Oshiputudhilo shoNakayale VTC tashi nenepekwa
Ehangano lyoNamibia Training Authority (NTA) olya tamekitha iilonga yokulongulula nokunenepeka oshiputudhilo shopaungomba shaNakayale Vocational Training Centre (NVTC) popepi nOutapi moshitopolwa shaMusati.
Opoloyeka ndjoka yongushu yoomiliyona 37.80 otayi longwa kehangano lyoKamau Architects and Associates onga omukwateli komeho gwopoloyeka omanga elelo lyoCentral Procurement Board of Namibia (CPBN) lya ulike ehangano lyoAfrica Civil Engineering, melongelokumwe noChina State Construction Engineering Corporation, onga aatungi yopoloyeka. Pahapu dhOmunambelewa Omukomeho gwoNTA, Jerry Beukes, opoloyeka ndjoka oya kwatelamo etungo lyongulu yiilonga yopautekinika kwalukehe, onguluyiilonga yomatungo yopautekinika, ondunda yokuzalela aadheulwa, oongulu dhomadheulilo dhili ndatu, dhi na endiki lyoonzo oshowo otenda yomeya.
Iilonga mbyoka oya tameke mOmaandaha na okwa tegelelwa yi kale ya manithwa okuya momvula yo2021.
Oshiputudhilo shoka osha totwapo momvula yo 2011 muAguste na osha kala tashi gandja omadheulo mookoosa ngaashi omayakulo gaayenda, omatalelepo, iilonga yomoombelewa oshowo okoosa yiikwamalusheno.
Beukes okwa popi kutya elelepeko lyoshiputudhilo otali ka kwashilipaleka kutya osha ningwa endiki lyomadheulo guuindjinia momalusheno oshowo omauyelele nomakwatathano gopautekinika.
Ngoloneya gwoshitopolwa shaMusati, Erginus Endjala okwa pandula oNTA oshowo uuministeli welongo lyopombanda sho tawu yambulapo oshiputudhilo shoNakayale VTC.
Okwa popi kutya konima nkene sha totwapo momvula yo 2011 oshiputudhio osha kala tashi nana aadheulwa oyendji ihe uupyakadhi owa kala pomadheulo ngoka ga ngambekwa.
Okwa tsikile kutya konima sho sha totwapo momvula yo 2011 muAguste, oshiputudhilo osha li owala shi na aadheulwa ye li po 40, na osha kala tashi gandja omadheulo gopaali mokoosa yomayakulo gaayenda oshowo iilonga yomoombelewa, omadheulo ngoka ga kala taga gandjwa kaadheuli ye li yatano.
Monena oshiputudhilo shoka oshi na aadheulwa yeli po 284, mokoosa yiikwamalusheno ndjoka opo ya tulwa iilonga momvula yo 2016.
Endjala okwa popi kutya elelepeko nelongululo lyoshipitudhilo otali keetelela elelepeko lyomadhelo nokugandja ompito kaadheulwa ya kale ye na ehogololo, na otali ka gandja woo ompito kaanyasha ya vule okumona omadheulo ngoka taga pumbiwa moshikondo shiilonga moshilongo.
Endiki ndyoka olye shi pondola woo okutula miilonga ondondo onti 3 yomadheulo gawo agehe nomoonkambadhala dhokugandja ompito kaadheulwa oyendji endiki plya tungu po oongulu ndatu dhokulongela ihe omolwa omwaalu gwa londo pombanda, NVTC oya tameke otayi hiila ehala mondoolopa opo ya vule okugandja omadheulo kaailongi miikwamulusheno oshowo miilonga yomombelewa.
Ominista yelongo lyopombanda, Itah Kandjii-Murangi, naye opo a li poshituthi shetamekitho lyiilonga mbyoka.
ILENI NANDJATO
Iilonga mbyoka oya tameke mOmaandaha na okwa tegelelwa yi kale ya manithwa okuya momvula yo2021.
Oshiputudhilo shoka osha totwapo momvula yo 2011 muAguste na osha kala tashi gandja omadheulo mookoosa ngaashi omayakulo gaayenda, omatalelepo, iilonga yomoombelewa oshowo okoosa yiikwamalusheno.
Beukes okwa popi kutya elelepeko lyoshiputudhilo otali ka kwashilipaleka kutya osha ningwa endiki lyomadheulo guuindjinia momalusheno oshowo omauyelele nomakwatathano gopautekinika.
Ngoloneya gwoshitopolwa shaMusati, Erginus Endjala okwa pandula oNTA oshowo uuministeli welongo lyopombanda sho tawu yambulapo oshiputudhilo shoNakayale VTC.
Okwa popi kutya konima nkene sha totwapo momvula yo 2011 oshiputudhio osha kala tashi nana aadheulwa oyendji ihe uupyakadhi owa kala pomadheulo ngoka ga ngambekwa.
Okwa tsikile kutya konima sho sha totwapo momvula yo 2011 muAguste, oshiputudhilo osha li owala shi na aadheulwa ye li po 40, na osha kala tashi gandja omadheulo gopaali mokoosa yomayakulo gaayenda oshowo iilonga yomoombelewa, omadheulo ngoka ga kala taga gandjwa kaadheuli ye li yatano.
Monena oshiputudhilo shoka oshi na aadheulwa yeli po 284, mokoosa yiikwamalusheno ndjoka opo ya tulwa iilonga momvula yo 2016.
Endjala okwa popi kutya elelepeko nelongululo lyoshipitudhilo otali keetelela elelepeko lyomadhelo nokugandja ompito kaadheulwa ya kale ye na ehogololo, na otali ka gandja woo ompito kaanyasha ya vule okumona omadheulo ngoka taga pumbiwa moshikondo shiilonga moshilongo.
Endiki ndyoka olye shi pondola woo okutula miilonga ondondo onti 3 yomadheulo gawo agehe nomoonkambadhala dhokugandja ompito kaadheulwa oyendji endiki plya tungu po oongulu ndatu dhokulongela ihe omolwa omwaalu gwa londo pombanda, NVTC oya tameke otayi hiila ehala mondoolopa opo ya vule okugandja omadheulo kaailongi miikwamulusheno oshowo miilonga yomombelewa.
Ominista yelongo lyopombanda, Itah Kandjii-Murangi, naye opo a li poshituthi shetamekitho lyiilonga mbyoka.
ILENI NANDJATO
Comments
Namibian Sun
No comments have been left on this article