Shaningwa a geye omolwa omalundilo goombumbo
Amushanga gwongundu yoSwapo, okwa ekelehi omapopyo kutya okwa pewa ombumbo yoshimaliwa sha thika poomiliyona 6 kehangano lyoJack Mutua Architects, opo a gandje otendela kehangano ndyoka li thaneke etungo epe lyoombelewa dhoSwapo.
Omukanda gwopaemail ngoka gwa tumwa komuntu keeshiwike ogwa popi kutya iimaliwa mbyoka oya futwa momayalulo gombaanga yaKenya yomumwayina gwaShaningwa, Ignatius Shaningwa.
Omukanda ngoka ogwa popi kutya ondando yokutunga oombelewa ndhoka ngashiingeyi oyi li poomiliona 400, okuza pondando yoomiliyona 150 sigo 200 mpoka ya li tango.
Tango, Shaningwa okwa thiminike Omukomeho gwoKalahari Holdings, Christian Maketo, opo a shaine etsokumwe lyoongunga nomutungi omanga opoloyeka ndjoka inayi tameka.
“Mondjokonona yoshilongo, ngame Sophia Shaningwa, inandi longa uulingilingi,” Shaningwa apopi, a geya noonkondo.
Okwa popi kutya ye oha longo noshili na iha longo iilonga yokoombunda ihe oha tala kongushu.
Okwa pula woo aakalekipo yoveta opo ya konaakono omalundilo ngoka, kutya okwa futwa ombumbo.
“Otandi pula opo NamPol oshowo Interpol ya ye momayalulo gandje goombaanga moshilongo oshowo pondje yoshilongo nokukutha ko iimaliwa mbyoka kayi shi yandje nokuyi shunitha kooyene.”
Shaningwa okwa a li a popiwa a gandja otendela yokutunga mOmalinda komumwayinamati, Ignatius, na okwa li natango a tindi oohapu ndhoka.
Momushangwa gumwe gwopaemail, Shaningwa okwa shanga kutya: “Aalongi yuulingilingi otaya kala aluhe nokupopya ndje. Ita ya hulitha okupopya ndje molwaashoka otandi ningi oshinima shi li mondjila. Itatu pitika Swapo a kale ta longele moombelewa dha fa egumbo. Swapo ongundu tayi pangele. Aantu mboka kaye hole ehumokomeho otaya kambadhala aluhe nokutilitha ndje opo kandi ninge shoka shi li mondjila , ihe ngame ondi shi shoka shi li mondjila komeho gaKalunga. Ngele aantu oye na uupyakadhi nangame, naye ye kungame. Ondi na egumbo lyandje, ondjambi yandje na onda nyanyukwa kwaashoka ndi na. Onda kala nokulombwela omalayi ngoka taga nyateke edhina lyandje monanguwi kutya ngame kandi shi omufuthi.”
Etuna Nashima, menindjela gwoKalahari Holdings naye okwa tindi omapopyo kutya Shaningwa ota kambadhala okuthiminika ehangano opo li shaine etsokumwe lyoongunga nehangano lyokutunga, ta popi kutya Kalahari Holdings, ke na mo olunyala metungo lyoombelewa dhongundu.
MuApilili, Shaningwa okwa li a popi kutya etungo lyoombelewa oompe dhongundu otali tameke pehulilo lyaJuni.
Nonando ngaaka oshiwike shika okwa popi kutya ethimbo ndyoka itali ke shi pitika molwaashoka iilonga otayi tameke owala muJuli.
Amushanga okwa popi kutya natango kape na ehangano ndyoka lya ulikwa kutya olyo tali ka tunga oombelewa ndhoka, na ina popya ongushu yetungo ndyoka.
CATHERINE SASMAN
Omukanda ngoka ogwa popi kutya ondando yokutunga oombelewa ndhoka ngashiingeyi oyi li poomiliona 400, okuza pondando yoomiliyona 150 sigo 200 mpoka ya li tango.
Tango, Shaningwa okwa thiminike Omukomeho gwoKalahari Holdings, Christian Maketo, opo a shaine etsokumwe lyoongunga nomutungi omanga opoloyeka ndjoka inayi tameka.
“Mondjokonona yoshilongo, ngame Sophia Shaningwa, inandi longa uulingilingi,” Shaningwa apopi, a geya noonkondo.
Okwa popi kutya ye oha longo noshili na iha longo iilonga yokoombunda ihe oha tala kongushu.
Okwa pula woo aakalekipo yoveta opo ya konaakono omalundilo ngoka, kutya okwa futwa ombumbo.
“Otandi pula opo NamPol oshowo Interpol ya ye momayalulo gandje goombaanga moshilongo oshowo pondje yoshilongo nokukutha ko iimaliwa mbyoka kayi shi yandje nokuyi shunitha kooyene.”
Shaningwa okwa a li a popiwa a gandja otendela yokutunga mOmalinda komumwayinamati, Ignatius, na okwa li natango a tindi oohapu ndhoka.
Momushangwa gumwe gwopaemail, Shaningwa okwa shanga kutya: “Aalongi yuulingilingi otaya kala aluhe nokupopya ndje. Ita ya hulitha okupopya ndje molwaashoka otandi ningi oshinima shi li mondjila. Itatu pitika Swapo a kale ta longele moombelewa dha fa egumbo. Swapo ongundu tayi pangele. Aantu mboka kaye hole ehumokomeho otaya kambadhala aluhe nokutilitha ndje opo kandi ninge shoka shi li mondjila , ihe ngame ondi shi shoka shi li mondjila komeho gaKalunga. Ngele aantu oye na uupyakadhi nangame, naye ye kungame. Ondi na egumbo lyandje, ondjambi yandje na onda nyanyukwa kwaashoka ndi na. Onda kala nokulombwela omalayi ngoka taga nyateke edhina lyandje monanguwi kutya ngame kandi shi omufuthi.”
Etuna Nashima, menindjela gwoKalahari Holdings naye okwa tindi omapopyo kutya Shaningwa ota kambadhala okuthiminika ehangano opo li shaine etsokumwe lyoongunga nehangano lyokutunga, ta popi kutya Kalahari Holdings, ke na mo olunyala metungo lyoombelewa dhongundu.
MuApilili, Shaningwa okwa li a popi kutya etungo lyoombelewa oompe dhongundu otali tameke pehulilo lyaJuni.
Nonando ngaaka oshiwike shika okwa popi kutya ethimbo ndyoka itali ke shi pitika molwaashoka iilonga otayi tameke owala muJuli.
Amushanga okwa popi kutya natango kape na ehangano ndyoka lya ulikwa kutya olyo tali ka tunga oombelewa ndhoka, na ina popya ongushu yetungo ndyoka.
CATHERINE SASMAN
Comments
Namibian Sun
No comments have been left on this article