Otweya: Onkundana yomagumbo ya taambwa nomadhilongo ga yooloka
Otis Finck
OMBAYE
Ngoloneya gwoshitopolwa shErongo, Neville Andre okwa tseyithile aakalimo yomOtweya kutya etungo lyomagumbo geli 121 gaantu mboka ya Ii haya zi mehala hali ithanwa nale Twaloloka, mboka omagumbo gawo ga hanagulwapo komulilo omvula ya piti otali tameke konima yewapaleko lyevi, mpoka tapu tungwa omagumbo ndyoka lya manithwa oshiwike sha piti.
Okwa yelitha kutya okomitiye mOmbelewa yOmuprima otayi kwatele komeho opoloyeka ndjoka na omolwa onkalo yoonzo inadhi gwana, omulandu gwotendela inagu tameka natango.
“Otatu ka longitha omulandu moka oonakumona uuwanawa mboka taya ka kutha ombinga nokukala oshitopolwa shaaniilonga.
Otaya ka tha omalambo ngoka nokulonga iilonga yomatungo.”
Omukalo ngoka otagu holele ngoka hagu longithwa koShack Dwellers Federation of Namibia (SDFN)ngoka a tungu nale omagumbo geli 17 muule wiiwike iyali.
Andre okwa popi kutya omagumbo ngoka otaga ka tungwa muule wethimbo efupi lela. “SDFN okwa holola uumbangi na okwa tungu nale omagumbo ge li po 70 muule wiiwike itatu moshitopolwa shaKunene.
Omulandu ngoka tagu longithwa koSDFN otagu endelele na ogwombiiha nomagumbo ngoka otaga tungwa kwiikwatelela komilandu dhamuni. Otwa hala omagumbo ngoka ga kale ga pwa okutungwa muule woomwedhi mbali.”
Iilyo yoSDFN mbyoka yi na otseyo otayi ka yambidhidha wo oonakumona omauwanawa ngoka gokutungilwa omagumbo, nomulandu gwokutunga, niilyo ihamano otayi ka pewa kehe ofamili opo yi yambidhidhe mokutunga.
Ngoloneya okwa lombwele woo aakalimo yomOtweya opo ya fale kumuni oonzapo dhoka ya pewa omvula ya piti, opo omashangitho goometa dhomakwatakanitho gomeya ga ningwe.
Omashangitho ngoka otaga pula oshimaliwa shooN$4 000, dhoka elelo lya tokola opo dhi futwe muule woomwedhi 12, nenge palumwe kwaamboka taya vulu.
Ngoloneya okwa tsikile kutya ooyene yomagumbo ngoka oyo taya ka kala noshinakugwanithwa shokufuta iifuta yomeya nomayakulo galwe gamuni, na okwa popi kutya pomatungo ngoka otapu ka pitikwa okutulwa oombashu.
OMBAYE
Ngoloneya gwoshitopolwa shErongo, Neville Andre okwa tseyithile aakalimo yomOtweya kutya etungo lyomagumbo geli 121 gaantu mboka ya Ii haya zi mehala hali ithanwa nale Twaloloka, mboka omagumbo gawo ga hanagulwapo komulilo omvula ya piti otali tameke konima yewapaleko lyevi, mpoka tapu tungwa omagumbo ndyoka lya manithwa oshiwike sha piti.
Okwa yelitha kutya okomitiye mOmbelewa yOmuprima otayi kwatele komeho opoloyeka ndjoka na omolwa onkalo yoonzo inadhi gwana, omulandu gwotendela inagu tameka natango.
“Otatu ka longitha omulandu moka oonakumona uuwanawa mboka taya ka kutha ombinga nokukala oshitopolwa shaaniilonga.
Otaya ka tha omalambo ngoka nokulonga iilonga yomatungo.”
Omukalo ngoka otagu holele ngoka hagu longithwa koShack Dwellers Federation of Namibia (SDFN)ngoka a tungu nale omagumbo geli 17 muule wiiwike iyali.
Andre okwa popi kutya omagumbo ngoka otaga ka tungwa muule wethimbo efupi lela. “SDFN okwa holola uumbangi na okwa tungu nale omagumbo ge li po 70 muule wiiwike itatu moshitopolwa shaKunene.
Omulandu ngoka tagu longithwa koSDFN otagu endelele na ogwombiiha nomagumbo ngoka otaga tungwa kwiikwatelela komilandu dhamuni. Otwa hala omagumbo ngoka ga kale ga pwa okutungwa muule woomwedhi mbali.”
Iilyo yoSDFN mbyoka yi na otseyo otayi ka yambidhidha wo oonakumona omauwanawa ngoka gokutungilwa omagumbo, nomulandu gwokutunga, niilyo ihamano otayi ka pewa kehe ofamili opo yi yambidhidhe mokutunga.
Ngoloneya okwa lombwele woo aakalimo yomOtweya opo ya fale kumuni oonzapo dhoka ya pewa omvula ya piti, opo omashangitho goometa dhomakwatakanitho gomeya ga ningwe.
Omashangitho ngoka otaga pula oshimaliwa shooN$4 000, dhoka elelo lya tokola opo dhi futwe muule woomwedhi 12, nenge palumwe kwaamboka taya vulu.
Ngoloneya okwa tsikile kutya ooyene yomagumbo ngoka oyo taya ka kala noshinakugwanithwa shokufuta iifuta yomeya nomayakulo galwe gamuni, na okwa popi kutya pomatungo ngoka otapu ka pitikwa okutulwa oombashu.
Comments
Namibian Sun
No comments have been left on this article