RDP a tula miilonga omauvaneko ge gomahogololo
31 October 2019 | Local News
Ongundu yoRally for Democracy and Progress (RDP) oya tula miilonga omusindalandu gwawo gwomahogololo gwomvula yo 2019 momasiku 26 gaKotomba mOngwediva.
Amushanga gwomauyelele mongundu ndjoka, Nghiningiluandubo Kashume, okwa popi kutya omusindalandu gwawo ogwa nuninwa okuhanganitha oshigwana moNamibia sho ngashiingeyi oshilongo sha topoka.
Kashume okwa popi kutya ito vulu okuya komeho ngele aantu kaye li kumwe ongele to hanganitha aantu molwaashoka uundemokoli ihawu tungwapo komuntu gumwe ihe okaantu oyendji.
Okwa tsikile kutya oya hala uukumwe waantu taya longele kumwe miilonga, elongo lyoondya, ekandulepo lyoluhepo, elongo oshowo efalo lyuundjolowele koshigwana.
Ongundu ya tsikile kutya oya hala okutota po omudhingoloko moka aantu ayehe taya kala ye na uugumbo kutya oye thike pamwe unene paliko oshowo moopoloyeka dheyambulepo lyoshigwana.
Ongundu oya ningi woo omathaneko gokushunitha pevi omwaalu gwiipundi momutumba gwopaliamende okuza piipundi 104 okuya piipundi 72 oshowo okushunitha pevi omwaalu gwoominista okuya poominista 16.
Oya hala woo omakwatathano giigwana yopondje ga vule okukala taga gandja uuwanawa kaantu ayehe moshilongo nokushunitha woo pevi omalweendo gaanambelewa yepangelo gokuya pondje yoshilongo.
Ongundu yahala woo opo oongoloneya yiitopolwa ya kale taga hogololwa pehala lyokuulikwa komupresidende, ngaashi sha tokolwa pamalunduluko ngoka ga ningwa momvula yo 2010.
Oya hala woo okuhulitha po egandjo lyiilonga kookuume naashiwikile, nokugandja iilonga kaantu mboka shili taya vulu iilonga na otaga gwanitha po iilonga yawo ngaashi ye yiinekelelwa.
RDP okwa hala woo omakonaakono gelongitho lyiimaliwa giithikamena ga kale taga ningilwa iiputudhilo ayihe yepangelo na oya hala okuhulitha po omukalo guulingilingi ngoka tagu dhana onkandangala moshilongo ngashiingeyi moka oohandimwe mongundu tayi pangele taya iyambapaleke.
RDP okwa hala woo okuhulitha po ekano lyiimaliwa yoshigwana ngaashi ndyoka lya ningwa moopoloyeka dhomapungulo giimaliwa yoshigwana ngaashi moGIPF DCP, Avid, Tipeeg oshowo mass housing schemes.
Omusindalandu ngoka ogwa popi woo ombinga yegameno lyoshilongo, egandjo lyomagumbo nevi koshigwana oshowo etotepo lyoompito dhiilonga moshilongo shoka sha taalela omwaalu omunene gwaantu yaahena iilonga.
Ongundu itayi popile nando okashona elanditho lyevi kaazaizai na oya popi kutya otayi ka talako aakwashigwana ayehe shi thike pamwe mooprograma dhomatulululo nengandjo lyevi koshigwana.
CATHERINE SASMAN
Amushanga gwomauyelele mongundu ndjoka, Nghiningiluandubo Kashume, okwa popi kutya omusindalandu gwawo ogwa nuninwa okuhanganitha oshigwana moNamibia sho ngashiingeyi oshilongo sha topoka.
Kashume okwa popi kutya ito vulu okuya komeho ngele aantu kaye li kumwe ongele to hanganitha aantu molwaashoka uundemokoli ihawu tungwapo komuntu gumwe ihe okaantu oyendji.
Okwa tsikile kutya oya hala uukumwe waantu taya longele kumwe miilonga, elongo lyoondya, ekandulepo lyoluhepo, elongo oshowo efalo lyuundjolowele koshigwana.
Ongundu ya tsikile kutya oya hala okutota po omudhingoloko moka aantu ayehe taya kala ye na uugumbo kutya oye thike pamwe unene paliko oshowo moopoloyeka dheyambulepo lyoshigwana.
Ongundu oya ningi woo omathaneko gokushunitha pevi omwaalu gwiipundi momutumba gwopaliamende okuza piipundi 104 okuya piipundi 72 oshowo okushunitha pevi omwaalu gwoominista okuya poominista 16.
Oya hala woo omakwatathano giigwana yopondje ga vule okukala taga gandja uuwanawa kaantu ayehe moshilongo nokushunitha woo pevi omalweendo gaanambelewa yepangelo gokuya pondje yoshilongo.
Ongundu yahala woo opo oongoloneya yiitopolwa ya kale taga hogololwa pehala lyokuulikwa komupresidende, ngaashi sha tokolwa pamalunduluko ngoka ga ningwa momvula yo 2010.
Oya hala woo okuhulitha po egandjo lyiilonga kookuume naashiwikile, nokugandja iilonga kaantu mboka shili taya vulu iilonga na otaga gwanitha po iilonga yawo ngaashi ye yiinekelelwa.
RDP okwa hala woo omakonaakono gelongitho lyiimaliwa giithikamena ga kale taga ningilwa iiputudhilo ayihe yepangelo na oya hala okuhulitha po omukalo guulingilingi ngoka tagu dhana onkandangala moshilongo ngashiingeyi moka oohandimwe mongundu tayi pangele taya iyambapaleke.
RDP okwa hala woo okuhulitha po ekano lyiimaliwa yoshigwana ngaashi ndyoka lya ningwa moopoloyeka dhomapungulo giimaliwa yoshigwana ngaashi moGIPF DCP, Avid, Tipeeg oshowo mass housing schemes.
Omusindalandu ngoka ogwa popi woo ombinga yegameno lyoshilongo, egandjo lyomagumbo nevi koshigwana oshowo etotepo lyoompito dhiilonga moshilongo shoka sha taalela omwaalu omunene gwaantu yaahena iilonga.
Ongundu itayi popile nando okashona elanditho lyevi kaazaizai na oya popi kutya otayi ka talako aakwashigwana ayehe shi thike pamwe mooprograma dhomatulululo nengandjo lyevi koshigwana.
CATHERINE SASMAN
Classifieds