PDM ta pula epangulo lyaayehe taya kwatakanithwa noFishrot
Momukanda ngoka gwa pitithwa kongundu yoPopular Democratic Movement (PDM) oya pula epangulo lyaayehe mboka taya kwatakanithwa noshipotha shuulingilingi shoFishrot.
NAMPA
OVENDUKA
Omukanda ngoka ogwa gandjwa koshilyo shopaliamende kokatekete kongundu yoPDM Inna Hengari, ta yamukula komappyo gwomukonaakoni gwokakomisi koAnti-Corruption Commission (ACC), Willem Olivier pethimbo lyepulakeno yomboloha yominista nale yoohi noonzo dhomomeya Bernhardt Esau oshiwike sha piti.
Esau pamwe noshitenya she, Tamson Hatuikulipi, oya holoka mompangulilo yaVenduka opo ya pwaakene keindilo lyawo lyomboloha.
Pethimbo lyepulakeno ndyoka, Olivier okwa lombwele ompangu kutya konyala oomiliyona dha thika po 17.5 osha futwa kehangano lyoFishcor momayalulo gombaanga yehangano lyiikwaveta lyoSisa Namandje & Co, niimaliwa mboka oya longithwa momahwahwameko gomahogololo gaSwapo.
Omukanda gwoPDM ogwa holola kutya shoka oshi li oshiwinayi momeho gaakwashigana sho iimaliwa mbyoka ya nuninwa okuyambulapo oshilongo naahogololi ya longithwa momahwahwameko gongundu yopolitika.
Ongundu ndjoka oya popi kutya omaihumbato ngoka gokudhengela ondhi peho itaga tungu oshigwana na otaga thigi oshigwana moluhepo unene aanyasha ya kale kaye taya ikongele yoyene oondya.
Ongundu yoPDM oya popi kutya ongundu yoSwapo oya nayipaleke onkalo yeliko na oya pumbwa okupewa uusama, naamboka ya pitike omapititho giimaliwa mbyoka nayo naya taalele epangulo.
Esau oshowo Hatuikulipi pamwe nominista nale yuuyuki, Sacky Shanghala, oshowo omukomeho nale gwehangano lyoInvestec Asset Management Namibia, James Hatuikulipi, Ricardo Gustavo oshowo Pius Mwatelulo nomukomeho gwehangano lyoFishcor ngoka a kuthwa miilonga, Mike Nghipunya otaya tamanekelwa iipotha yuulingilingi, eholeko lyoonzo dhiimaliwa moka ongundu tayi pangele nayo tayi popiwa kutya oya kutha ombinga.
Mboka otaku popiwa kutya oya pewa oombumbo mepingakanitho lyegandjo lyookota dhokukwata oohi kehangano lyaIceland lyedhina Samherji.
OVENDUKA
Omukanda ngoka ogwa gandjwa koshilyo shopaliamende kokatekete kongundu yoPDM Inna Hengari, ta yamukula komappyo gwomukonaakoni gwokakomisi koAnti-Corruption Commission (ACC), Willem Olivier pethimbo lyepulakeno yomboloha yominista nale yoohi noonzo dhomomeya Bernhardt Esau oshiwike sha piti.
Esau pamwe noshitenya she, Tamson Hatuikulipi, oya holoka mompangulilo yaVenduka opo ya pwaakene keindilo lyawo lyomboloha.
Pethimbo lyepulakeno ndyoka, Olivier okwa lombwele ompangu kutya konyala oomiliyona dha thika po 17.5 osha futwa kehangano lyoFishcor momayalulo gombaanga yehangano lyiikwaveta lyoSisa Namandje & Co, niimaliwa mboka oya longithwa momahwahwameko gomahogololo gaSwapo.
Omukanda gwoPDM ogwa holola kutya shoka oshi li oshiwinayi momeho gaakwashigana sho iimaliwa mbyoka ya nuninwa okuyambulapo oshilongo naahogololi ya longithwa momahwahwameko gongundu yopolitika.
Ongundu ndjoka oya popi kutya omaihumbato ngoka gokudhengela ondhi peho itaga tungu oshigwana na otaga thigi oshigwana moluhepo unene aanyasha ya kale kaye taya ikongele yoyene oondya.
Ongundu yoPDM oya popi kutya ongundu yoSwapo oya nayipaleke onkalo yeliko na oya pumbwa okupewa uusama, naamboka ya pitike omapititho giimaliwa mbyoka nayo naya taalele epangulo.
Esau oshowo Hatuikulipi pamwe nominista nale yuuyuki, Sacky Shanghala, oshowo omukomeho nale gwehangano lyoInvestec Asset Management Namibia, James Hatuikulipi, Ricardo Gustavo oshowo Pius Mwatelulo nomukomeho gwehangano lyoFishcor ngoka a kuthwa miilonga, Mike Nghipunya otaya tamanekelwa iipotha yuulingilingi, eholeko lyoonzo dhiimaliwa moka ongundu tayi pangele nayo tayi popiwa kutya oya kutha ombinga.
Mboka otaku popiwa kutya oya pewa oombumbo mepingakanitho lyegandjo lyookota dhokukwata oohi kehangano lyaIceland lyedhina Samherji.
Comments
Namibian Sun
No comments have been left on this article