono iifuta yomalweendo, aaniilonga ohaya longitha oshimaliwa shooN$480 no N$960 momwedhi kehe onga iifuta yomalweendo okuya nokuza kiilonga. Oye na woo okufuta omahala mpoka haya zi oshimaiwa shooN$1 000, omanga inaya dhilaadhila kombinga yiikulya, omeya nohaasa yokuteleka,” Jauch a popi.
Jauch okwa tsikile kutya oompangu ndhoka taga ningilwa aaniilonga nadho otadhi pula oshindji okuza mondjato yehangano lyaShoprite.
Okwa popi kutya Shoprite okwa longitha oshimaliwa sha thika poomiliyona 3.3 muule womasiku 51 momitumba dhomapulakeno giipotha mbyoka tayi tamanekelwa aaniilonga, ina mu kwatelwa iifuta yomahala oshowo yiikwaveta.
Sho a ningilwa omapulo, omunambelewa gwoonzo dhopauntu moShoprite, Karen Smith, okwa popi kutya oku na ontseyo kombinga yomushangwa ngoka gwa ningwa koTrust na otaya ka yamukula mbala.
Ehangano lyoNamibia Food and Allied Workers Union (Nafau) olya pula aaniilonga ayehe yaShoprite moshilongo opo ya wayimine ehangano ndyoka opo omakemo gawo ga vule okuuvika. Nafau okwa tsu kumwe nomapopyo gaJauch kutya iipotha mboka ya tulilwa mo aaniilonga oya pumbwa okukuthwa mo.
Mo-2015, aaniilonga oya tulilwa mo iipotha omolwa eyo pondje lyoompango dhehangano, sho ya kutha ombinga mekanka lyaaheli paveta, okufaula kiilonga , eyonagulo lyomaliko gehangano oshowo okuya moshipala omakonaakono gehangano.
KENYA KAMBOWE
Omanga elelo lyaShoprite lya popi kutya otali ka yamukula mbala koshikumungu shoka, omunashipundi gwoTrust, Herbert Jauch, okwa popi kutya eihumbatelo nayi lyaaniilonga olya ninga ethimbo ele ngashiingeyi nomukalo ngoka oga pumbwa okuthika pehulilo.
Ehangano lyoTrust olya popi kutya muule woomvula mbali dha piti, aaniilonga yostola yaShoprite ya thika pe-100 mOvenduka oya tulilwa mo iipotha molwaashoka oya kutha ombinga mekanka mo-2015. Ehangano ndyoka olya gwedha ko kutya Shoprite okwa kutha miilonga aaniilonga ya thika pe-176 mOrundu noGobabis, nehangano ndyoka aniwa otali tsikile nokwiihumbatela nayi aaniilonga.
Ehangano lyoEconomic and Social Justice Trust olya pula opo Shoprite a kuthemo iipotha ayihe mbyoka a tulilemo aaniilonga ye, ta tameke okuya moonkundathana naaniilonga opo ya kandulepo omukundu ngoka guli po. Omunashipundi gwoTrust okwa tsikile kutya omatompelo sho omahangano ngoka gelilepo aaniilonga mboka itaga tsu kumwe nostola ndjoka opo yi simaneke oompango yaaniilonga omolwaashoka omahangano ngoka oga topokauka.
Jauch okwa popi kutya aaniilonga mboka ohaya mono ondjambi inayi vula pooN$2 500, ndjoka a popi kutya itayi vulu okwiidhidhimikilwa.
Shoprite omvula ya piti okwa mono iiyemo yoobiliyona 130 noomiliyona 50 odha pewa Omunambelewa Omukuluntu gwehangano ndyoka Whitey Basson onga olupandu.
“Aaniilonga yaShoprite ohaya mono ondjambi inayi koya poo-N$2 500 komwedhi. Ihaya mono iifuta yomalweendo, aaniilonga ohaya longitha oshimaliwa shooN$480 no N$960 momwedhi kehe onga iifuta yomalweendo okuya nokuza kiilonga. Oye na woo okufuta omahala mpoka haya zi oshimaiwa shooN$1 000, omanga inaya dhilaadhila kombinga yiikulya, omeya nohaasa yokuteleka,” Jauch a popi.
Jauch okwa tsikile kutya oompangu ndhoka taga ningilwa aaniilonga nadho otadhi pula oshindji okuza mondjato yehangano lyaShoprite.
Okwa popi kutya Shoprite okwa longitha oshimaliwa sha thika poomiliyona 3.3 muule womasiku 51 momitumba dhomapulakeno giipotha mbyoka tayi tamanekelwa aaniilonga, ina mu kwatelwa iifuta yomahala oshowo yiikwaveta.
Sho a ningilwa omapulo, omunambelewa gwoonzo dhopauntu moShoprite, Karen Smith, okwa popi kutya oku na ontseyo kombinga yomushangwa ngoka gwa ningwa koTrust na otaya ka yamukula mbala.
Ehangano lyoNamibia Food and Allied Workers Union (Nafau) olya pula aaniilonga ayehe yaShoprite moshilongo opo ya wayimine ehangano ndyoka opo omakemo gawo ga vule okuuvika. Nafau okwa tsu kumwe nomapopyo gaJauch kutya iipotha mboka ya tulilwa mo aaniilonga oya pumbwa okukuthwa mo.
Mo-2015, aaniilonga oya tulilwa mo iipotha omolwa eyo pondje lyoompango dhehangano, sho ya kutha ombinga mekanka lyaaheli paveta, okufaula kiilonga , eyonagulo lyomaliko gehangano oshowo okuya moshipala omakonaakono gehangano.
KENYA KAMBOWE
Comments
Namibian Sun
No comments have been left on this article