Ovakwaitava vakulu otava ningi oyoongalele mOnooli
Ovakwaita vakulu voSWATF noKoevoet ove li tava ningi olyoongalele yomayelifilo mOnooli, notava twikile nokupula epangelo li va valule onga ovakwaita vakulu ngaashi naanaa sha ningilwa ovakwaitava vakulu voPLAN.
Momafiku 21 April, ewilikongudu lehangano NAWVET ola ongala noilyo imwe yehangano mOndangwa nova kundafana oshinima shepangelo inali hala okutula koshivalo ovakwaita vakulu voSWATF noKoevoet ngaashi naanaa la ningila ovakwaita vakulu voPLAN.
Momushangwa wa kundafanwa poshoongalele, ovakwaitava vakulu otava ti: “Moule womido 24 da pita otwa kendabala okuudifa po ewilikongudu loSwapo li konge ekandulepo lomukundu lopambili. Otwe va indile ve tu valule onga ovanhu, unene tuu moikondo yepangelo ngaashi mopolifi nometanga leameno. Otwe va indile ve tu valule onga ovakwaitava vakulu. Otwe va indile vaha long eve likolelela koikonene, ashike onghee tava twikile noku tu ningila omatilifo.â€
Otava ti omulandu wediminafanepo owa tulwa po shaashi eembinga adishe mbali oda lulumika Ovanamibia, navali ovakwaita keembinga adishe ova pumbwa exungomwenyo opo ku shilipalekwe ombili tai kalelele.
Ova popya yo nokutya moule womafiku a dja ko ova kendabala okuya meenghundafana novawiliki vepangelo, ashike eenghendabala oda kwatwa moshipala.
“Otwa kendabala okuya meenghundafana nOmuprima Hage Geingob ashike onghendabala oya kwatwa moshipala. Otwa kendabala okuninga ehololomadilaadilo lopambili opo ngeno tu yandje omukandakemo wetu, ashike onghendabala ei nayo oya iwa moshipala,†osho tava ti ngaho.
Ova ekelashi omapopyo omupeduminista Peter Ilonga pefimbo loshoongalele momukunda Omusheshe, tava ti Ilonga okwa li ashike ta popile okupandwa molwaashi neudo oku na omahoololo.
Otava ti Ilonga okwa ngwangwana ashike eshi a uda ovakwaitava vakulu voSWATF noKoevoet va shakena newilikongudu loRDP mOndangwa.
Otava ti eshi va shakeneka Hidipo hamutenya mOndangwa, vo ova li ashike tava pula nokutya omolwashike oRDP i na oipundi i-8 moparliamende ndee nghee ngo va ile mo inava popya sha nande shi nasha noshikumhungu shovakwaitava vakulu voKoevoet/SWATF, nomolwashike okatendo okati-68 mefinamhango loRDP taka popi ashike “ava va mangulula oshilongo�
Otava ti ova dimbulukifa yo Hamutenya nokutya okwa dana onghandangala moshimaliwa shoSWATF/Koevoet osho sha pewa ovakwaita vakulu voPLAN.
Otava ti efimbo oveta yovakwaita vakulu ya li tai kundafanwa moparliamende opa li ashike omunhu umwaake oo a lit a popile ovakwaitava vakulu voSWATF/Koevoet nande ye mwene ka li oshilyo: oye nee McHenry Venaani woDTA.
Otava ti nee, kave wete pe na etomhelo kutya omolwashike momahoololo oneudo vehe na okuyambidida ou a li teva popi moparliamende.
Ovakwaita vakulu ova li natango va ongala mOndangwa mOlomakaya, vo onghela tava ongala mOhangwena. Exuliloshivike tali ya otava ongala mOshakati.
“Nashi yele kwaavo ve lihole voovene nokutya fye Ovanamibia, tu na okukala moNamibia. Katu li moNamibia molwa efilonghenda lanima ile langadi. Navali, fye inatu pula tu valulwe onga ovakwaita vakulu voPLAN. Fye otu li ovakwaita vakulu voSWATF noKoevoet. Onghee ohatu pula ashike tu valulwe onga ovakwaitava vakulu voSWATF noKoevoet ngaashi naanaa ovakwaita vakwetu vakulu voPLAN va valulwa. Nongeenge hasho, oimaliwa yetu eemiliyuna 24, oyo ya kufwa po kepangelo loSwapo, natwii pewe ndee hatu mwena filu,†osho Linus Tobias, umwe womovawiliki voNAWVET a ti ngaho.
OSHAKATI PLACIDO HILUKILWA
Comments
Namibian Sun
No comments have been left on this article