Punguleni melongo - Shilima
KENYA KAMBOWE
Oshikondo shElongo moshitopolwa shaKavango East, osha pula aakuthimbinga ya yambidhidhe uuministeli moprograma yawo yokwiilonga okulesha nokushanga nokugandja elongo lyopetameko, tashi popi kutya oprograma ndjoka oyo yimwe yomomikalo tadhi kondjitha omaupyakadhi ga taalela oshigwana ngaashi oluhepo nokwaahena iilonga.
Ndhoka odha popiwa komupeha Omukomeho moshikondo shoka, Christine Shilima mEtitano lya piti. Shilima okwa topola noshifokundaneki shoNamibian Sun kutya, oprograma yelongo lyaakuluntu otayi kwathele mokuyambulapo oshigwana.
Shilima okwa gandja omaiyuvo ge kutya uuna aantu ya longwa, otaya vulu okuyambidhidha kekoko lyeliko lyoshilongo molwaashoka oya mangululwa okuza muupika womikalo dhawo dhopamithugululwakalo, nokweendela pamwe nuuyuni moshikako shoomvula dho 21.
Okwa yelitha kutya aantu moshigwana shawo oye na omaukengeli ngaashi iimuna oyindji oshowo evi ewanawa ihe omolwa ompumbwe yuunongo welongo, itaya vulu okweeta po omikaalo omiwanawa ndhoka tadhi vulu oku ya hupitha okuza mondjoko yoluhepo oshowo yokwaahena iilonga.
Okwa tsikile kutya uuministeli otawu longo kehe shoka tawu vulu, opo wu kalekepo oprograma ndjoka moshigwana pakuulika aalongi yoprograma ndjoka opo ya kwashilipaleke kutya oshigwana osha mona elongo lyopetameko.
Okwa popi kutya nonando ongaaka, aailongi yamwe po itaya vulu okumona iikwaniilongitho mbyoka tayi vulu oku ya yambidhidha momailongo gawo, sho a popi kutya oshi li omukundu omunene mokwaadha omalalakano ngoka ga nuninwa oprograma ndjoka.
Shilima okwa popi kutya muule woomvula dha piti, oprograma ndjoka oya kala yiikolelela momayambidhidho gaagandji yooshali, ihe omayambidhidho ngoka ngaashiingeyi otaga shongola omolwa onkalo yopaliko ndjoka ya taalela oshilongo.
Okwa tsikile kutya moshitopolwa shawo, oye na aailongi mboka ye na ohokwe onene yokwiilonga ihe oya nongele kutya ope na aailongi mboka ya taalela woo ompumbwe yiikwathitho melongo lyawo.
Omolwa ompumbwe ndjoka, Shilima ota pula aakuthimbinga unene aanangeshefa opo ya kwathele oprograma ndjoka moshitopolwa shawo.
“Itandi pula aantu ye tu kwathele iiyemo ihe iilongitho moprograma ndjoka, mbyoka tayi vulu okupewa mboka ye li mompumbwe.”
Okwa popi kutya eishangitho moprograma ndjoka, olya thikama poopresenda 80, moshitopolwa shawo.
Shilima okwa popi kutya oshitopolwa shaKavango East oshi na omandiki geli po 191 ngoka geli miilonga, ta popi kutya ootundi ndhoka ohadhi ningilwa pooskola, poongeleka, pomatungo gopakathimbo ga tungwa po kaakwashigwana omanga yamwe haya longelwa kohi yomiti.
Oshikondo shElongo moshitopolwa shaKavango East, osha pula aakuthimbinga ya yambidhidhe uuministeli moprograma yawo yokwiilonga okulesha nokushanga nokugandja elongo lyopetameko, tashi popi kutya oprograma ndjoka oyo yimwe yomomikalo tadhi kondjitha omaupyakadhi ga taalela oshigwana ngaashi oluhepo nokwaahena iilonga.
Ndhoka odha popiwa komupeha Omukomeho moshikondo shoka, Christine Shilima mEtitano lya piti. Shilima okwa topola noshifokundaneki shoNamibian Sun kutya, oprograma yelongo lyaakuluntu otayi kwathele mokuyambulapo oshigwana.
Shilima okwa gandja omaiyuvo ge kutya uuna aantu ya longwa, otaya vulu okuyambidhidha kekoko lyeliko lyoshilongo molwaashoka oya mangululwa okuza muupika womikalo dhawo dhopamithugululwakalo, nokweendela pamwe nuuyuni moshikako shoomvula dho 21.
Okwa yelitha kutya aantu moshigwana shawo oye na omaukengeli ngaashi iimuna oyindji oshowo evi ewanawa ihe omolwa ompumbwe yuunongo welongo, itaya vulu okweeta po omikaalo omiwanawa ndhoka tadhi vulu oku ya hupitha okuza mondjoko yoluhepo oshowo yokwaahena iilonga.
Okwa tsikile kutya uuministeli otawu longo kehe shoka tawu vulu, opo wu kalekepo oprograma ndjoka moshigwana pakuulika aalongi yoprograma ndjoka opo ya kwashilipaleke kutya oshigwana osha mona elongo lyopetameko.
Okwa popi kutya nonando ongaaka, aailongi yamwe po itaya vulu okumona iikwaniilongitho mbyoka tayi vulu oku ya yambidhidha momailongo gawo, sho a popi kutya oshi li omukundu omunene mokwaadha omalalakano ngoka ga nuninwa oprograma ndjoka.
Shilima okwa popi kutya muule woomvula dha piti, oprograma ndjoka oya kala yiikolelela momayambidhidho gaagandji yooshali, ihe omayambidhidho ngoka ngaashiingeyi otaga shongola omolwa onkalo yopaliko ndjoka ya taalela oshilongo.
Okwa tsikile kutya moshitopolwa shawo, oye na aailongi mboka ye na ohokwe onene yokwiilonga ihe oya nongele kutya ope na aailongi mboka ya taalela woo ompumbwe yiikwathitho melongo lyawo.
Omolwa ompumbwe ndjoka, Shilima ota pula aakuthimbinga unene aanangeshefa opo ya kwathele oprograma ndjoka moshitopolwa shawo.
“Itandi pula aantu ye tu kwathele iiyemo ihe iilongitho moprograma ndjoka, mbyoka tayi vulu okupewa mboka ye li mompumbwe.”
Okwa popi kutya eishangitho moprograma ndjoka, olya thikama poopresenda 80, moshitopolwa shawo.
Shilima okwa popi kutya oshitopolwa shaKavango East oshi na omandiki geli po 191 ngoka geli miilonga, ta popi kutya ootundi ndhoka ohadhi ningilwa pooskola, poongeleka, pomatungo gopakathimbo ga tungwa po kaakwashigwana omanga yamwe haya longelwa kohi yomiti.
Comments
Namibian Sun
No comments have been left on this article