Shoka tashi li oSwapo oshi li meni lyoSwapo
Onkalo yomananathano meni lyongundu yoskola otashi vulika yi ka gume iizemo yomahogololo yongundu ndjoka nuumvo, nonando ongundu ndjoka oyi na eyambidhidho enene okuza moshigwana.
JEMIMA BEUKES
Otashi ka kala oshikando shotango muule woomvula odhindji dha piti, Swapo a ye momahogololo e li metopoko enene okuza mokati kaayambidhidhi ye.
Pahapu dhomunongononi gwonkalo yopolotika, Ndumba Kamwanyah okwa popi kutya shoka tashi li oSwapo oshi li meni lyoSwapo.
Kamwanyah okwa popi kutya ope na woo omanyano ogendji taga ningilwa omupresidende gwoshilongo Hage Geingob pamwe nelelo lye.
Okwa popi kutya oku wete kutya olugodhi mokati koSwapo olunene noonkondo naaleli yongundu oya pumbwa okuninga po sha meendelelo opo onkalo ndjoka kayi nayipale nayi.
“Eeno otaya vulu okukala taya popi kutya kape na etopoko mongundu ndjoka, ihe oshili ooshoka kutya oye na uumbanda kutya oshike tashi vulu okuholoka po.”
Nonando ongaaka Kamwanyah, okwa popi kutya ke wete aayambidhidhi yoSwapo taya ka hogolola oongundu dhompilameno nonando oya lya moonyandi na oyuuvitile nayi ongundu yawo.
“Inaya nyanyukilwa elelo lyongundu ndyoka li li koshipundi na oya kanitha einekelo melelo ihe itaya ka hogolola ongundu yilwe.”
Okwa holola kutya pakutala kwe ope na shoka sha pumbwa okuningwa po meendelelo nongele hasho nena otashi vulika aantu ya kakale inaya ya komahogololo pehala lyokuhogolola ongundu yawo ndjoka tayi pangele, molwaashoka momapopyo gawo ihaya popi kutya oongundu dhompilameno odhi li hwepo kongundu yoSwapo.
Nico Horn, okwa popi kutya oku na einekelo kutya ohole yaGeingob otayi ka shuna pevi, ihe ke wete ta ka mona omawi ge li pevi lyoopresenda 70.
Ngoka natango omaiyuvo gaHenning Melber ngoka a popi kutya itaka limbililwa nenge a haluke ngele omuhogololwa gwongundu yoSwapo momahogololo guupresidende okwa mono omawi ge li pevi kwaangoka gongundu oshikando shotango.
Uupyakadhi waSwapo
Swapo okwa kala nokufalwa kompangu iikando oyindji konima nkene Geingob a yi koshipundi.
Momvula yo 2016, amushanga nale gwoSwapo Party Youth League (SPYL), Elijah Ngurare, oshowo aahwahwameki yiikumungu yevi Job Amupanda, George Kambala oshowo Dimbulukeni Nauyoma oya fala ongundu kompangu konima sho ya li ya tidhwa mo mongundu.
Osha li esithahoni enene kongundu yoSwapo, sho Ompangu yoPombanda moshilongo ya ningi etokolo muuwanawa woonakutidhwa, na oya gandja elombwelo kutya mboka naya shunwe mo mongundu, ihe inaku ningwa etokolo lya sha kombinga yoompito dhawo dhiilonga yuuleli mongundu.
Ongundu yaakwaSwapo natango oya yi kompangu taya pataneke oshizemo shomahogololo gomutumba gwokongresa yongundu ngoka gwa ningwa mo 2017.
Oshipotha shoka natango otashi tsikile.
Momvula yo 2014, Geingob okwa sindanapo omahogololo guupresidede noopresenda 86.73, omanga oSwapo ya sindana po omahogololo momutumba gwopashigwana noopresenda 80.01.
Ongundu tayi pangele oya mono iipundi 77 mOmutumba gwoPashigwana omanga iipundi 19 tayi topolwa koongundu dhompilameno.
Kombinga yoongundu dhompilameno kaku wetike omalunduluko ngoka tadhi ningi po, opo pamwe dhi ka kale dha nana aahogololi, kakele pamwe kongundu ompe ndjoka yoLandless People’s Movement (LPM), pamwe tayi ke shi pondola okumona iipundi iishona ihe aluhe otayi ka kala ya talika kutya ongundu yaantu yomuumbugantu.
Horn okwa popi kutya onkalo yekondjelomanguluko oyo unene tayi dhana onkandangala mokati komadhilaadhilo unene gaakokele naakalimo yoshilongo monooli yoshilongo. Okwa tsikile kutya nonando ongundu yoSwapo oyi kale tayi mono omanyano ogendji okuza koshigwana itashi hogolola ongundu yilwe yopolotika.
Horn okwa tsikile kutya etopo ndyoka li li moSwapo ka li shi oshinima oshiwanawa.
Okwa tsikile kutya shoka otashi etithwa sho oshilongo kashi na ongundu yompilameno yi na oonkondo , ta popi kutya onkalo yoCoD oshowo RDP, nayi kale oshiholelwa kwaamboka ya loloka, kutya ngele oya thigi po Swapo nena otaya ki iyadha pondje kaye na eyambidhidho lyasha.
Horn okwa popi kutya ke na we etegelelo lyongundu ompe moshilongo.
Otashi ka kala oshikando shotango muule woomvula odhindji dha piti, Swapo a ye momahogololo e li metopoko enene okuza mokati kaayambidhidhi ye.
Pahapu dhomunongononi gwonkalo yopolotika, Ndumba Kamwanyah okwa popi kutya shoka tashi li oSwapo oshi li meni lyoSwapo.
Kamwanyah okwa popi kutya ope na woo omanyano ogendji taga ningilwa omupresidende gwoshilongo Hage Geingob pamwe nelelo lye.
Okwa popi kutya oku wete kutya olugodhi mokati koSwapo olunene noonkondo naaleli yongundu oya pumbwa okuninga po sha meendelelo opo onkalo ndjoka kayi nayipale nayi.
“Eeno otaya vulu okukala taya popi kutya kape na etopoko mongundu ndjoka, ihe oshili ooshoka kutya oye na uumbanda kutya oshike tashi vulu okuholoka po.”
Nonando ongaaka Kamwanyah, okwa popi kutya ke wete aayambidhidhi yoSwapo taya ka hogolola oongundu dhompilameno nonando oya lya moonyandi na oyuuvitile nayi ongundu yawo.
“Inaya nyanyukilwa elelo lyongundu ndyoka li li koshipundi na oya kanitha einekelo melelo ihe itaya ka hogolola ongundu yilwe.”
Okwa holola kutya pakutala kwe ope na shoka sha pumbwa okuningwa po meendelelo nongele hasho nena otashi vulika aantu ya kakale inaya ya komahogololo pehala lyokuhogolola ongundu yawo ndjoka tayi pangele, molwaashoka momapopyo gawo ihaya popi kutya oongundu dhompilameno odhi li hwepo kongundu yoSwapo.
Nico Horn, okwa popi kutya oku na einekelo kutya ohole yaGeingob otayi ka shuna pevi, ihe ke wete ta ka mona omawi ge li pevi lyoopresenda 70.
Ngoka natango omaiyuvo gaHenning Melber ngoka a popi kutya itaka limbililwa nenge a haluke ngele omuhogololwa gwongundu yoSwapo momahogololo guupresidende okwa mono omawi ge li pevi kwaangoka gongundu oshikando shotango.
Uupyakadhi waSwapo
Swapo okwa kala nokufalwa kompangu iikando oyindji konima nkene Geingob a yi koshipundi.
Momvula yo 2016, amushanga nale gwoSwapo Party Youth League (SPYL), Elijah Ngurare, oshowo aahwahwameki yiikumungu yevi Job Amupanda, George Kambala oshowo Dimbulukeni Nauyoma oya fala ongundu kompangu konima sho ya li ya tidhwa mo mongundu.
Osha li esithahoni enene kongundu yoSwapo, sho Ompangu yoPombanda moshilongo ya ningi etokolo muuwanawa woonakutidhwa, na oya gandja elombwelo kutya mboka naya shunwe mo mongundu, ihe inaku ningwa etokolo lya sha kombinga yoompito dhawo dhiilonga yuuleli mongundu.
Ongundu yaakwaSwapo natango oya yi kompangu taya pataneke oshizemo shomahogololo gomutumba gwokongresa yongundu ngoka gwa ningwa mo 2017.
Oshipotha shoka natango otashi tsikile.
Momvula yo 2014, Geingob okwa sindanapo omahogololo guupresidede noopresenda 86.73, omanga oSwapo ya sindana po omahogololo momutumba gwopashigwana noopresenda 80.01.
Ongundu tayi pangele oya mono iipundi 77 mOmutumba gwoPashigwana omanga iipundi 19 tayi topolwa koongundu dhompilameno.
Kombinga yoongundu dhompilameno kaku wetike omalunduluko ngoka tadhi ningi po, opo pamwe dhi ka kale dha nana aahogololi, kakele pamwe kongundu ompe ndjoka yoLandless People’s Movement (LPM), pamwe tayi ke shi pondola okumona iipundi iishona ihe aluhe otayi ka kala ya talika kutya ongundu yaantu yomuumbugantu.
Horn okwa popi kutya onkalo yekondjelomanguluko oyo unene tayi dhana onkandangala mokati komadhilaadhilo unene gaakokele naakalimo yoshilongo monooli yoshilongo. Okwa tsikile kutya nonando ongundu yoSwapo oyi kale tayi mono omanyano ogendji okuza koshigwana itashi hogolola ongundu yilwe yopolotika.
Horn okwa tsikile kutya etopo ndyoka li li moSwapo ka li shi oshinima oshiwanawa.
Okwa tsikile kutya shoka otashi etithwa sho oshilongo kashi na ongundu yompilameno yi na oonkondo , ta popi kutya onkalo yoCoD oshowo RDP, nayi kale oshiholelwa kwaamboka ya loloka, kutya ngele oya thigi po Swapo nena otaya ki iyadha pondje kaye na eyambidhidho lyasha.
Horn okwa popi kutya ke na we etegelelo lyongundu ompe moshilongo.
Comments
Namibian Sun
No comments have been left on this article