PDM ya tokola okufala kompangu oshikumungu shaSardarov
Ongundu yo PDM oya tokola okukonga ekwatho lyompangu sho tayi pataneke etsokumwe pokati kepangelo nekenge lyaRussia ndyoka tali hiila oofaalama dha thika pune okuza kepangelo lyaNamibia.
Momasiku 15 gaFebruali nuumvo, ongundu yoPopular Democratic Movement (PDM) otayi ka pula Ompangu yoPombanda opo yi kaleke oompangela dheyambulepo adhihe moofalama ne ndhoka tadhi hiilwa komukwashigwana gwaRussia Rashid Sardarov pamwe nehangano lye lyedhina Comsar Properties SA, noshitiyali okukutha oonkondo etsokumwe lyehiilo lyoofaalama ndhoka lyuule woomvula 99 ndyoka lya shainwa pokati kepangelo lyaNamibia nomuzaizai ngoka.
Moombaapila dhompangu ongundu yoPDM otayi kongo omayamukulo okuza kOminista yOmatulululo, ehangano lyoComsar, uuministeli wemona, omuprima minista, omupresidende, hahende-ndjai gwepangelo, omushangithi gwomavi, omunashipundi gwocentral procurement board oshowo epangelo.
Omupresidende gwoPDM, McHenry Venaani, moombaapila dhe dhompangu okwa holola kutya oshigwana otashi pumbwa uuyelele moshikumungu shoka oshowo oongundu dhopolotika dhoka dhi li mOmutumba gwoPashigwana noyuuvite kutya omunambelewa gwepangelo ngaashi ominista yomavi oya li yi na okwiihumbata nokuninga omatokolo muuwanawa woshigwana kwiikwatelelwa koompango dhoshilongo.
Oofaalama ndhoka tadhi patanekwa ongaashi Rianhof (yoohecta 5 027.8, Kameelboom (5 917.3), Smaldeel (457.7 ha) oshowo Wolffsgrund (5 982.1), adhihe otashi adhika moshitopolwa shaKhomas.
Oofaalama ndhoka otadhi adhika pamwe na odhi na uunene woohecta 17 385.1 na odha pewa ehangano lyoRainhof Farming Company omanga inadhi gandjwa kepangelo.
MuKotomba gwo 2018, Venaani okwa holola kutya okwa nongele kombinga yetsokumwe ndyoka lya shainwa kominista yomavi Utoni Nujoma oshowo Sardarov.
Venaani okwa popi kutya okwa haluka noonkondo mokuuva onkundana ndjoka.
Okwa popi woo kombinga yomatompelo ga gandjwa kuNujoma moPaliamende ta popile etokolo lyawo okuzimina etsokumwe ndyoka, ta popi kutya otali gandja uuwanawa wopaliko noompito dhiilonga.
Kwiikwatelelwa ketsokumwe ndyoka, Sardarov otaka futa iifuta yohiila kepangelo, yi thike piifuta yokongulu yomavi hayi futwa kaanafaalama ayehe yomalanditho.
Moombaapila dhompangu Venaani okwa popi kutya omulandu ngoka ogwa tulwa po opo gu pitikithe etsokumwe ndyoka lya ningwa.
Okwa tsikile kutya Nuujoma oya tsu kumwe naComsar pakana naashoka kashi li paveta, sho natango a kwatele komeho elandulathano opo omunangeshefa ngoka afute mo ooyene nale yoofaalama ndhoka oshimaliwa shooN$12 000 mohecta yimwe yevi.
Nujoma okwa zimine opo Cosmar a hiile oofaalama ndhoka uule woomvula 99 nonando ompango oya pitika owala oomvula omulongo kaazaizai.
Okwa popi woo kutya aniwa Comsar okwa gandja oshimaliwa omagano goomiliyona 25 komayambulepo gomaudhano, ta landa woo oofaalama dhomatulululo ndhoka dha nuninwa ooprograma dhomatulululo. Venani okwa popi kutya egandjo lyomagano ngoka olya ziminwa komuprima, ihe nonando ongaaka kape na uumbangi mboka wa ulike kutya iimaliwa mbyoka oya gandjwa shi li moshiketha shepangelo.
Venaani okwa popi kutya oya indile ya pewe okopi yetsokumwe ndyoka okuza kombelewa yomaziminino gomalanditho gomavi ihe oombaapila ndhoka kadha li dha pungulwa moondunda yoompungulilo na odha li dhi li aniwa komunambelewa gworegistrar of deeds.
Venaani okwa yi momusholondondo gwiinima ayihe mbyoka e wete ya ningwa kayi li mondjila na itayi endele pamwe nompango metsokumwe moka, ngaashi omukalo moka oofaalama ndhoka dha landwa, nokudhihiilitha komunangeshefa ngoka.
Kape na gumwe gwomaayamukuli a yamukula ta pataneke eindilo ndyoka, naElize Angula ota kalelepo paveta ongundu yoPDM.
YANNA SMITH
Moombaapila dhompangu ongundu yoPDM otayi kongo omayamukulo okuza kOminista yOmatulululo, ehangano lyoComsar, uuministeli wemona, omuprima minista, omupresidende, hahende-ndjai gwepangelo, omushangithi gwomavi, omunashipundi gwocentral procurement board oshowo epangelo.
Omupresidende gwoPDM, McHenry Venaani, moombaapila dhe dhompangu okwa holola kutya oshigwana otashi pumbwa uuyelele moshikumungu shoka oshowo oongundu dhopolotika dhoka dhi li mOmutumba gwoPashigwana noyuuvite kutya omunambelewa gwepangelo ngaashi ominista yomavi oya li yi na okwiihumbata nokuninga omatokolo muuwanawa woshigwana kwiikwatelelwa koompango dhoshilongo.
Oofaalama ndhoka tadhi patanekwa ongaashi Rianhof (yoohecta 5 027.8, Kameelboom (5 917.3), Smaldeel (457.7 ha) oshowo Wolffsgrund (5 982.1), adhihe otashi adhika moshitopolwa shaKhomas.
Oofaalama ndhoka otadhi adhika pamwe na odhi na uunene woohecta 17 385.1 na odha pewa ehangano lyoRainhof Farming Company omanga inadhi gandjwa kepangelo.
MuKotomba gwo 2018, Venaani okwa holola kutya okwa nongele kombinga yetsokumwe ndyoka lya shainwa kominista yomavi Utoni Nujoma oshowo Sardarov.
Venaani okwa popi kutya okwa haluka noonkondo mokuuva onkundana ndjoka.
Okwa popi woo kombinga yomatompelo ga gandjwa kuNujoma moPaliamende ta popile etokolo lyawo okuzimina etsokumwe ndyoka, ta popi kutya otali gandja uuwanawa wopaliko noompito dhiilonga.
Kwiikwatelelwa ketsokumwe ndyoka, Sardarov otaka futa iifuta yohiila kepangelo, yi thike piifuta yokongulu yomavi hayi futwa kaanafaalama ayehe yomalanditho.
Moombaapila dhompangu Venaani okwa popi kutya omulandu ngoka ogwa tulwa po opo gu pitikithe etsokumwe ndyoka lya ningwa.
Okwa tsikile kutya Nuujoma oya tsu kumwe naComsar pakana naashoka kashi li paveta, sho natango a kwatele komeho elandulathano opo omunangeshefa ngoka afute mo ooyene nale yoofaalama ndhoka oshimaliwa shooN$12 000 mohecta yimwe yevi.
Nujoma okwa zimine opo Cosmar a hiile oofaalama ndhoka uule woomvula 99 nonando ompango oya pitika owala oomvula omulongo kaazaizai.
Okwa popi woo kutya aniwa Comsar okwa gandja oshimaliwa omagano goomiliyona 25 komayambulepo gomaudhano, ta landa woo oofaalama dhomatulululo ndhoka dha nuninwa ooprograma dhomatulululo. Venani okwa popi kutya egandjo lyomagano ngoka olya ziminwa komuprima, ihe nonando ongaaka kape na uumbangi mboka wa ulike kutya iimaliwa mbyoka oya gandjwa shi li moshiketha shepangelo.
Venaani okwa popi kutya oya indile ya pewe okopi yetsokumwe ndyoka okuza kombelewa yomaziminino gomalanditho gomavi ihe oombaapila ndhoka kadha li dha pungulwa moondunda yoompungulilo na odha li dhi li aniwa komunambelewa gworegistrar of deeds.
Venaani okwa yi momusholondondo gwiinima ayihe mbyoka e wete ya ningwa kayi li mondjila na itayi endele pamwe nompango metsokumwe moka, ngaashi omukalo moka oofaalama ndhoka dha landwa, nokudhihiilitha komunangeshefa ngoka.
Kape na gumwe gwomaayamukuli a yamukula ta pataneke eindilo ndyoka, naElize Angula ota kalelepo paveta ongundu yoPDM.
YANNA SMITH
Comments
Namibian Sun
No comments have been left on this article